Fevralın 20-də Təhsil Nazirliyində Uşaq-Gənclər İdman və Şahmat məktəbləri arasında “İlin ən yaxşı idman və şahmat məktəbi”, “İlin ən yaxşı idmançısı” və “İlin ən yaxşı məşqçi-müəllimi” nominasiyaları üzrə Respublika müsabiqəsi qaliblərinin mükafatlandırılma mərasimi keçirilib. Misir Mərdanov son illər ölkəmizdə idmanın inkişafı və müvafiq sahəyə dövlətimizin başçısı tərəfindən göstərilən diqqət barədə danışaraq bu müsabiqələrin ölkəmizdə idmana marağın daha da artmasına əlverişli şərait yaratdığını bildirib. Nazir məlumat verib ki, hazırda Təhsil Nazirliyi sistemində 157 idman məktəbi fəaliyyət göstərir. Onlardan 84-ü Uşaq-Gənclər İdman Məktəbi, 61-i Uşaq-Gənclər Şahmat Məktəbi, 9-u İxtisaslaşdırılmış Olimpiya Ehtiyatları Uşaq-Gənclər İdman Məktəbi, 3-ü isə İxtisaslaşdırılmış Olimpiya Ehtiyatları Uşaq-Gənclər Şahmat Məktəbidir. Mərasimdə o da məlum olub ki, 2007-ci ildə beynəlxalq yarışlarda Təhsil Nazirliyi sistemində fəaliyyət göstərən Uşaq-Gənclər İdman və Şahmat məktəbləri tərəfindən 43 medal qazanılıb. Onlarda 15-i qızıl, 14-ü gümüş və 14-ü isə bürünc medaldır. Sonra nazir “İlin ən yaxşı İxtisaslaşdırılmış Olimpiya Ehtiyatları Uşaq-Gənclər İdman Məktəbi”, “İlin ən yaxşı Uşaq-Gənclər İdman Məktəbi”, “İlin ən yaxşı Uşaq-Gənclər Şahmat Məktəbi”, “İlin ən yaxşı şahmatçısı”, “İlin ən yaxşı idmançısı” və “İlin ən yaxşı məşqçi-müəllimi” nominasiyaları üzrə qalibləri mükafatlandırıb, onları qazandıqları uğur münasibətilə təbrik edib. Tədbirdə “Təhsil” Respublika İdman Mərkəzinin direktor müavini Çingiz Səmədov fəaliyyətində qazandığı uğurlara görə və 55 yaşının tamam olması münasibətilə Azərbaycan Respublikası Təhsil Nazirliyinin “Qabaqcıl təhsil işçisi” döş nişanı ilə təltif olunub. Mərasimdə iştirak edən gənclər və idman nazirinin müavini İsmayıl İsmayılov idmanın yüksək sürətlə inkişaf etməsindən söz açaraq bildirib ki, bu gün idmançılarımız ölkəmizi dünya və beynəlxalq olimpiadalarda layiqincə təmsil edirlər. İ.İsmayılov bu sahədə Təhsil Nazirliyi ilə birgə əməkdaşlığın zəruriliyini də qeyd edib. Sonda yüksək nailiyyətləri ilə fərqlənən idman məktəblərinin adları da qeyd olunub.

08/07/2015 16:52

Azərbaycan Respublikası Prezidentinin Sərəncamına əsasən “İlin ən yaxşı ümumtəhsil məktəbi və ən yaxşı müəllimi” müsabiqəsinin keçirilməsi məqsədilə Təhsil Nazirliyində zəruri işlər həyata keçirilir. Artıq “İlin ən yaxşı müəllimi” müsabiqəsində iştirak etmək üçün nazirliyə 138 müəllim müraciət edib. Onların arasında Bakı, Sumqayıt, Əli Bayramlı və Şəki şəhərində pedaqoji fəaliyyətlə məşğul olan müəllimlər sayca daha çoxdur. Eyni zamanda riyaziyyat (23 nəfər), ingilis dili (21 nəfər), Azərbaycan dili və ədəbiyyatı (17 nəfər), fizika (14 nəfər) və tarix (13 nəfər) fənnini tədris edən müəllimlər üstünlük təşkil edirlər. Onu da qeyd edək ki, bu müsabiqədə müəllimin təlim-tərbiyə prosesində qabaqcıl iş təcrübəsi ilə seçilməsi, kompüter və müasir təlim texnologiyalarından istifadə qabiliyyəti, şagirdlərinin ayrı-ayrı göstəricilər üzrə yüksək nəticələri əsas meyar kimi nəzərə alınır. “İlin ən yaxşı məktəbi” müsabiqəsi üzrə də göndərilən sənədlərin qeydiyyata alınması istiqamətində də iş aparılır. Hazırda bu müsabiqəyə 18 sənəd təqdim olunub. Bunlardan 3-ü Sumqayıt, 2-si Mingəçevir şəhərlərinin, 3-ü İsmayıllı, 3-ü Kürdəmir, hərəsindən biri olmaqla Qax, Ağdaş, Samux rayonlarının ümumtəhsil məktəbləridir. Bakı şəhərindən qeydiyyata alınan 4 ümumtəhsil müəssisəsi isə Təhsil Nazirliyinin tabeliyində olan T.İsmayılov adına “İntellekt”, İ.Hacıyev adına “Tərəqqi” Texniki-humanitar, Fizika-riyaziyyat və informatika təmayüllü liseyləri, eləcə də S.Bəhlulzadə adına Xarici dillər təmayüllü gimnaziyadır. Məlumat üçün bildiririk ki, hər iki müsabiqə üzrə sənədlərin qəbulu martın 15-dək davam edəcək.  

08/07/2015 16:52

Nazir qonağı səmimi salamlayaraq onun ölkəmizdəki fəaliyyəti dövründə görülən səmərəli işləri, Azərbaycan-Türkiyə dostluq və qardaşlıq əlaqələrinin genişləndirilməsi istiqamətində atılan addımları, əldə olunan nailiyyətləri yüksək dəyərləndirib. Fevralın 15-də təhsil naziri Misir Mərdanov Türkiyə Respublikasının ölkəmizdəki fövqəladə və səlahiyyətli səfiri cənab Hüseyn Avni Qarslıoğlu ilə görüşüb. Nazir qonağı səmimi salamlayaraq onun ölkəmizdəki fəaliyyəti dövründə görülən səmərəli işləri, Azərbaycan-Türkiyə dostluq və qardaşlıq əlaqələrinin genişləndirilməsi istiqamətində atılan addımları, əldə olunan nailiyyətləri yüksək dəyərləndirib. Nazir, həmçinin iki ölkə arasında mövcud təhsil əlaqələrinin inkişafı, həyata keçirilən tədbirlər və digər məsələlərdən də söz açıb. Eyni zamanda Misir Mərdanov gələcək perspektivlərdən də danışaraq ortaq bağça-məktəbin açılması məsələsinə də toxunub. Cənab Qarslıoğlu nazirə səmimi qəbul və xoş münasibət üçün təşəkkürünü bildirib. Tarixi, mədəni və iqtisadi baxımdan qurulan əlaqələrdən danışan qonaq təhsil sahəsi üzrə yaradılan əməkdaşlığın dəyərli töhfələr verdiyini diqqətə çatdırıb. Qonaq fəaliyyəti dövründə ona göstərilən diqqət və yardıma görə razılığını da ifadə edib. Eyni zamanda ölkəmizə təyin olunacaq yeni səfirin mövcud əlaqələrin daha da inkişafına çalışacağını əminliklə qeyd edib. Sonda Misir Mərdanov səfirə gələcək fəaliyyətində uğurlar arzulayıb.

08/07/2015 16:52

Fevralın 15-də təhsil naziri Misir Mərdanov Norveç Krallığının ölkəmizdəki fövqəladə və səlahiyyətli səfiri cənab Jon Ramberg, Oslo Universitetinin professoru xanım Vibeke Roggenlə görüşüb. Görüşdə Norveç-Azərbaycan təhsil əlaqələri, eyni zamanda Boloniya prosesinin tələblərinə uyğun olaraq beynəlxalq layihələrin birgə həyata keçirilməsi məsələləri müzakirə olunub. Misir Mərdanov öz növbəsində xanım Vibeke Roggenin Təhsil Nazirliyində Oslo Universitetinin idarəolunması, tələbələrin qəbulu, akkreditasiyanın aparılması, professor-müəllim heyətinin seçilməsi ilə əlaqədar təqdimat-məruzə etməsinin məqsədəuyğunluğunu qeyd edib. Sonra iştirak edənlər müzakirə olunan məsələlərlə bağlı öz fikirlərini bildiriblər. Görüşdə Azərbaycan Dillər Universitetinin rektoru Səməd Seyidov, həmin universitetin prorektoru Jalə Qəribova iştirak edib.

08/07/2015 16:52

Fevralın 16-da təhsil naziri Misir Mərdanov Türkiyə Respublikasının ölkəmizdə səfərdə olan nümayəndə heyəti ilə görüşüb. Misir Mərdanov qonaqları Təhsil Nazirliyində görməkdən məmnunluq duyduğunu qeyd edib və hər iki ölkə arasındakı dostluq münasibətlərindən söz açıb. Nazir bildirib ki, dövlət başçılarımızın səmimi münasibətləri və dostluğu xalqlarımızın bir-birinə daha da yaxınlaşmasına səbəb olub. Azərbaycanla Türkiyənin təhsil əlaqələrinin müsbət istiqamətdə inkişafını xüsusi vurğulayan nazir son illər iki ölkə arasında tələbə mübadiləsinin artığını diqqətə çatdırıb. Nazir, həmçinin “Çağ” Öyrətim İşlətmələri Şirkəti Azərbaycan-Türkiyə özəl liseylərinin, “Qafqaz” Universitetinin işindən razı qaldığını qeyd edib, eləcə də təhsil əlaqələrinin genişləndirilməsində Türkiyənin ölkəmizdəki səfiri Hüseyn Avni Qarslıoğlunun xidmətlərini xüsusi qeyd edib. Sonra Misir Mərdanov onu da əlavə edib ki, bu gün Türkiyə ilə Azərbaycan arasında ortaq dərsliklərin yaradılmasına ehtiyac vardır. Türkiyə Böyük Millət Məclisinin təhsil, mədəniyyət, gənclik və idman komissiyasının sədri Mehmet Sağlam nazirə səmimi qarşılandıqları üçün təşəkkür edib.M.Sağlam ölkələrarası dostluq və qardaşlıq əlaqələrindən söz açaraq təhsil sahəsində əməkdaşlığın inkişaf etdirilməsinin labüdlüyünü bildirib. Qonaq dövlətimizin başçısı cənab İlham Əliyevin təhsilə göstərdiyi diqqət və qayğısını yüksək dəyərləndirərək Azərbaycan təhsilinin inkişafı istiqamətində görülən işlərdən məlumatı olduğunu açıqlayıb. Görüşdə Türkiyə Təhsil Nazirliyinin şöbə müdiri Həsən Kaplan, kültür və mədəniyyət nazirinin müavini İsmət Yılmaz, bu ölkənin tanınmış iş adamları, habelə Türkiyənin ölkəmizdəki səfirinin təhsil məsələləri üzrə müavini Səlahəddin Dikmən də iştirak edib.

08/07/2015 16:52

Fevralın 19-da təhsil naziri Misir Mərdanov “Britaniya Şurası”nın ölkə üzrə direktoru cənab Əndi Uilyamsla görüşüb. Nazir qonağın rəhbəri olduğu təşkilatın həyata keçirdiyi layihələr barədə danışaraq bildirib ki, bu qurum ölkəmizdə müəllimlərin ixtisasının artırılması, ingilis dili müəllimlərinin təkmilləşdirilməsi istiqamətində əhəmiyyətli işlər reallaşdırıb. Eyni zamanda nazir “Britaniya Şurası”nın nəzərdə tutduğu yeni layihə barədə məlumatı olduğunu və bu layihəni dəstəklədiyini qeyd edib. Cənab Əndi Uilyam səmimi qəbul və aparılan işlərə lazımi köməklik göstərdiyi üçün nazirə təşəkkür edib. Qonaq bu günlərdə ölkəmizdəki fəaliyyətinin başa çatması barədə də məlumat verib. Təbiət fənlərini tədris edən müəllimlər üçün təlim kursları layihəsindən və onun mahiyyətindən söz açan qonaq həmin layihənin Bakı, Sumqayıt, Salyan, Lənkəran və Gəncədə reallaşdırılmasının nəzərdə tutulduğunu qeyd edib. Nazir də öz növbəsində Şəki və Quba rayonlarında bu layihə üzrə iş aparılmasını təklif edib. Görüşdə bu günlərdə qeyd olunan təşkilatın Azərbaycanda təhsil sahəsi üzrə həyata keçirdiyi proqramlar və yeni layihə ilə bağlı ictimaiyyətin məlumatlandırılması üçün müvafiq tədbirin təşkil olunması, ölkəmizdə peşə təhsilinin inkişafına dəstək göstərilməsi və digər layihələrlə əlaqədar fikir mübadiləsi aparılıb.

08/07/2015 16:52

İndi biz faktiki olaraq, Azərbaycanda bütün məktəb infrastrukturunu yeniləşdiririk. İndiyədək 800-ə yaxın məktəbin tikilməsi və gələcək illərdə yüzlərlə məktəbin tikintisi - bu, məktəb sahəsinin maddi-texniki bazasının yeniləşdirilməsini, təhsilin keyfiyyətini də, avadanlıqla təchizatı da təmin edir. Eyni zamanda, hesab edirəm ki, indi vaxt gəlib ki, biz mövcud məktəblərin təmirinə də daha çox vəsait ayıraq. Çünki buna da böyük ehtiyac var, xüsusilə, Bakı şəhərində. Yəqin ki, bu il, gələn il Bakı şəhərində yerləşən bütün məktəblərin istilik təchizatı problemləri həll olunmalıdır. Bu, həll ediləcəkdir. Ondan sonra bütün başqa şəhər və rayonlarda da biz bunu həll etməliyik və mövcud məktəbləri də çox gözəl səviyyəyə gətirib çıxarmalıyıq. Bu sahədə vəsaitə qənaət etməməliyik. çünki təhsilə qoyulan vəsait ölkəmizin gələcəyinə qoyulan vəsaitdir. Bütün inkişaf etmiş ölkələrin uğurlarının səbəbi də məhz ziyalı təbəqəsidir, elmi-texniki tərəqqidir, texnoloji yeniliklərdir. Biz də bu yolu seçmişik. İstəyirik ki, bizim insanlarımız, gənc nəsil bilikli, savadlı olsun və ölkəmizin inkişafında çox böyük rol oynasınlar. Prezident İlham Əliyevin sədrliyi ilə keçirilən Nazirlər Kabinetinin ilin birinci rübünün yekunlarına həsr edilmiş iclasındakı nitqindən.

08/07/2015 16:52

Müşavirədə TQDK-nın, Təhsil Nazirliyinin nümayəndələri və məktəb direktorları iştirak edib. Təhsil naziri Misir Mərdanov tədbiri giriş sözü ilə açaraq bildirib ki, Tələbə Qəbulu üzrə Dövlət Komissiyası ali və orta ixtisas təhsili müəssisələrinə tələbə qəbulu ilə əlaqədar respublikanın bütün bölgələrində belə müşavirələr keçirib. Misir Mərdanov onu da qeyd edib ki, müşavirənin əsas qayəsi Azərbaycanda təhsilin səviyyəsinin daha da yüksəldilməsinə təkan verməkdən ibarətdir. "Azərbaycan Respublikasının ali və orta ixtisas məktəblərinə tələbə qəbulu: nəticələr, nailiyyətlər, vəzifələr" mövzusunda təqdimat edən TQDK-nın sədri Məleykə Abbaszadə bildirib ki, rəhbərlik etdiyi qurum hər il ali və orta ixtisas məktəblərinə ərizə verən abituriyentlər və onların qubul göstəriciləri barədə ölkə ictimaiyyətinə məlumatlar verir. İlk dəfə 2008-2009-cu tədris ilinin yekunlarında respublikanın bütün bölgələrində XI siniflər üzrə mərkəzləşmiş qaydada keçirilən buraxılış imtahanlarının nəticələrindən bəhs edən M.Abbaszadə attestat alan məzunlardan 20 faizinin ali və orta ixtisas məktəblərinə sənəd vermədiyini diqqətə çatdırıb, qabiliyyət imtahanları tələb olunan ali məktəblər və digər məsələlər barədə fikirlərini bildirib. Müşavirədə ali məktəblərin reytinq göstəricilərindən söz açan TQDK-nın sədri qəbul zamanı imtahan fənləri  üzrə  yüksək nəticə  göstərən təhsil müəssisələrinin adlarını çəkib və  abituriyentlərin topladıqları ballara görə  Bakı məktəblərinin  yaxşı nəticə qazandığını vurğulayıb. Tədbirdə çıxış edən Bakı Şəhəri üzrə Təhsil İdarəsinin müdir müavini Məhəmməd Bayramov bildirib ki, 2008-2009-cu tədris ilində ali və orta ixtisas   məktəblərinə qəbul olanların 45 faizi Bakı şəhər məktəblərinin payına düşür. Bakı şəhər məktəblərinin məzunlarının  ali məktəblərə qəbul zamanı topladıqları orta balın 400-dən yuxarı olduğunu söyləyən M.Bayramov respublikamızın ən sanballı  ali təhsil müəssisələrindən olan Bakı Dövlət Universitetində, Azərbaycan Dövlət İqtisad Universitetində, Azərbaycan Dövlət Neft Akademiyasında və xarici ölkələrin nüfuzlu ali məktəblərində oxuyan tələbələrin sayının əvvəlki illərlə müqayisədə xeyli artığını qeyd edib. Ali və orta ixtisas məktəblərinə qəbul zamanı Sumqayıt məktəblərinin məzunlarının da  yüksək nəticələr göstərdiyini  vurğulayan Məhəmməd Bayramov qəbul imtahanlarında bəzi variantlarda  verilmiş  test suallarının çətin olduğunu tədbir iştirakçılarının nəzərinə çatdırıb. Sonda Təhsil Nazirliyi ilə TQDK-nın səmərəli əməkdaşlığını xüsusi qeyd edən təhsil naziri Misir Mərdanov bundan sonra da belə tədbirlərin keçirilməsinin vacibliyini vurğulayıb, cari tədris ilində təhsil işçilərinin qarşısında duran vəzifələrdən danışıb.

08/07/2015 16:52

I hissə (4,83 MB)     II hissə (6,16 MB)

08/07/2015 16:52

Elitar Gimnaziyanın və Avropa Liseyinin ingilis dili müəllimləri üçün keçirilən treninqlərin məqsədi “1 şagird-1 kompüter” layihəsində iştirak edən məktəblərdə quraşdırılacaq linqafon sinif otaqlarının informasiya texnologiyaları vasitəsilə idarəsi, şagirdlərin noutbuk linqafon sinif otaqlarında effektiv istifadəsi və ingilis dilinin tədrisinin keyfiyyətinin artırılmasından ibarətdir. Təlim zamanı müəllimlərə avadanlıqdan və proqramlardan istifadə üzrə nəzəri və praktiki biliklər verilib. Onu da qeyd edək ki, “2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı” çərçivəsində həyata keçirilən “1 şagird-1 kompüter” layihəsi şagirdlərin həm məktəbdə, həm də evdə informasiya texnologiyalarının effektiv istifadəsini təmin etməyə yönəlib. Odur ki, layihə çərçivəsində pilot siniflərin şagirdlərinə məktəbdə və evdə istifadə üçün noutbuklar verilir.

08/07/2015 16:52