«Qəza vəziyyətində olan ümumtəhsil məktəb binalarının yenidən qurulması işinin davam etdirilməsi barədə» Azərbaycan Respublikasının Prezidenti cənab İlham Əliyevin 23 iyun 2009-cu il tarixli sərəncamına uyğun olaraq 4 məktəbin əsaslı təmiri, 800 şagird yerlik 3 yeni məktəbin, 1 məktəb üçün 440 şagird yerlik 22 əlavə sinif otağının tikintisi həyata keçirilir. Dövlət büdcəsindən təhsil sahəsinə mərkəzləşdirilmiş qaydada ayrılan vəsait hesabına isə 11 tədris müəssisəsinin əsaslı təmiri yerinə yetirilir.

08/07/2015 16:52

Cari ilin aprelindən etibarən kurikulumun tətbiqi üzrə 30 saatlıq proqram üzrə müəllim hazırlığına başlanılıb, rayon təhsil şöbələrinin müdirləri və məktəb rəhbərləri üçün xüsusi proqram üzrə ayrıca treninqlərin təşkili nəzərdə tutulub. Bundan əlavə, müasir kurikulumlar üzrə maarifləndirmə tədbirlərinin həyata keçirilməsi və treninq-məşğələlərin aparılmasının təmin edilməsi məqsədilə Kurikulum Mərkəzi, Azərbaycan Müəllimlər İnstitutu və Bakı Şəhəri üzrə Təhsil İdarəsinin bir qrup əməkdaşından ibarət təlimçi-məşqçilər hazırlanıb. Standartların reallaşdırılması istiqamətində yaradıcı müəllimlərin peşəkarlığını stimullaşdırmaq məqsədilə “Standartlardan real təlim nəticələrinə doğru” layihə müsabiqəsinin keçirilməsi nəzərdə tutulur. Əhalinin kurikulumların tətbiqi sahəsində maarifləndirilməsinə kömək etmək üçün 2009-2010-cu dərs ilini əhatə edən “Kurikulum” adlı təqvim hazırlanıb. İnternet şəbəkəsində yaradılmış www.kurikulum.az saytı əhalinin bütün təbəqələrinin maarifləndirilməsinə xidmət etməklə yanaşı, həm də istifadəçilər üçün resurs rolunu oynayır. Bundan əlavə, kurikulumların tətbiqi məsələləri ilə əlaqədar metodik vəsaitlərin çap edilərək hər bir ibtidai sinif müəlliminə çatdırılması təmin olunub. Geniş ictimaiyyətin dolğun şəkildə məlumatlandırılması, kurikulum islahatlarının səmərəliliyinin daha da artırılması məqsədilə 2008-ci iln yanvarından nəşrinə başlanmış “Kurikulum” jurnalı öz fəaliyyətini uğurla davam etdirir.

08/07/2015 16:52

Final görüşü avqustun 16-dan 20-dək Braziliyanın San-Paolo şəhərində keçiriləcək. Hər il təşkil olunan Tətbiqi iqtasadiyyat və biznes üzrə (HPGBC) olimpiada Ümumdünya Gənclərinin Nailiyyəti Təşkilatı tərəfindən keçirilir. Azərbaycanda isə HPGBC yarışının təşkilini öz üzərinə götürən Azərbaycan Gənclərinin Nailiyyəti Təşkilatı 10 ildir ki, Təhsil Nazirliyi ilə əməkdaşlıq edir. Gənclərin Nailiyyəti proqramının iştirakçısı olan Azərbaycan məktəbliləri HPGBC yarışında 2005-ci ildən bir sıra uğurlara imza atıblar. Dünya üzrə keçirilən bu yarışda Azərbaycan məktəbliləri 2005-ci ildə 8-ci, 2006-cı ildə 3-cü, 2007-ci ildə 1-ci və 2008-ci ildə 6-cı yeri tutublar. Dünyanın müxtəlif ölkələrini təmsil edən 300 komandanın qoşulduğu builki yarışda da Azərbaycanlı tələbə və şagirdlərin uğur qazanacağına, öz bilik və bacarıqlarını layiqincə nümayiş etdirə biləcəklərinə əminik.

08/07/2015 16:52

Təhsil Nazirliyi ilə Dünya Bankının həyata keçirdiyi birgə layihəyə uyğun olaraq “Təhsilin əsasları” fənninin ali məktəblərdə tədrisinin nəzərdə tutulduğunu bildirən təhsil naziri Misir Mərdanov ilk mərhələdə bu fənnin pilot layihəsi kimi 3 ali məktəbdə - Azərbaycan Müəllimlər İnstitutunda, Azərbaycan Dövlət Pedaqoji Universitetində və Gəncə Dövlət Pedaqoji Universitetində keçiriləcəyini diqqətə çatdırıb. Nazir qeyd edib ki, yerli və xarici məsləhətçilərdən ibarət işçi qrupunun səmərəli fəaliyyəti sayəsində ərsəyə gələn dərs vəsaiti müzakirələrdən sonra daha da təkmilləşdiriləcək, nəşr olunub müəllim və tələbələrə çatdırılacaqdır. “Təhsilin əsasları” fənnini tədris edəcək müəllimlər üçün 10 günlük treninqlərin keçiriləcəyini söyləyən Misir Mərdanov bu zaman müəllimlərin yeni fənnin məzmununun əsas istiqamətlərini mənimsəməsi, müasir təlim texnologiyalarından istifadə vərdişlərinə yiyələnməsi məsələlərinə xüsusi diqqət yetiriləcəyini vurğulayıb. Təhsil naziri deyib ki, müvafiq ali məktəb rəhbərləri də bu işdə yaxından iştirak etməli, “Təhsilin əsasları” fənninin tədrisinin səmərəli təşkilinə şərait yaratmalıdırlar. Daha sonra “Təhsilin əsasları” fənninin pedaqoji kadrların hazırlanması prosesindəki rolundan bəhs edən təqdimat məruzəsi dinlənilib. Dərs vəsaitinin həm praktik, həm də nəzəri baxımdan yüksək səviyyəli və peşəkar müəllimlərin hazırlanmasına layiqli töhfələr verəcəyinə inam ifadə olunub, ayrı-ayrı mütəxəssislərin təklif və tövsiyələri ətrafında müzakirələr aparılıb. Qərara alınıb ki, yaxın müddətdə dərs vəsaiti bir daha müzakirə olunsun və irəli sürülən bütün təkliflər mütəxəssislər tərəfindən bir daha dəyərləndirilsin.

08/07/2015 16:52

Müşavirədə təhsil naziri Misir Mərdanov yeni dərs ili ərəfəsində qarşıda duran mühüm vəzifələr, təhsil ocaqlarının 2009-2010-cu tədris ilinə hazırlığı, məktəblərin İKT ilə təminatı, yeni dərsliklərin nəşri, buraxılış imtahanları, təmir, tikinti, təchizat məsələləri barədə söz açıb.   Nazir Azərbaycan təhsilinə göstərilən dövlət qayğısından, "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində görülmüş işlərdən, ölkə Prezidenti cənab İlham Əliyevin sərəncamı ilə imzalanmış “2009-2013-cü illərdə Azərbaycan Respublikasının ali təhsil sistemində islahatlar üzrə Dövlət Proqramı”na uyğun olaraq həyata keçirilən tədbirlərdən bəhs edib.   Misir Mərdanov son illərin ənənəsinə uyğun olaraq sentyabr ayının əvvəllərində ölkəmizin rəhbər təhsil işçilərinin respublika müşavirəsinin keçiriləcəyini bildirib. Nazir qeyd edib ki, daha sonra yerlərdə təhsil işçilərinin konfransları təşkil ediləcək, qazanılan uğurlar, həllini gözləyən məsələlər və qarşıda duran vəzifələr müzakirə olunacaq.   Yeni tədris ilindən etibarən Bakı şəhərində, gələn ildən isə ölkə üzrə bütün orta məktəblərdə vakant müəllim yerləri ilə bağlı Təhsil Nazirliyinin internet saytında elanların verilməsinin nəzərdə tutulduğunu söyləyən nazir işə qəbul olunmaq istəyən müəllimlərin elektron ərizə ilə müraciət etməsinin qərara alındığını diqqətə çatdırıb.   Müşavirədə Təhsil Nazirliyi ilə beynəlxalq qurumların həyata keçirdiyi birgə layihələr, tədris prosesində keyfiyyətin daha da yüksəldilməsi, dünyada tanınmış azərbaycanlı elm adamları ilə əlaqələrin genişləndirilməsi və digər məsələlər ətrafında da müzakirələr aparılıb.

08/07/2015 16:52

Beynəlxalq seminara Cənubi Koreyanın müxtəlif peşə təhsili müəssisələrinin və agentliklərinin rəhbərləri, həmçinin Qırğızıstan, İndoneziya, Nepal, Banqladeş, Kamerun, Yəmən, Vyetnam, Tanzaniya, Anqola və s. ölkələrin peşə təhsili sahəsinə rəhbərlik edən şəxslər qatılıblar. Seminarın təşkilində əsas məqsəd Koreyada peşə hazırlığı sisteminin təşkili, peşə təhsili siyasətinin formalaşdırılması prinsipləri və təhsil müəssisələrinin fəaliyyətləri ilə tanış olmaq, Cənubi Koreya hökumətinin dəstəyi ilə peşə təhsili sistemini yenidən quran ölkələrdə həyata keçirilən layihələr barədə məlumat toplamaq idi. Məlumat üçün qeyd edək ki, Cənubi Koreya Respublikasının inkişafında texniki peşə təhsili mühüm rol oynayır. Belə ki, ötən əsrin 50-ci illərində adambaşına düşən milli gəlir 200 dollar təşkil etdiyi halda, hazırda Cənubi Koreyada bu göstərici 20 min dollardan çoxdur. Qısa müddət ərzində Cənubi Koreyanın dünyada iqtisadi inkişaf baxımından lider ölkələrdən birinə çevrilməsində əmək bazarının tələblərinə müvafiq olaraq ixtisaslı kadr hazırlığını həyata keçirə bilən peşə təhsili sisteminin formalaşması xüsusi əhəmiyyət kəsb edir. Səfər zamanı Koreya Politexnik Kollecində, İnsan Resursları İnkişaf Xidmətində, Koreyanın iri sənaye şirkətləri olan Hyundai və POSCO-nun bir sıra istehsal müəssisələrində görüşlər keçirilib. Təhsil Nazirliyinin nümayəndələri ilə Bakıda “Qabaqcıl Texnologiyalar üzrə Peşə Tədris Mərkəzi”nin yaradılması təşəbbüsü ilə çıxış edən “DEU İnternational” və “ED Corporation”un təmsilçilərinin görüşləri də yaddaqalan olub. Görüşlərdə layihənin Azərbaycan höküməti ilə razılaşdırılması və həyata keçirilməsi üçün səylərin gücləndirilməsi məsələləri müzakirə edilib.

08/07/2015 16:52

Bakı Dövlət Universitetinin şərqşünaslıq fakültəsinin IV kurs tələbəsi Günel Mirzəyeva Yaponiyadan təcrübə kursundan qayıtmışdır. BDU-dan AzərTAc-a bildirmişlər ki, G.Mirzəyeva Osaka şəhərindəki Yapon Dili Mərkəzində bir il müddətində təcrübə kursu keçmişdir.

08/07/2015 16:52

AzərTAc-ın xüsusi müxbiri xəbər verir ki, Kvemo Kartli-Borçalı bölgəsinin Marneuli rayonundakı azərbaycandilli məktəblərin 12 müəllimi Gürcüstan Prezidenti təqaüdünə təqdim olunmaq üçün keçirilən seçkilərdən qalib çıxmışdır. Seçkilərdə rayon üzrə ayrılmış 15 yerə sahib olmaq uğrunda orta məktəblərin 80 müəllimi mübarizə aparmışdır. Rayonun Sadaxlı kəndindəki 2 nömrəli orta məktəbin müəllimi Leyla Paşayeva, Sabirkənd orta məktəbindən Tamilla Məmmədova, Əzizkənd orta məktəbinin təmsilçisi Amil Əhmədov, Birinci Kosalı orta məktəbinin müəllimi Osman Əliyev, Qasımlı orta məktəbindən Rüstəm Əliyev, Marneuli şəhərindəki 2 nömrəli orta məktəbin nümayəndəsi Dilarə Əlizadə, Kürdlər orta məktəbinin müəllimi Tükəzban İlyasova, Yuxarı Saral orta məktəbindən Məhəbbət Piriyev, Ağməmmədli orta məktəbinin müəllimi Şahbəddin Əliyev, Təzəkənd orta məktəbindən Esmira Muradova, Araplı orta məktəbindən Məhəmmədəli Xəlilov, Qaçağan kənd 1 nömrəli orta məktəbin müəllimi Xəzəngül Orucova daha çox səs toplayaraq bu şərəfli ada layiq görülmüşlər. Qalan yerləri isə rayondakı gürcü orta məktəblərinin müəllimləri tutmuşlar. Xatırladaq ki, bu tədris ilində ölkənin 500 müəllimi prezident təqaüdü alacaqdır. Onların hər birinə ayda 200 lari (1 dollar 1,63 laridir) məbləğində pul veriləcəkdir. AzərTAc

08/07/2015 16:52

AzərTAc xəbər verir ki, Azərbaycan Təhsil Şurası (ATŞ) “İbtidai sinif şagirdlərinin valideynləri üçün pedaqoji-psixoloji məsləhət mərkəzinin yaradılması və fəaliyyətinin təşkili” layihəsinin icrasını başa çatdırmışdır.  Bu münasibətlə ATŞ dekabrın 2-də “Trend” xəbərlər şirkətinin mətbuat mərkəzində kütləvi informasiya vasitələrinin nümayəndələri üçün mətbuat konfransı keçirmişdir. ATŞ-nın sədri, professor Əjdər Ağayev Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə həyata keçirilən müvafiq layihə və onun nəticələri barədə ətraflı məlumat vermişdir. Son üç ayda layihə çərçivəsində yaradılmış müvafiq mərkəz Bakının 271, 312 nömrəli ümumtəhsil müəssisələrində və İsmayıllı rayonundakı Talıstan kənd orta məktəbində ibtidai sinif şagirdlərinin valideynləri üçün əhəmiyyətli tədbirlər keçirmişdir. Layihə çərçivəsində “Uşaqların sağlamlığını qorumağın şərtləri”, “Ailədə uşaqlara iqtisadi, hüquqi, ekoloji tərbiyənin aşılanması yolları” və digər mövzularda seminarlar təşkil olunmuş, geniş müzakirələr aparılmış, valideynlərə uşaqların təhsili ilə bağlı faydalı məsləhətlər verilmişdir. Eyni zamanda, “Uşağınızın dünyasına bələdsinizmi ?“ və “Uşağınız məktəbə hazırlaşırsa...” adlı kitabçalar nəşr edilmişdir. Konfransda jurnalistləri maraqlandıran suallar cavablandırılmışdır. AzərTAc  

08/07/2015 16:52

AzərTAc xəbər verir ki, Azərbaycan Memarlıq və İnşaat Universitetinin (AMİU) memarlıq fakültəsi İtaliyanın Romualdo del Bianko Fondu və Florensiya Universiteti ilə birgə dekabrın 1-dən 5- dək həmin ölkənin Florensiya şəhərində İslam memarlıq irsinin qorunması və bərpası problemlərinə həsr edilmiş elmi konfrans keçirir. Türkiyə, İran, Qazaxıstan, Rusiya, Suriya, Misir, İtaliya və Fransa alimlərinin iştirak etdikləri konfransda ölkəmizi AMİU-nun rektoru, professor G.Məmmədova, Azərbaycan Milli Elmlər Akademiyasının (AMEA) Şərqşünaslıq İnstitutunun direktoru, Milli Məclisin deputatı, professor G.Baxşəliyeva, AMEA-nın İncəsənət və Memarlıq İnstitutunun direktor müavini, professor E.Salamzadə təmsil edirlər. AzərTAc  

08/07/2015 16:52