Sentyabrın 24-də təhsil naziri Misir Mərdanov İKT sahəsində dünyanın nüfuzlu “CISCO Systems” şirkətinin Şərqi və Mərkəzi Avropa üzrə vitse-prezidenti Kaan Terzioğlu, Mərkəzi Asiya üzrə baş meneceri Ali Kuralkan və Azərbaycan üzrə satış meneceri Kamilla Şahbazova ilə görüşüb. Misir Mərdanov qonaqları salamlayaraq bildirib ki, Azərbaycan məktəblərinin kompüterdən lazımınca istifadə edə bilməsi bu gün təhsil sisteminin qarşısında duran başlıca məsələlərdən biridir. Bunun üçün bu sahəni lazımınca bilən müəllimlərə ehtiyacımız var. Nazir bildirib ki, müəllimlərin kompüterdən istifadə etmək bacarıqlarını yaxşılaşdırmaq üçün ötən 3 ildə 20 minə yaxın pedaqoji işçi müvafiq kurslarda iştirak edib, sertifikat alıb. Bu işin davam etdirildiyini vurğulayan Misir Mərdanov qeyd edib ki, məktəblərdə kompüterdən, eləcə də İnternetdən düzgün və səmərəli istifadə olunması üçün inkişaf etmiş ölkələrin təcrübələrindən istifadə etməyə çalışırıq. Qonaqlar Türkiyə Təhsil Nazirliyinin nəzdində CISCO şirkəti tərəfindən “Təhsil Texnoloji Mərkəzi”nin yaradıldığını, burada müəllimlərin texnoloji biliklərini yüksəltməyə çalışdıqlarını, eyni zamanda valideynlərin öz uşaqlarının təhsillərinə birbaşa İnternet vasitəsilə nəzarət etmələri üçün şərait yaradıldığını da qeyd ediblər. Türkiyədə bu sahə üzrə “CISCO akademiyaları”nın fəaliyyətindən də danışan qonaqlar Azərbaycan və Orta Asiya ölkələrində də təhsil proyektləri hazırlamaq fikrində olduqlarını bildiriblər. Misir Mərdanov informasiya texnologiyalarının inkişaf etdiyi zamanda yeni proyektlərin Azərbaycanda da tətbiqinin yaxşı fikir olduğunu və təhsilin inkişafı üçün lazımlılığını qeyd edib. Görüşdə qərara alınıb ki, qonaqlar bir neçə təhsil müəssisəsində olub, məktəblərdə kompüterdən necə istifadə olunması ilə tanış olsunlar.

08/07/2015 16:52

Sentyabrın 23-də təhsil naziri Misir Mərdanov YUNİSEF-in Azərbaycandakı nümayəndəsinin müavini Cillian Uilkoks, Radoslav Rzehak, Munir Məmmədovla görüşüb. Görüş zamanı müəssisələrin transformasiyası üzrə Baş Planın layihəsi müzakirə olunub. Cillian Uilkoks Təhsil Nazirliyinin YUNİSEF-lə birgə respublikanın dövlət uşaq müəssisələrində həyata keçirdiyi sorğuları yüksək qiymətləndirib. Bildirilib ki, məhz bu qiymətləndirmənin nəticəsində YUNİSEF-in dəvət etdiyi 2 beynəlxalq ekspert və işçi qrupu qısa müddət ərzində müəssisələrin transformasiyası üzrə Baş Planın layihəsini hazirlayiblar. Görüşdə, həmçinin qərara alınıb ki, Baş Plana əsəslanaraq hər bir müəssisə üçün fərdi transformasiya planı hazırlansın. Tərəflər eyni zamanda yekun sənədin təsdiq üçün Azərbaycan hökumətinə təqdim edilməsini də planlaşdırıblar. YUNİSEF-in nümayəndəsi “Azərbaycan Respublikası dövlət uşaq müəssisələrindən uşaqların ailələrə verilməsi (De- institusionalizasiya) və alternativ qayğı Dövlət Proqramı (2006- 2015- ci illər)”nın icrası istiqamətində “Uşaq müdafiəsi” və “Sosial xidmətlər”in təşkili mexanizmlərinə Təhsil Nazirliyinin cəlb etdiyi ekspertlərin bu sahədə təcrübəli olduqlarını qeyd edərək, təklif olunan sistemin Azərbaycan üçün vacib olduğunu vurğulayıb. Sonda qeyd olunan məsələlərlə bağlı ilin sonunadək YUNİSEF- lə Təhsil Nazirliyinin birgə konfrans keçirməsi qərara alınıb.

08/07/2015 16:52

Sentyabrın 22-də Azərbaycan müəllimlərinin XIII qurultayı keçirilib. İlk əvvəl qurultay iştirakçıları ümummilli liderimiz Heydər Əliyevin heykəlini ziyarət edib. Azərbaycan Dövlət Akademik Opera və Balet Teatrında keçirilən qurultayda 850 nümayəndə, eləcə də Prezidentinin İcra Aparatının, Milli Məclisin, Nazirlər Kabinetinin məsul işçiləri, yaradıcı təşkilatların, ölkəmizdə fəaliyyət göstərən xarici ölkə səfirliklərinin, beynəlxalq təşkilatların nümayəndələri iştirak edib. Təhsil naziri Misir Mərdanov qurultayı açaraq təhsil işçilərini təbrik edib. Sonra məktəblilərin ifasında Azərbaycan Respublikasının Dövlət Himni səslənib. Prezidentin İcra Aparatı Humanitar siyasət məsələləri şöbəsinin müdiri Fatma Abdullazadə Azərbaycan Respublikasının Prezidenti İlham Əliyevin qurultaya təbrik məktubunu oxuyub. Misir Mərdanov çıxış edərək bildirib ki, Azərbaycan müəllimlərinin XIII qurultayı müstəqil dövlətimizin beynəlxaql aləmdə nüfuzunun getdikcə artdığı iqtisadiyyat, təhsil, mədəniyyət və idman sahələrində böyük uğurların və qələbələrin əldə olunduğu tarixi bir dövrə təsadüf edir. Azərbaycanda təhsilə göstərilən qayğıdan, qazanılan nailiyyətlərdən danışan Misir Mərdanov qeyd edib ki, ulu öndərimiz, qüdrətli siyasi xadim Heydər Əliyevin təşəbbüsü ilə başlanmış təhsil islahatları bu illər ərzində geniş vüsat alıb. Dövlət büdcəsindən təhsilə ayrılan məbləğin 5 dəfədən çox, təhsil işçilərinin əmək haqqının 6, tələbələrin 10, aspirantların təqaüdünün isə 4,5 dəfə artdığını, 14 inkişaf yönümlü Dövlət Proqramının təsdiq olunduğunu bildirən nazir təhsilin ayrı-ayrı pillələrinin inkişafı barədə də geniş məlumat verib. Türkiyənin Azərbaycandakı Səfirliyinin təhsil müşaviri Səlahəddin Dikmən Türkiyə Böyük Millət Məclisinin sədri Köksal Toptanın, milli təhsil naziri Hüseyn Çelikin və digər qurumların rəhbərlərinin qurultay iştirakçılarına təbriklərini oxuyub. Qurultayda Yazıçılar Birliyinin sədri Anar, AMEA-nın prezidenti Mahmud Kərimov, Naxçıvan Muxtar Respublikasının təhsil naziri Piri Nağıyev, Milli Məclisin Elm və təhsil məsələləri daimi komissiyasının sədri Şəmsəddin Hacıyev, Tələbə Qəbulu üzrə Dövlət Komissiyasının sədri Məleykə Abbaszadə, Azərbaycan Respublikasının Prezidenti yanında Dövlət İdarəçilik Akademiyasının rektoru Seyfəddin Qəndilov, Bakı Şəhəri üzrə Təhsil İdarəsinin müdiri Nailə Rzaquliyeva çıxış edərək bu sahənin inkişafı ilə bağlı fikir və mülahizələrini bildirib, yeni dərs ilində təhsil işçilərinə uğurlar arzulayıblar. Daha sonra bir sıra təhsil müəssisələrinin rəhbərləri, müəllimlər Azərbaycanda təhsil sisteminin uğurları, qarşıda duran vəzifələr barədə danışıb, həmçinin qeyd olunan sahənin beynəlxalq standartlara uyğun inkişaf etdiyini, ölkədə bu sahəyə göstərilən diqqət və qayğını, qurultayın təhsil işçiləri qarşısında duran vəzifələrinin yerinə yetirilməsi istiqamətində əhəmiyyətini vurğulayıblar. Misir Mərdanov xarici ölkələrin müvafiq nazirliklərindən, müxtəlif beynəlxalq təşkilatlardan qurultayın ünvanına gələn təbrik məktublarını iştirakçıların diqqətinə çatdırıb. Sonda qurultayın qətnaməsı və Azərbaycan xalqına müraciət qəbul olunub.

08/07/2015 16:52

Sentyabrın 17-də təhsil naziri Misir Mərdanov Kembric Regional Kolleci beynəlxalq ofisinin rəhbəri Amina Uakefild, Böyük Britaniya “StudyGroup” təşkilatının xüsusi layihə rəhbəri Rocer Makmahon, Orta Şərq Assosiasiyasının baş direktoru Maykl Tomas, Dubaydakı London Biznes Məktəbinin direktoru Kevin Dansiz, Azərbaycan Beynəlxalq Bankı sədrinin müşaviri Lyundsey C.Houad ilə görüşüb. Görüşdə qonaqlar London Biznes Məktəbi barədə məlumat verərək qeyd ediblər ki, məktəbdə müxtəlif ölkələrdən tələbələr təhsil alır, eyni zamanda bu təhsil müəssisəsi dunyanın bir sıra olkələri ilə əməkdaşlıq edir. Məktəb biznes idarəçiliyi üzrə Avropada I, dünyada isə II yeri tutur. London Biznes Məktəbinin hazırda Dubayda da fəaliyyət göstərdiyini qeyd edən qonaqlar bu məktəbdə 72 tələbənin təhsil aldığını bildiriblər. Orta Şərq Assosiasiyası barədə məlumat verən M. Thomas bu təşkilatın 50 ildir ki, fəaliyyət göstərdiyini, 1900 üzvü olduğunu bildirib. Bundan əlavə təhsil sahəsi üzrə Böyük Britaniyanın əsas universitetlərinin assosiasiyaya üzv olduğunu qeyd edən qonaq Azərbaycanla da əməkdaşlıq etmələrinə ümid bəslədiklərini vurğulayıb. Eyni zamanda Kembric Regional Kollecinin nümayəndəsi A. Uakefild bildirib ki, kollecimizə müxtəlif ölkələrdən tələbə cəlb etməklə təhsilimizi dünyaya yaymağa, proqramlarımızı bir çox ölkələrdə həyata keçirməyə çalışırıq. Misir Mərdanov qonaqları salamlayaraq onların təşəbbüsünü bəyəndiyini, Azərbaycanın bu gün dünyanın müxtəlif ölkələri ilə təhsil sahəsində əməkdaşlıq etdiyini, gənclərimizin bir sıra ölkələrdə təhsillərini davam etdirdiklərini vurğulayıb. Nazir Azərbaycan Respublikasının Prezidenti İlham Əliyevin xarici ölkələrdə azərbaycanlı tələbələrin təhsilinə böyük önəm verdiyini bildirib. Görüşdə peşə təhsili ilə bağlı da söhbət aparılıb. Nazir peşə təhsilinin inkişafına dövlət tərəfindən diqqət yetirildiyini, ölkənin inkişafında bu sahənin rolunun artdığını, peşə təhsilinin hazırda ölkəmiz üçün prioritet sahələrdən biri olduğunu qeyd edib. Misir Mərdanov peşə təhsili ilə bağlı birgə görüşlərin keçirilməsi, yeni layihələrin hazırlanmasının labüd olduğunu da bildirib. Sonda müzakirə edilən mövzularla bağlı gələcəkdə əməkdaşlıq edilməsi qərara alınıb.

08/07/2015 16:52

Sentyabrın 11-dən 16-dək Təhsil Nazirliyi və Almaniya Əməkdaşlıq Cəmiyyəti “Almaniya Qafqaz partnyor şəhərləri arasında əməkdaşlıq” birgə layihəsi çərçivəsində Sumqayıt şəhərində valideynlər üçün “Güclü valideynlər- güclü uşaqlar” mövzusunda təlim kursları keçirib. Məqsəd istiqamətləndirici tərbiyə modeli vasitəsi ilə valideynlərdə uşaqları tərbiyə etmək bacarığını gücləndirmək, onlara dəstək vermək və ailədə uşaq hüquqlarının öyrənilməsinin əhəmiyyətini artırmaqdan ibarət olub. Təlimlər Almaniyadan dəvət olunmuş beynəlxalq ekspert Anneta Ştokker və Sumqayıt şəhər 16 saylı məktəbin psixoloqu Samirə Əhmədli tərəfindən keçirilib. Təlim kurslarında Sumqayıt Şəhər Təhsil Şöbəsinin əməkdaşları, məktəb, lisey və bağça müəllimləri iştirak edib.

08/07/2015 16:52

11-12 sentyabr tarixlərində “British Council” təşkilatı Azərbaycan Müəllimlər İnstitutu və onun filiallarında çalışan İngilis dili Müəllimlərinin Təkmilləşdirilməsi layihəsinin (İNSETT) V - sonuncu seminarını keçirib. Iki illik layihə başa çatdırılıb. Layihənin məqsədi AMİ və onun 11 filialında çalışan ingilis dili metodist və müəllimlərinin bilik, bacarıqlarının artırılması, dərslik, eləcə də bu dilin tədrisindəki müasir təlim üsulları və istiqamətlərini nəzərə almaqla təkmilləşdirməkdən ibarət olub. Məlumat üçün qeyd edirik ki, “British Council” və Təhsil Nazirliyi arasında 5 fevral 2007- ci ildə imzalanmış Qarşılıqlı Anlaşma Memarandumuna əsasən İngilis dili Müəllimlərinin Təkmilləşdirilməsi layihəsi (İNSETT) həmin ilin yanvar ayından etibarən AMİ və onun filiallarını əhatə edib. Seçilmiş 22 nəfər ingilis dili üzrə metodist və müəllim mərhələlərlə keçirilən 5 seminarda iştirak edib. Sonuncu seminar AMİ- də ingilis dili müəllimlərinin yeni təlim üsulları üzrə təqdimatları əsasında keçirilib, 22 nəfər ingilis dili müəlliminə sertifikatlar təqdim olunub. Təqdimat mərasimində “British Council”in Azərbaycandakı direktoru Nikol lə Os de Laluvye, Təhsil Nazirliyinin əməkdaşı və AMİ-nin nümayəndələri iştirak edib.

08/07/2015 16:52

Sentyabrın 8-dən 12-dək “Crescent Beach” mehmanxanasında təlimçi müəllimlər üçün 5 günlük treninq keçirilib. Treninqlər “İnsan hüquqlarının məktəblərdə tədrisi” layihəsi çərçivəsində fəaliyyət göstərən ümumtəhsil məktəblərində qeyd olunan sahə üzrə müəllimlərin bilik və bacarıqlarının təkmilləşdirilməsi məqsədilə təşkil olunub. Məlumat üçün qeyd edək ki, Norveç Qaçqınlar Şurası 2006- cı ildən Təhsil Nazirliyi ilə birgə “İnsan hüqularının məktəblərdə tədrisi “ proqramı çərçivəsində ölkəmizin bir sıra şəhər və rayonlarında təlim kursları keçirir. 2007-ci ildən isə bu layihə Beynəlxalq Xilasetmə Komitəsi tərəfindən davam etdirilir. Böyük Britaniyanın York şəhərindəki Müqəddəs Con Universitetinin nəzdində fəaliyyət göstərən Qlobal Təhsil Mərkəzinin İnsan hüquqlarının tədrisi üzrə beynəlxalq məsləhətçiləri tərəfindən aparılan treninqlərdə Bakı, Gəncə şəhər, Füzuli, Ağcabədi və Göyçay rayonu ümumtəhsil məktəblərinin müəllimləri iştirak edib. Treninqin son günü təntənəli mərasim keçirilib və layihə iştirakçılarına sertifikatlar təqdim olunub.

08/07/2015 16:52

Sentyabrın 12-də “Gülüstan” sarayında “Prezident İlham Əliyev və Azərbaycanda Təhsilin İnkişafı ” kitabının təqdimat mərasimi keçirilib. Təqdim olunan kitabda Prezident İlham Əliyevin 2003-2008-ci illərdə təhsil sahəsində imzaladığı fərman və sərəncamlar, təsdiq etdiyi proqramlar, dövlət başçısının təhsillə bağlı nitq və çıxışları, onun rəhbərliyi ilə bu sahədə qazanılan nailiyyətlər əksini tapıb.Nəşrdə son illərdə ölkəmizdə inşa edilmiş və əsaslı təmir olunmuş təhsil müəssisələrinin siyahısı və fotoşəkilləri də verilib. Tədbirdə təhsil naziri Misir Mərdanov çıxış edərək Azərbaycan Respublikasının Prezidenti İlham Əliyevin təhsil sisteminə, müəllimlərə göstərdiyi diqqət və qayğısından danışıb. Son illərdə təhsil sahəsində qazanılan uğurlardan bəhs edən nazir ölkəmizdə ümumtəhsil, ali və orta ixtisas, texniki -peşə təhsilinin inkişafı, informasiya -kommunikasiya texnologiyalarının bu sahəyə tətbiqi üzrə həyata keçirilən proqramların əhəmiyyətini vurğulayıb. Tədbirdə Azərbaycan Respublikası Prezidentinin İcra Aparatı Humanitar siyasət məsələləri şöbəsinin müdiri Fatma Abdullazadə, Yeni Azərbaycan Partiyası sədrinin müavini Əli Əhmədov, Milli Məclis sədrinin müavini Bahar Muradova, Bakı Slavyan Universitetinin rektoru Kamal Abdullayev, Azərbaycan Tibb Universitetinin rektoru Əhliman Əmiraslanov və digər natiqlər çıxış edərək kitabın təhsil tariximizə çox dəyərli töhfə olduğunu qeyd ediblər.

08/07/2015 16:52

Sentyabrın 10-da Bakı Şəhəri üzrə Təhsil İdarəsinin konfransı keçirilib.   Konfransda Bakı Şəhəri üzrə Təhsil İdarəsinin müdiri Nailə Rzaquliyeva “2007-2008-ci dərs ilinin yekunları və qarşıda duran vəzifələr” mövzusunda çıxış edib. N.Rzaquliyeva ölkə Prezidentinin təhsilə göstərdiyi diqqət və qayğısından söz açıb, təhsil müəssisələrində çalışan işçilərin əməkhaqqının artırılmasının razılıq hissi ilə qarşılandığını bildirib. Təhsil naziri Misir Mərdanov konfrans iştirakçılarını qarşıdan gələn “Bilik günü” - yeni dərs ilinin başlanması münasibəti ilə təbrik edib, onlara müvəffəqiyyətlər arzulayıb. Nazir ölkədə təhsilin inkişafına göstərilən dövlət qayğısını yüksək dəyərləndirərək, bu sahədə görülən məqsədyönlü işlərin göz qabağında olduğunu söyləyib. Bu gün təhsilin keyfiyyətinin yüksəldilməsində mühüm tədbirlərin həyata keçirildiyini deyən Misir Mərdanov hazırda təhsil müəssisələrində tərbiyə məsələsinə xüsusi diqqət artırılmasının zəruriliyini vurğulayıb. Misir Mərdanov məktəb-valideyn-şagird münasibətlərinin düzgün qurulmasında məktəb rəhbərlərinin daha fəal olmasını təhsil işçilərinin diqqətinə çatdırıb, hər bir valideynin öz övladının oxuduğu məktəbin həyatında baş verən bütün proseslərdə yaxından iştirak etməsini arzulayıb. Nazir digər həlli vacib məsələlərə də geniş toxunaraq təhsil işçilərinə bir sıra dəyərli tövsiyələr verib. Misir Mərdanov “Ən yaxşı ümumtəhsil məktəbi”, “Ən yaxşı müəllim” müsabiqələrinin qalibləri sırasında olan paytaxtın 14 ümumtəhsil məktəbinin direktoruna və 42 müəllimə müvafiq sertifikatlar təqdim edərək onlara fəaliyyətlərində uğurlar diləyib. Konfransda çıxış edənlər görülmüş işlər, nailiyyətlər, qarşıda duran mühüm vəzifələrdən söz açıblar. Sonda konfrans şagirdlərin ifasında konsert proqramı ilə başa çatıb.

08/07/2015 16:52

I sinfə gedəcək şagirdlər - 122 546   Bunlardan: a) qızlar - 58 117 b) oğlanlar - 64 429 Bakı şəhəri üzrə I sinfə gedəcək şagirdlər - 28 500

08/07/2015 16:52