Audit beynəlxalq audit şirkəti olan “Baker Tilly Azerbaijan” MMC tərəfindən aparılıb. Qeyd edək ki, “Baker Tilly Azerbaijan” MMC ilə Azərbaycan Respublikası Təhsil Nazirliyi arasında müqavilə Dünya Bankının texniki tapşırığı əsasında bağlanıb. Auditorlar Layihənin maliyyə göstəricilərini və xüsusilə də Dünya Bankının Azərbaycan Beynəlxalq Bankında olan xüsusi valyuta hesabındakı vəsaitlərinin hərəkətinin, eləcə də Layihə çərçivəsində imzalanmış müqavilələrin satınalma prosedurlarının auditini həyata keçiriblər. “Baker Tilly Azerbaijan” MMC Təhsil Sektorunun İnkişafı Layihəsinin 31 mart 2009-cu il tarixinə və həmin tarixdə tamamlanan 15 aylıq dövr üzrə Xüsusi Məqsədli Maliyyə Hesabatlarına dair aşağıdakı kimi Auditor rəyi verib: “Bizim rəyimizcə, Layihənin Xüsusi Məqsədli Maliyyə Hesabatları bütün əhəmiyyətli aspektlər baxımından Layihənin 31 mart 2009-cu il tarixinə maliyyə vəziyyətini və həmin tarixdə tamamlanan il üzrə vəsaitlərin mənbələrini və istifadəsini Dünya Bankının Təlimatlarına uyğun olaraq düzgün əks etdirir”.

08/07/2015 16:52

Azərbaycan Respublikasının Prezidenti cənab İlham Əliyevin Sərəncamı ilə təsdiq edilmiş “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” uğurla həyata keçirilməkdədir. Dövlət Proqramının icrası üzrə tədbirlər planına müvafiq olaraq layihə çərçivəsində təhsil alanlar və xaricə göndəriləcək gənclərin seçim qaydaları haqqında ictimaiyyətə daha operativ məlumatlar vermək məqsədilə Təhsil Nazirliyi tərəfindən “Xaricdə təhsil- Dövlət Proqramı” İnternet səhifəsi yaradılıb. Mərasimi giriş sözü ilə açan təhsil naziri Misir Mərdanov iştirakçıları salamlayaraq təqdimat üçün sözü səhifəni yaradan ABŞ-ın “Silver Texnoloji” şirkətinin nümayəndəsi Fərid İsmayılzadəyə verib. Geniş təqdimatla çıxış edən F. İsmayılzadə nəzərə çatdırıb ki, İnternet səhifəsində Dövlət Proqramına aid bütün hüquqi-normativ sənədlər toplusu, xarici ölkələrin ali məktəblərinə qəbul haqqında seçim qaydaları, müvafiq elanlar, təhsil alanların oxuduqları ölkə, ali məktəb, ixtisas, təhsil pilləsi, təhsilə başlama tarixi və məzunlar haqqında ətraflı məlumatlar əks olunub və yaxın müddətdə məzun olacaq şəxslər barədə materiallar yerləşdirilib. İnternet səhifəsinin ayrı-ayrı bölmələrini tədbir iştirakçılarına təqdim edən şirkət nümayəndəsi müvafiq Dövlət Proqramı ilə əlaqədar Təhsil Nazirliyinə müraciət edənlərə istənilən məlumatı rahat şəkildə əldə etmək imkanının yaradıldığını bildirib. “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” nın icrası istiqamətində görülən işlər barədə ətraflı məlumat verən təhsil naziri Misir Mərdanov qeyd edib ki, Dövlət Proqramının icrası Təhsil Nazirliyinə tapşırıldıqdan sonra bununla bağlı xüsusi sektor yaradılıb. Nazir deyib ki, proqramın əsas məqsədi Azərbaycanda rəqabət qabiliyyətli iqtisadi sistemin formalaşdırılması və davamlı inkişafın təmin edilməsi üçün ölkənin yüksək səviyyəli kadrlara ehtiyacının ödənilməsi, azərbaycanlı gənclərin ümumbəşəri dəyərlər əsasında ali təhsil almaları üçün lazımi şəraitin yaradılması, istedadlı gənclərin dünyanın aparıcı ölkələrində təhsil almaq imkanlarının genişləndirilməsi prosesinin mütəşəkkilliyinin və səmərəliliyinin artırılmasını təmin etməkdən ibarətdir. Dövlət Proqramından əlavə, azərbaycanlı gənclərin xaricdə öz imkanları, müxtəlif təhsil mübadilə proqramlarını həyata keçirən təşkilat və digər donor qurumların təqaüdləri və dövlət xəttilə, yəni təhsil sahəsində əməkdaşlıq haqqında ikitərəfli razılaşmalar əsasında Azərbaycan vətəndaşları üçün ayrılan təqaüdlər hesabına təhsil aldıqlarını söyləyən təhsil naziri hazırda Dövlət Proqramı çərçivəsində dünyanın 17 ölkəsinin yüksək reytində malik olan 81 ali məktəbində bakalavr, magistratura, rezidentura, aspirantura və doktorantura pillələrində prioritet ixtisaslar üzrə 186 nəfər azərbaycanlı tələbənin təhsilini müvəffəqiyyətlə davam etdirdiyini vurğulayıb. Bu il dünyanın müxtəlif ölkələrinin ali məktəblərində təhsil almağa ən qabiliyyətli gənclərin arasından seçilən 200 nəfərin göndərilməsinin nəzərdə tutulduğunu, artıq bir neçə nəfərin Dövlət Proqramı çərçivəsində təhsillərini başa vuraraq Azərbaycana qayıtdığını deyən nazir məzunların işlə təminatı ilə bağlı xüsusu proqramın da hazırlanacağını və gələcəkdə bu işin müəyyən mexanizm əsasında həyata keçiriləcəyini bildirib. Misir Mərdanov xaricdə təhsil alan gənclərdən həmin ölkələrdə qalmaq arzusunda olanların qarşısında heç bir məhdudiyyət qoyulmadığını diqqətə çatdırıb və Azərbaycan Respublikasının Prezidenti cənab İlham Əliyevin təşəbbüsü ilə qəbul olunan bu qaydanın həmin ölkələrdəki diasporumuzun daha da güclənməsində mühüm rol oynayacağını qeyd edib. Nazir deyib ki, xaricdə təhsil alan gənclər ilk növbədə Azərbaycan xalqının təmsilçisi, zəngin və qədim mədəniyyətimizin, adət və ənənələrimizin təbliğatçılarıdır. Xarici ölkələrə göndəriləcək tələbələrin seçilməsində obyektivliyin və şəffaflığın başlıca amil olduğunu nəzərə çatdıran təhsil naziri bildirib ki, ixtisasların müəyyənləşdirilməsi və gənclərin təhsili üçün lazımi şəraitin yaradılması məsələləri də çox böyük əhəmiyyət kəsb edir. Sonda təhsil naziri Misir Mərdanov “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” nın icrası ilə əlaqədar jurnalistlərin çoxsaylı suallarını cavablandırıb.

08/07/2015 16:52

Azərbaycanın bütün ümumtəhsil məktəblərinin (Naxçıvan MR istisna olmaqla) və peşə liseylərinin şagirdləri, o cümlədən ötən dərs illərində buraxılış imtahanlarında qeyri-kafi qiymət alan, müəyyən səbəblərdən orta təhsil kursunu bitirməyən və eksternat qaydasında imtahan vermək üçün müraciət etmiş şəxslər də əhatə olunmaqla, mərkəzləşdirilmiş buraxılış imtahanlarının vaxtı və imtahan götürüləcək fənlər Təhsil Nazirliyi tərəfindən əvvəlcədən müəyyən edilib. Belə ki, respublikamızın orta ümumtəhsil məktəblərinin IX sinif şagirdləri ana dili və riyaziyyat, XI sinif şagirdləri isə ana dili, riyaziyyat, Azərbaycan tarixi, fizika, kimya, biologiya, coğrafiya, xarici dil fənlərindən buraxılış imtahanları verəcəklər. Təlim gürcü dilində olan məktəblərin XI (XII) sinifləri üçün test imtahan sualları müvafiq rayon təhsil şöbələri tərəfindən Təhsil Nazirliyinin yerlərə göndərdiyi "Test bankı"ndan istifadə edilməklə hazırlanıb təsdiq ediləcək. Orta təhsil kursu üzrə buraxılış imtahanları saat 10.00-da başlamaqla 3 (üç) saat vaxt ərzində bölgələr üzrə aşağıdakı qrafik əsasında keçiriləcək:   3 iyun 2009-cu il Şəki, Ağdaş, Ağsu, Balakən, Göyçay, İsmayıllı, Oğuz, Qax, Qəbələ, Quba, Qusar, Xaçmaz, Dəvəçi, Siyəzən, Xızı, Şamaxı, Ucar, Zaqatala, Saatlı, Sabirabad və Qobustan rayonları;   8 iyun 2009-cu il Gəncə, Mingəçevir və Naftalan şəhərləri, Ağdam, Ağstafa, Bərdə, Daşkəsən, Füzuli, Gədəbəy, Goranboy, Göygöl, Qazax, Samux, Şəmkir, Tərtər, Tovuz və Yevlax rayonları;   12 iyun 2009-cu il Şirvan şəhəri, Abşeron, Ağcabədi, Laçın, Astara, Beyləqan, Biləsuvar, Cəbrayıl, Cəlilabad, Hacıqabul, İmişli, Kürdəmir, Lənkəran, Lerik, Masallı, Neftçala, Salyan, Yardımlı və Zərdab rayonları;   16 iyun 2009-cu il Bakı və Sumqayıt şəhərləri. Əsas təhsil kursu üzrə buraxılış imtahanları 3 (üç) saat vaxt verilməklə 5 iyun, eksternat qaydasında əsas və orta təhsil kursu üzrə buraxılış imtahanları isə 23 iyun 2009-cu il tarixdə saat 10.00-da Bakı şəhərindəki 202 saylı məktəbdə keçiriləcək.   Onu da qeyd edək ki, peşə liseylərində orta təhsil kursu üzrə buraxılış imtahanları 24 aprel 2009-cu il tarixdə keçirilib.

08/07/2015 16:52

Müqayisə üçün qeyd edək ki, bu göstərici 2006-cı ildə 116.389, 2007-ci ildə 116.812, ötən il 117.535 nəfər olub. Ümumtəhsil məktəblərinin XII sinfini başa vuran şagirdlər 2006-cı ildə 431, 2007-ci ildə 524, ötən il 311 nəfər olduğu halda, 2009-cu ildə onların sayı 637 nəfərə yüksəlib. 2008-2009-cu tədris ilində təhsil ocaqlarının I sinfinə 119.600 şagird qəbul olunub. Bu göstərici 2006-cı ildə 116.958, 2007-ci ildə isə 117.921 nəfər təşkil edib. 2009-2010-cu dərs ilində isə I sinif şagirdlərinin sayının 125.114 nəfər olacağı proqnozlaşdırılır.

08/07/2015 16:52

Bu il Təhsil Nazirliyinin tabeliyində olan ali məktəbləri 20.092 bakalavr, 2.564 magistr başa vuracaq. 2009-cu il Təhsil Nazirliyinin tabeliyindəki dövlət ali məktəblərinin magistratura pilləsinə tələbə qəbulu planına uyğun olaraq 3.785 yer təklif edilib. Bunların 1.822-si dövlət hesabına, 1.963-ü ödənişlidir. Eyni zamanda, Azərbaycan Dövlət İqtisad Universitetinə MBA proqramı üzrə 450, Azərbaycan Dövlət Neft Akademiyasına MBA proqramı çərçivisində 100, Tempus proqramı üzrə isə 16 magistr yeri ayrılıb. Müvafiq ali məktəblərin bakalavr pilləsinə isə 21.290 nəfərin qəbul olunması nəzərdə tutulub. Onların 9.275-i dövlət hesabına, 12.015 nəfəri isə ödənişli əsaslarla təhsil alacaq.

08/07/2015 16:52

Təhsil Nazirliyinin təşkilatçılığı ilə keçirilən tədbirdə tanınmış ziyalılar, millət vəkilləri, paytaxtın bir sıra orta məktəblərinin rəhbərləri, habelə Bakı Şəhəri üzrə Təhsil İdarəsinin əməkdaşları iştirak ediblər. Tədbiri liseyin fəxri direktoru, Milli Məclisin üzvü, professor Nizami Cəfərov açıb. Liseyin direktoru, respublikanın əməkdar müəllimi Həlimə Mehdiyeva liseyin yaranma tarixi, keçdiyi yol barədə məruzə edib. Qonaqları salamlayan təhsil naziri Misir Mərdanov 10 yaşı qeyd olunan liseyin yubileyi ilə Azərbaycan elminin görkəmli nümayəndəsi Azad Mirzəcanzadənin 80 illiyinin birgə qeyd olunmasını əlamətdar hadisə kimi dəyərləndirib. Akademik Azad Mirzəcanzadənin böyük alim, əsil vətəndaş olduğunu söyləyən nazir onun hər bir alimin öz məktəbini yaratması ideyasının təşəbbüskarı kimi çıxış etdiyini və bu baxımdan bir nümunə olduğunu nəzərə çatdırıb. Daha sonra nazir əsası ulu öndər Heydər Əliyev tərəfindən qoyulmuş təhsil islahatlarının ölkəmizdə böyük uğurla həyata keçməsindən, möhtərəm Prezidentimiz İlham Əliyevin təhsilə göstərdiyi qayğıdan, Heydər Əliyev Fondunun təhsillə bağlı təşəbbüslərindən danışaraq qeyd edib ki, son 5 ildə ölkəmizdə 283 məktəb, uşaq bağçası və digər tədris ocaqları tikilib istifadəyə verilib. 10 illik yubileyi qeyd olunan liseydə qısa müddət ərzində çox böyük işlərin görüldüyünü vurğulayan Misir Mərdanov möhtərəm Prezidentimiz İlham Əliyevin sərəncamı ilə tədris ocağının «İlin ən yaxşı məktəbi» seçildiyini, direktor Həlimə Mehdiyevanın əməyinin layiqincə qiymətləndirilərək ona «Əməkdar müəllim» fəxri adının verildiyini bildirib. Çıxışının sonunda məktəbin kollektivinə ünvanlanmış təbrikini direktora çatdıran nazir liseyin bir qrup müəlliminə Təhsil Nazirliyinin Fəxri fərmanını, 3 nəfər müəllimə isə «Azərbaycan Respublikasının qabaqcıl təhsil işçisi» döş nişanını təqdim edib. Daha sonra çıxış edən AMEA-nın müxbir üzvü Vaqif Abbasov, professorlar Eldar Şahbazov, Sudeyif İmamverdiyev, Paşa Qəlbinur, Elmira Ramazanova, T.Salavatov, xalq şairi Zəlimxan Yaqub, liseyin məzunları Validə Qafarova, T.Şükürova, Milli Aerokosmik Agentliyinin direktoru A.Şirinzadə, Respublika Təhsil Şurasının sədri Əjdər Ağayev və başqaları Azad Mirzəcanzadə ilə bağlı xatirələrini söyləyib və liseyin kollektivinə yeni-yeni uğurlar arzu ediblər.

08/07/2015 16:52

Yığıncaqda təhsil naziri Misir Mərdanov, təhsil nazirinin müavinləri, nazirliyin şöbə və struktur bölmələrinin rəhbərləri, respublikanın tanınmış alim və pedaqoqları, ali məktəblərin prorektorları, paytaxtın bir sıra orta məktəblərinin direktorları iştirak ediblər. Görkəmli professor Yəhya Kərimovun bir alim kimi Azərbaycan təhsilində özünəməxsus rolundan söz açan təhsil naziri Misir Mərdanov qeyd edib ki, ölkəmizdə ibtidai təlimin elmi əsaslar üzrə qurulması və inkişafı onun adı ilə bağlıdır. Nazir 67 ildir ki, müəllimliklə yanaşı, həm də elmi-tədqiqat işləri ilə məşğul olan Yəhya Kərimovun qələmindən çıxan «Əlifba» kitabının 45 il ərzində dərslik kimi istifadə olunduğunu, onun təkcə dərsliklər tərtib etməklə kifayətlənmədiyini, müvafiq metodik göstərişlərə də müəlliflik etdiyini nəzərə çatdırıb. Görkəmli alimin kifayət qədər yüksək ixtisaslı elmi kadrların yetişməsinə bilavasitə rəhbərlik etdiyini, onlarla gəncin alim kimi formalaşmasına istiqamət verdiyini söyləyən Misir Mərdanov onun nəcib insani keyfiyyətlərindən, zəngin elmi yaradıcılıq fəaliyyətindən ətraflı söhbət açıb. Ölkə başçısı cənab İlham Əliyev tərəfindən təhsilə göstərilən diqqət və qayğıdan danışan təhsil naziri mütamadi olaraq təhsil işçilərinin fəxri ad, medal və fərdi təqaüdlərə layiq görülməsinin buna bariz nümunə olduğunu bildirib. Nazir qeyd edib ki, dövlət rəhbəri cənab İlham Əliyevin 26 dekabr 2006-cı il tarixli sərəncamı ilə tanınmış alim Yəhya Kərimov Azərbaycanda təhsilin inkişafındakı xidmətlərinə görə «Şöhrət» ordeni ilə təltif olunub, Prezidentin 13 aprel 2009-cu il tarixli sərəncamına müvafiq olaraq ona Azərbaycan Respublikası Prezidentinin fərdi təqaüdü verilib. Çıxışıının sonunda tanınmış alimi öz adından, Təhsil Nazirliyinin əməkdaşları, Azərbaycanın təhsil ictimaiyyəti adından təbrik edən təhsil naziri Yəhya Kərimova möhkəm cansağlığı, elmi pedaqoji fəaliyyətində yeni-yeni uğurlar arzulayıb, son illər təhsillə bağlı nəşr olunmuş kitabları və xüsusi hədiyyəni ona təqdim edib. Yəhya Kərimovun keçdiyi mənalı ömür yolu, zəngin, çoxşaxəli elmi fəaliyyəti ilə bağlı geniş məruzə ilə çıxış edən Təhsil Problemləri İnstitutunun direktoru, professor Abdulla Mehrabov onun ibtidai təlim sahəsində respublikamızda ilk axtarışlar aparan və fəaliyyətini elmi-nəzəri əsaslar üzərində quran yenilikçi alim olmasından söz açıb. Abdulla Mehrabov deyib ki, Azərbaycanda savad təliminin nəzəri və praktik məsələləri ilə məşğul olan, onun sistemini işləyən yeganə mütəxəssis kimi Yəhya Kərimov 1958-ci ildən etibarən məktəb islahatlarının hazırlanmasında və həyata keçirilməsində müstəsna rol oynayıb. Təhsil Problemləri İnstitutunun direktor müavini, institutun «Elmi-nəzəri tədqiqatlar» mərkəzinin rəhbəri Yəhya Kərimov haqqında tədbir iştirakçılarına əhatəli məlumat verən professor Abdulla Mehrabov tanınmış alimi Təhsil Problemləri İnstitutunun kollektivi adından təbrik edib. Tədbirdə Azərbaycan Dövlət Pedaqoji Universitetinin kafedra müdiri Hüseyn Əhmədov, akademik Budaq Budaqov, Azərbaycan Dillər Universitetinin kafedra müdiri, professor Nurəddin Kazımov, Azərbaycan Dövlət Pedaqoji Universitetinin kafedra müdiri, professor Əbdül Əlizadə, Azərbaycan Təhsil Şurasının sədri, professor Əjdər Ağayev və başqaları çıxış edərək görkəmli alimin zəngin elmi fəaliyyətinin ayrı-ayrı məqamlarından, onun Azərbaycan təhsilinin inkişafına verdiyi əvəzsiz töhfələrdən söz açıblar. 82 yaşlı alim-pedaqoqun gənc nəslə örnək olduğunu vurğulayan natiqlər ona uzun ömür, cansağlığı, yeni-yeni elmi nailiyyətlər arzu ediblər. Tədbirin sonunda Yəhya Kərimov ünvanına deyilən xoş sözlər üçün həmkarlarına, dostlarına təşəkkürünü çatdırıb, sevincli gününü onlarla paylaşmasından məmnunluq hissi keçirdiyini söyləyib. Görkəmli alim anadan olmasının 82 illiyi münasibətilə təşkil olunan belə yüksək səviyyəli tədbirə görə təhsil naziri Misir Mərdanova və Təhsil Nazirliyinin bütün əməkdaşlarına minnətdarlığını bildirib.

08/07/2015 16:52

Müsabiqə Heydər Əliyev Fondu, Azərbaycan Respublikası Təhsil Nazirliyi, Yeni Azərbaycan Partiyası, Rabitə və İnformasiya Texnologiyaları Nazirliyi və Azərbaycan Həmkarlar İttifaqları Konfederasiyasının birgə təşkilatçılığı ilə təşkil edilib. Mərasimi giriş sözü ilə açan təhsil naziri Misir Mərdanov respublikamızın hər yerində, bütün idarə və müəssisələrdə, dövlət qurumlarında, həmçinin təhsil ocaqlarında müstəqil Azərbaycan dövlətinin banisi və qurucusu, ümummilli lider Heydər Əliyevin anadan olmasının 86-cı ildönümünə həsr olunmuş silsilə tədbirlərin keçirildiyini söyləyib. Nazir deyib ki, Təhsil Nazirliyinin «Ümummilli lider Heydər Əliyevin anadan olmasının 86-cı ildönümü münasibətilə təhsil müəssisələrində keçiriləcək tədbirlər haqqında» 26 fevral 2009-cu il tarixli 222 nömrəli əmrinə uyğun olaraq gerçəkləşdirilən kompleks tədbirlər çərçivəsində ümumtəhsil məktəblərinin VII-XI sinif şagirdləri arasında inşa yazı müsabiqəsi təşkil edilib. Müsabiqə haqqında mərasim iştirakçılarına məlumat verən təhsil naziri bildirib ki, ümumtəhsil məktəblərinin 700 mindən artıq şagirdinin qatıldığı bu möhtəşəm bilik yarışı 3 mərhələdən ibarət olub. Müsabiqənin respublika mərhələsinə vəsiqə qazanmış 88 məktəblinin aprelin 25-də Bakıdakı akademik Zərifə Əliyeva adına orta məktəbdə «Ulu öndər Heydər Əliyevi düşünərkən...» mövzusunda inşa yazdığını vurğulayan Misir Mərdanov onlardan 5 nəfərinin I, 5 nəfərinin II, 10 nəfərinin III yerə layiq görüldüyünü, 56 nəfərin isə Təhsil Nazirliyinin Fəxri Fərmanı ilə təltif edildiyini bildirib. Təhsil naziri eyni şərtlərlə Naxçıvan Muxtar Respublikasında keçirilmiş müsabiqədə fərqlənən 10 nəfərin işi də daxil olmaqla, qaliblərin inşa yazılarının «Heydər Əliyev məktəblilərin gözü ilə» adlı topluda dərc edildiyini söyləyib. Bu müsabiqənin artıq bir ənənəyə çevrildiyini qeyd edən təhsil naziri Misir Mərdanov məktəblilərin ulu öndər Heydər Əliyevin hamıya örnək olan həyat yolunu, ümummilli lider haqqında fikir və düşüncələrini uşaq təbiətinə xas olan səmimi hisslərlə, dərin hörmət və sonsuz ehtiram duyğuları ilə dolğun şəkildə ifadə etdiklərini bildirib. Ulu öndərin hər zaman uşaqları sevdiyini, onlara qayğı ilə yanaşdığını vurğulayan nazir ölməz şəxsiyyətin təhsillə bağlı söylədiyi dəyərli fikirləri bir daha mərasim iştirakçılarının nəzərinə çatdırıb, onun parlaq ideyalarının ölkə başçısı cənab İlham Əliyev tərəfindən uğurla həyata keçirildiyini qeyd edib. Çıxışında Heydər Əliyev Fondunun təhsillə bağlı gördüyü işlərdən də ətraflı söz açan Misir Mərdanov Fondun prezidenti, YUNESKO və İSESKO-nun xoşməramlı səfiri, millət vəkili Mehriban xanım Əliyevanın təhsilimizin inkişafındakı əvəzsiz xidmətlərinə dair konkret faktlarla fikirlərini tamamlayıb. Daha sonra Təhsil Nazirliyinin Fəxri Fərmanına layiq görülən 56 şagirdin, I, II və III yerlərə sahib olan məktəblilərin adları açıqlanıb. Fəxri Fərmanla təltif olunanlara xatirə hədiyyələri, I, II və III yerləri qazanan 20 məktəbliyə isə noutbuklar təqdim olunub. Bütün qalibləri təbrik edən Yeni Azərbaycan Partiyası sədrinin müavini, millət vəkili Əli Əhmədov ötən il olduğu kimi bu il də I, II, III yerləri tutmuş şagirdlərdən gələcəkdə ali məktəblərə qəbul olunanlara YAP tərəfindən aylıq təqaüdlərin verilməsinin qərara alındığını bildirib. Azərbaycan Həmkarlar İttifaqları Konfederasiyasının sədri, millət vəkili Səttar Mehbalıyev, Rabitə və İnformasiya Texnologiyaları naziri Əli Abbasov müsabiqə qaliblərinin pulla mükafatlandırılacağını nəzərə çatdırıb, uğur qazanan məktəblilərin hər birinin gələcəyinə böyük ümidlər bəslədiklərini söyləyiblər. Sonda müsabiqənin keçirilməsində əməyi olanlara təşəkkürünü bildirən təhsil naziri Misir Mərdanov qalibləri, şagirdlərin valideynlərini və təhsil aldıqları məktəblərin pedaqoji kollektivlərini təbrik edib, onlara ən xoş istək və arzularını çatdırıb.

08/07/2015 16:52

Bakı Şəhəri üzrə Təhsil İdarəsinin Azərbaycan Təhsil İşçiləri Azad Həmkarlar İttifaqı Respublika Komitəsi ilə birgə təşkil etdiyi müsabiqənin yekun konfransı məktəblilərdən ibarət xor kollektivinin ifasında Azərbaycan Respublikası Dövlət Himninin səslənməsi ilə başlayıb. Mərasimi giriş sözü ilə açan Bakı Şəhəri üzrə Təhsil İdarəsinin müdiri Nailə Rzaquliyeva ölkəmizdə istedadlı uşaqların və gənclərin üzə çıxarılması sahəsində məqsədyönlü tədbirlərin həyata keçirildiyini və onların daim xüsusi qayğı ilə əhatə olunduğunu qeyd edib. Müsabiqə haqqında məlumat verən N.Rzaquliyeva bildirib ki, VIII-XI sinif şagirdlərini əhatə edən 3 layihə üzrə (ədəbi-bədii, elmi-tədqiqat, kompüter layihələri) keçirilən istedad yarışında 45 mindən artıq şagird iştirak edib, onlardan 74 nəfəri qalib adını qazanıb. Sonra hər 3 layihənin ayrı-ayrı nominasiyalar üzrə qalibləri səhnəyə dəvət edilib və onlara mükafatlar təqdim olunub. Səbail rayon icra hakimiyyətinin başçısı Sahib Ələkbərov, Binəqədi rayon icra hakimiyyətinin başçısı Alı Qocayev və Azərbaycan Həmkarlar İttifaqları Konfederasiyasının sədri, millət vəkili Səttar Mehbalıyev bu müsabiqənin xüsusi qabiliyyətə malik uşaq və gənclərin inkişafındakı əhəmiyyətindən söz açıb, qalibləri, onların müəllimlərini və valideynlərini təbrik ediblər. Mərasim iştirakçılarını salamlayan təhsil naziri Misir Mərdanov ulu öndərin anadan olmasının 86-cı ildönümü ərəfəsində belə bir tədbirin keçirilməsini təqdirəlayiq hadisə kimi dəyərləndirib və bu ənənənin gələcəkdə də davam etdirilməsinin zəruriliyini vurğulayıb. Nazir qeyd edib ki, istedadlı uşaqları aşkara çıxarmaqla yanaşı, onların yaradıcılıq qabiliyyətinin inkişafına daha əlverişli şərait yaratmaq və xüsusi qabiliyyəti ilə fərqlənən uşaqları daimi qayğı ilə əhatə etmək də mühüm şərtdir. Minlərlə iştirakçı arasından ən layiqlilərinin seçilməsinin çox məsuliyyətli bir iş olduğunu deyən təhsil naziri bu layihənin həyata keçirilməsində əməyi olan hər kəsə, Azərbaycan Təhsil İşçiləri Azad Həmkarlar İttifaqı Respublika Komitəsinin əməkdaşlarına, müsabiqənin təşkilat komitəsinin və münsiflər heyətinin üzvlərinə, müəllim və valideynlərə öz təşəkkürünü bildirib. Qaliblər gənclərə öz xüsusi istedad və qabiliyyətlərini nümayiş etdirmələri üçün yaradılan şəraitə görə minnətdarlıqlarını bildirib və tədbirdə iştirak edən qonaqlarla xatirə şəkli çəkdiriblər. Mərasimin sonunda yaradıcılıq müsabiqəsinin qaliblərinin ifasında maraqlı bədii proqram təqdim olunub.

08/07/2015 16:52

Müşavirədə Bakı, Sumqayıt şəhərlərində və Abşeron rayonunda yerləşən və Təhsil Nazirliyi tərəfindən maliyyələşən təhsil müəssisələrinin baş mühasibləri iştirak ediblər. Müşavirənin əsas mövzusu Təhsil Nazirliyinin tabeliyində olan təhsil müəssisələrinin 2008-ci ilin maliyyə-təsərrüfat fəaliyyətinin yekunları barədə 01.01.2009-cu ilə təsdiq olunmuş balans hesabat göstəricilərinin təhlili, büdcə təşkilatları üçün Milli Mühasibat Uçotu Standartlarının təsdiq edilməsi məsələləri və müvafiq standartlara keçidlə bağlı mövcud vəziyyət barədə müzakirələrdən ibarət olub.

08/07/2015 16:52