Görüşdə Azərbaycan Dövlət İqtisad Universitetinin rektoru Ədalət Muradovun “Azərbaycan iqtisadiyyatı: oxşar çağırışlar, fərqli baxışlar” mövzusunda mühazirəsi dinləniləcək. “Novruz mühazirələri”ndə iştirak etmək istəyən şəxslər novruzmuhaziresi@media.edu.az elektron poçt vasitəsilə 01.03.2016-cı il tarixinədək qeydiyyatdan keçə bilərlər (Qeydiyyat forması). Təhsil Nazirliyi yerlərin sayının məhdud olduğunu nəzərə alaraq, iştirakçıların seçim hüququnu özündə saxlayır. Tədbir saat 16:30-da UNEC-in əsas tədris korpusunun I mərtəbəsində yerləşən “Ağ zal”da keçiriləcək (Bakı şəhəri, İstiqlaliyyət küçəsi, 6). Mühazirədə iştirak üçün geyim sərbəstdir.

25/02/2016 17:39

Azərbaycan Respublikasının Təhsil Nazirliyi ali təhsil sistemində təhsilin keyfiyyətinin artırılması istiqamətində həyata keçirilən tədbirlər çərçivəsində Avropa İttifaqı ilə əməkdaşlıqda “Ali təhsil sisteminin Avropa Ali Təhsil Məkanının tələblərinə daha da uyğunlaşdırılması məqsədilə Azərbaycan Respublikasının Təhsil Nazirliyinə dəstək göstərilməsi üçün “Twinning” layihəsi”ni həyata keçirir. Həyata keçirilən layihə çərçivəsində ali təhsil sisteminin yenilənməsi, keyfiyyətin artırılması, müasir və beynəlxalq tələblərə cavab verən standartların müəyyənləşdirilməsi, eyni zamanda bu istiqamətdə islahatların aparılması üçün ekspert qrupunun formalaşdırılması məqsədilə müsabiqə elan edilir. Müsabiqədə iştirak etmək məqsədilə yalnız hal-hazırda ali təhsil müəssisələrində  işləyən şəxslər müraciət edə bilərlər. Məlumat üçün bildiririk ki,  müsabiqə nəticəsində formalaşdırılacaq və ictimai əsaslarla fəaliyyət göstərəcək ekspert qrupunun üzvləri ali təhsil sistemi üzrə təşkil olunacaq ölkədaxili tədbirlərdə, müzakirələrdə iştirak etməklə yanaşı, beynəlxalq konfrans, seminar və digər bu tipli tədbirlərdə təmsil olunmaq imkanı əldə edəcəklər.                 Müsabiqədə iştirak edə bilər: Ali təhsil müəssisələri üzrə: - Akademik tyutorlar - Müəllimlər - Kafedra müdirləri - Digər struktur qurumların rəhbərləri   Namizədlərdən gözlənilən keyfiyyətlər: - Səmərəli qərar qəbuletmə bacarığı - Nəticəyönümlülük - Məntiqi düşüncə bacarığı - Xarici dil biliklərinin olması (arzuolunandır)   Qeyd: "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı” və ya digər proqramlar əsasında xarici ölkələrdə təhsil almış və hal-hazırda ali təhsil müəssisələrində çalışan şəxslərin müsabiqədə iştirak üçün müraciət etməsi arzuolunandır.   Müraciət qaydası: Yuxarıda qeyd edilmiş tələblərə uyğun gələn namizədlər CV və müraciət formasını (ƏLAVƏ) dolduraraq  anar.mirzezade@edu.gov.az elektron poçt ünvanına göndərməlidirlər.   Qeyd: Bütün yazışmalar və bildirişlər elektron poçt ünvanı ilə aparılacaq. Bu səbəbdən şəxsi elektron poçt ünvanlarınızdan istifadə etməyiniz və mütəmadi olaraq yoxlamağınız vacibdir.   Müraciət üçün son tarix: 11 mart 2016-сı il.   Seçim qaydaları: Müsabiqə 2 mərhələli seçim əsasında müəyyən ediləcək. 1-ci mərhələdə namizədlər elektron poçt ünvanına (anar.mirzezade@edu.gov.az) göndərəcəkləri müraciət forması və CV əsasında seçiləcəklər. Bu mərhələdə uğur qazanmış namizədlər növbəti mərhələyə - müsahibəyə dəvət ediləcəklər. Müsabiqənin nəticələrinə əsasən uğur qazanmış şəxslərin əsasında ictimai əsaslarla fəaliyyət göstərəcək ali təhsil sistemi üzrə ekspert qrupu formalaşdırılacaq.

23/02/2016 16:37

Macarıstanın Eövtvöş Lorand Universiteti 2016-2017-ci tədris ili üçün əcnəbi tələbələr üçün növbəti təqaüd proqramını elan edir. Macarıstanın qədim və nüfuzlu ali məktəblərindən biri olan Eövtvöş Lorand Universiteti 1635-ci ildən fəaliyyət göstərir. Tələbə mübadiləsi və təqaüd proqramlarına xüsusi önəm verən Eövtvöş Lorand Universitetində müxtəlif sahələr üzrə 50-dən artıq proqram təklif olunur ki, onlardan biri də Stipendium Hunqarikum təqaüd proqramıdır. Son müraciət tarixi: 1 mart 2016-cı il Təqaüd proqramı barədə ətraflı məlumatı aşağıdakı keçiddən əldə edə bilərsiniz: http://www.elte.hu/en/article?id=NW-181

11/02/2016 17:34

Koreyanın EHWA Qadınlar Universiteti “Xarici tələbələr üçün 2016-cı il Payız Qəbulu” elan edir. Payız qəbulunda iştirak etmək niyyətində olan xarici tələbələr cari ilin 04-25 aprel tarixlərində EHWA Qadınlar Universitetinə müraciət edə bilərlər. Sözügedən proqram Koreya dili və ədəbiyyatı, ingilis dili və ədəbiyyatı, siyasi elmlər və beynəlxalq münasibətlər, dövlət idarəçiliyi, iqtisadiyyat, sosiologiya, psixologiya, riyaziyyat, statistika, kimya, ətraf mühit elmləri və mühəndisliyi, səhiyyə və s. sahələri əhatə edir. Proqram haqqında ətraflı məlumatı http://admission.ehwa.ac.kr və http://enter.ehwa.ac.kr keçidlərindən əldə etmək olar.

04/02/2016 10:52

Bruney Dərussəlam hökumətinin 2016-2017-ci tədris ili üzrə təqaüd proqramı barədə elanı: Ölkə: Bruney Dərussalam Ali təhsil müəssisəsi: Bruney Dərussalam Universiteti, Sultan Shərif Əli adına İslam Universiteti, Bruney Texnologiya İnstitutu Təhsil səviyyəsi: bakalavr və magistr İxtisas istiqamətləri: www.ubd.edu.bn, www.unissa.edu.bn, www.itb.edu.bn, www.pb.edu.bn. Yaş həddi: 18-25 yaşadək (bakalavr proqramları üzrə), 35 yaşadək (magistr və doktor proqramları üzrə) Qarşılanan xərclər: təhsil haqqı, viza, yaşayış və yolxərci Aylıq təqaüdün məbləği: 1250 BND (təxminən 874 ABŞ dolları)

03/02/2016 17:38

02/02/2016 16:35

Azərbaycan Respublikasının Təhsil Nazirliyi Gəncə şəhəri, Göygöl, Samux, Goranboy  və Daşkəsən rayonları üzrə ümumi təhsil müəssisələrinin direktorları və gələcəkdə bu vəzifədə çalışmaq arzusu olan pedaqoji kadrların təlimlərdə iştirakı üçün müsabiqə elan edir. Təlimlərin məqsədi müasir idarəetmə bilik və bacarığına yiyələnmiş, informasiya texnologiyalarına bələd, ölkəmizin təhsil və sosial inkişafına töhfə verə biləcək məktəb direktorlarını yetişdirmək və təkmilləşdirməkdir.   Təlimlər yalnız Gəncə şəhəri, Göygöl, Samux, Goranboy və Daşkəsən rayonları üzrə fəaliyyət göstərən ümumi təhsil müəssisələrində işləyən təhsil işçilərini əhatə edəcək.   Təlimdə əhatə ediləcək mövzular: • Təhsildə keyfiyyətin idarəedilməsi • Təhsili idarəetmənin hüquqi əsasları • Kompüter və təlim texnologiyaları • Təhsildə statistika və təhlil • Təhsilin idarəedilməsi və monitorinqi • Təhsili idarəetmənin  psixoloji əsasları • Kurikulum: Nəzəriyyə və tətbiq • Təhsildə maliyyənin idarəolunması   Eyni zamanda iştirakçılar üçün müxtəlif uğurlu təcrübəyə malik məktəblərə səfərlər, qısamüddətli praktika, Təhsil Nazirliyinin əməkdaşlarının və müxtəlif təhsil ekspertlərinin iştirakı ilə məruzələr də təşkil ediləcək.   Müsabiqədə iştirak üçün minimum tələblər: • Ali pedaqoji təhsil • 3 (üç) il pedaqoji iş təcrübəsi   Namizədlərdən gözlənilən digər keyfiyyətlər: • Liderlik bacarığı • Yüksək motivasiyalılıq • Səmərəli qərar qəbuletmə bacarığı • Nəticəyönümlülük • İKT-dən istifadə bacarığı • Məntiqi düşüncə bacarığı   Müraciət qaydası: Yuxarıda qeyd edilmiş tələblərə uyğun gələn namizədlər müraciət formasını (ƏLAVƏ) dolduraraq  telim@edu.gov.az elektron poçt ünvanına göndərməlidirlər.   Qeyd: Bütün yazışmalar və bildirişlər elektron poçt ünvanı ilə aparılacaq. Bu səbəbdən şəxsi elektron poçt ünvanlarınızdan istifadə etməyiniz və mütəmadi olaraq yoxlamağınız vacibdir.   Müraciət üçün son tarix: 26 fevral 2016-сı il.   Seçim qaydaları: Təlim iştirakçıları 3 mərhələli seçim əsasında müəyyən ediləcək. 1-ci mərhələdə namizədlər elektron poçt ünvanına (telim@edu.gov.az) göndərəcəkləri müraciət forması əsasında seçiləcəklər. Növbəti mərhələdə namizədlərin Azərbaycan dilində rəsmi yazı və məntiqi düşüncə bacarıqları qiymətləndiriləcək. Bu mərhələdə uğur qazanmış namizədlər növbəti mərhələyə - müsahibəyə dəvət ediləcəklər. Müsabiqənin nəticələrinə əsasən uğur qazanmış şəxslər təlimlərdə iştirak edəcəklər.   Yekun qiymətləndirmə: Təlimlərdə iştirak etmiş şəxslər Azərbaycan Respublikasının Təhsil Nazirliyi tərəfindən təşkil olunacaq yekun qiymətləndirmədə iştirak edəcəklər. Yekun qiymətləndirmədə  qənaətbəxş nəticə göstərmiş və hal-hazırda direktor vəzifəsində çalışmayan şəxslər direktor vəzifəsi üzrə vakant yerlərə təyin olunmaq üçün ehtiyat kadr kimi qeydə alınacaqlar. Hal-hazırda məktəb direktoru vəzifəsində çalışan şəxslərin işlərində səmərəliliyin artırılması üçün müəyyən həvəsləndirmələr təyin olunacaq.     Müraciət forması

18/01/2016 14:00

Azərbaycan Respublikasının Təhsil Nazirliyi Sumqayıt şəhəri, Abşeron və Xızı rayonları üzrə ümumi təhsil müəssisələrinin direktorları və gələcəkdə bu vəzifədə çalışmaq arzusu olan pedaqoji kadrların təlimlərdə iştirakı üçün müsabiqə elan edir.                Təlimlərin məqsədi müasir idarəetmə bilik və bacarığına yiyələnmiş, informasiya texnologiyalarına bələd, ölkəmizin təhsil və sosial inkişafına töhfə verə biləcək məktəb direktorlarını yetişdirmək və təkmilləşdirməkdir.   Təlimlər yalnız Sumqayıt şəhəri, Abşeron və Xızı rayonları üzrə fəaliyyət göstərən ümumi təhsil müəssisələrində işləyən təhsil işçilərini əhatə edəcək.   Təlimdə əhatə ediləcək mövzular: Təhsildə keyfiyyətin idarəedilməsi Təhsili idarəetmənin hüquqi əsasları Kompüter və təlim texnologiyaları Təhsildə statistika və təhlil Təhsilin idarəedilməsi və monitorinqi Təhsili idarəetmənin  psixoloji əsasları Kurikulum: Nəzəriyyə və tətbiq Təhsildə maliyyənin idarəolunması   Eyni zamanda iştirakçılar üçün müxtəlif uğurlu təcrübəyə malik məktəblərə səfərlər, qısamüddətli praktika, Təhsil Nazirliyinin əməkdaşlarının və müxtəlif təhsil ekspertlərinin iştirakı ilə məruzələr də təşkil ediləcək.   Müsabiqədə iştirak üçün minimum tələblər: Ali pedaqoji təhsil 3 (üç) il pedaqoji iş təcrübəsi Namizədlərdən gözlənilən digər keyfiyyətlər: Liderlik bacarığı Yüksək motivasiyalılıq Səmərəli qərar qəbuletmə bacarığı Nəticəyönümlülük İKT-dən istifadə bacarığı Məntiqi düşüncə bacarığı   Müraciət qaydası: Yuxarıda qeyd edilmiş tələblərə uyğun gələn namizədlər müraciət formasını (ƏLAVƏ) dolduraraq  telim@edu.gov.az elektron poçt ünvanına göndərməlidirlər.   Qeyd: Bütün yazışmalar və bildirişlər elektron poçt ünvanı ilə aparılacaq. Bu səbəbdən şəxsi elektron poçt ünvanlarınızdan istifadə etməyiniz və mütəmadi olaraq yoxlamağınız vacibdir.                   Müraciət üçün son tarix: 20 fevral 2016-сı il.   Seçim qaydaları:   Təlim iştirakçıları 3 mərhələli seçim əsasında müəyyən ediləcək. 1-ci mərhələdə namizədlər elektron poçt ünvanına (telim@edu.gov.az) göndərəcəkləri müraciət forması əsasında seçiləcəklər. Növbəti mərhələdə namizədlərin Azərbaycan dilində rəsmi yazı və məntiqi düşüncə bacarıqları qiymətləndiriləcək. Bu mərhələdə uğur qazanmış namizədlər növbəti mərhələyə - müsahibəyə dəvət ediləcəklər. Müsabiqənin nəticələrinə əsasən uğur qazanmış şəxslər təlimlərdə iştirak edəcəklər.   Yekun qiymətləndirmə:   Təlimlərdə iştirak etmiş şəxslər Azərbaycan Respublikasının Təhsil Nazirliyi tərəfindən təşkil olunacaq yekun qiymətləndirmədə iştirak edəcəklər. Yekun qiymətləndirmədə  qənaətbəxş nəticə göstərmiş və hal-hazırda direktor vəzifəsində çalışmayan şəxslər direktor vəzifəsi üzrə vakant yerlərə təyin olunmaq üçün ehtiyat kadr kimi qeydə alınacaqlar. Hal-hazırda məktəb direktoru vəzifəsində çalışan əxslərin işlərində səmərəliliyin artırılması üçün müəyyən həvəsləndirmələr təyin olunacaq.   Əlavə: Müraciət formasını

12/01/2016 12:50

Azərbaycan Respublikasının  Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasının məlumatı Azərbaycan Respublikasının  Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyası 2016-cı il üçün Dövlət  Mükafatlarına əsərlərin (işlərin) qəbulunu elan edir. Müvafiq sənəd və materiallar Azərbaycan Respublikası Prezidentinin 2010-cu il 8 fevral tarixli 212 nömrəli  Fərmanı ilə təsdiq  edilmiş Dövlət Mükafatları Komissiyasının Əsasnaməsində  göstərilən qaydalara uyğun  hazırlanmalı və 2016-ci il aprelin 1-dək Komissiyaya təqdim edilməlidir. Komissiyanın ünvanı: AZ 1066, Bakı şəhəri, Lermontov küçəsi 68, Azərbaycan Respublikasının Nazirlər Kabineti. Əlaqə telefonu: 492-56-01. E-mail: nk@cabmin.gov.az

28/12/2015 16:59

Hindistan Mədəni Əlaqələr Şurası (HMƏŞ) tərəfindən 1(bir) azərbaycanlı tələbənin Hindistanın tanınmış ali təhsil müəssisələrindən birində təhsil alması üçün təqaüd təklif edilir. Təqaüd proqramına əsasən seçilmiş namizədə təhsil aldığı və ya tədqiqat işi apardığı müddətdə yemək və yaşayış xərclərinin bir hissəsi qarşılanır. Səyahət xərcləri qarşılanmır. Təqaüd tibb və tibb ilə əlaqədar proqramlar istisna olmaqla, Hİndistanda istənilən bakalavr və magistr proqramını əhatə edir. Proqrama dair ətraflı məlumat Hindistanın Azərbaycandakı Səfirliyinin www.indianembassybaku.in və HMƏŞ-in www.iccr.gov.in internet saytlarından əldə oluna bilər.

25/12/2015 09:42