Qazaxıstan Hökuməti tərəfindən Əhməd Yəsəvi adına Qazax-Türk Universitetinə Azərbaycan vətəndaşları üçün 20 məqsədli təhsil qrantı ayrılmışdır. Qrant barədə ətraflı məlumatı universitetin saytından (ayu.edu.kz) almaq olar.  Bildiririk ki, sənəd qəbulu elektron şəkildə admission.ayu.edu.kz ünvanında iyul ayının sonunadək aparılacaqdır.    

27/07/2016 17:33

21/07/2016 16:53

Təhsil Nazirliyinin aparatına aid kondisionerlərdə müxtəlif təmir və profilaktik işlərin görülməsinin kotirovkalar sorğusu üsulu ilə satın alınması həyata keçirilir. Maraqlanan təşkilatlar (012) 599-11-55, daxili 5252 telefon nömrəsi ilə əlaqə saxlaya bilərlər. Kotirovkalar sorğusunda iştirak etmək üçün sənədlər 25 iyul 2016-cı il tarixdə, saat 18:00-dək qəbul olunur . Ünvan: AZ 1008, Bakı şəhəri, Xətai prospekti 49.

19/07/2016 14:52

05/07/2016 12:09

Staj proqramı Balkan, Şimali Afrika, Qafqaz, Yaxın Şərq və Orta Asiya ölkələrinin yerli idarəetmə ilə məşğul olmağı arzu edən, ali təhsil müəssisələrinin hüquqşünaslıq, iqtisadiyyat, mühəndislik, şəhərsalma-memarlıq, sosiologiya, rabitə və informasiya texnologiyaları, siyasət, beynəlxalq münasibətlər və digər yaxın ixtisaslar üzrə təhsil alan sonuncu kurs tələbələri və ya yeni məzun olmuş şəxslər üçün nəzərdə tutulub. Proqram haqqında daha ətraflı məlumatı http://www.tbb.gov.tr internet səhifəsindən əldə etmək olar.

24/06/2016 17:21

Fransa-Azərbaycan Universiteti (UFAZ) layihəsi Fransa Respublikasının və Azərbaycan Respublikasının Prezidentlərinin təşəbbüsü irəli sürülmüş bir layihədir. Layihəyə əsasən, 2016-2017-ci tədris ilindən etibarən Azərbaycan Dövlət Neft və Sənaye Universiteti nəzdində 4 ixtisas üzrə tədris başlanacaq. Bu ixtisaslar aşağıdakılardır: 1. Kimya mühəndisliyi ixtisası 2. Kompüter elmləri 3. Geofizika mühəndisliyi 4. Neft və qaz mühəndisliyi   Universitetlərin ixitsaslaşdığı sahələrə müvafiq olaraq ilk üç ixtisasın proqramı üzrə Strasburq Universiteti, son ixtisas üzrə isə Ren 1 Universiteti ilə əməkdaşlıq qurulmuşdur. Tədris tamamilə qeyd olunan universitetlərin proqramına əsaslandığına görə UFAZ-ın məzunları sonda müvafiq olaraq ikili diplomlarla təmin olunacaqlar (ADNSU / Strasburq Universiteti və ADNSU / Ren 1 Universiteti). Qeyd edək ki, bütün ixtisaslar üzrə tədris 4 il (1 il hazırlıq + 3 il əsas tədris müddəti) olmaqla tamamilə ingilis dilində aparılacaq. Tədrisin tamamilə ADNSU-da, yəni Bakıda aparılması nəzərdə tutulur. Semestr ərzində yaxşı nəticə göstərən tələbələr üçün Fransada yay məktəbləri təşkil oluncaq. Bu il UFAZ-a daxil olan tələbələrdən 120 nəfəri (ən yüksək nəticə göstərənlər) təhsil aldıqları müddətdə təhsil haqqından azad olacaqlar. 40 tədris yeri isə ödənişli əsaslarla təklif olunacaq.   UFAZ-a qəbul qaydaları UFAZ ixtisaslarına ali təhsil müassisəsinə qəbul imtahanı zamanı l qrup üzrə 500 və daha çox bal toplayan hər bir abituriyent müraciət edə bilər. Abituriyentlər iyulun 25-də UFAZ komissiyası tərəfindən təşkil olunmuş növbəti imtahanda iştirak edəcəklər. İmtahandan uğurla keçənlər ixtisas seçimi zamanı UFAZ ixtisaslarından birini seçməklə UFAZ tələbəsi statusunu qazanacaq. Seçim imtahanı aşağıdakı fənlər üzrə Azərbaycan və rus dillərində aparılacaq: 1. Fizika (testlə) 2. Kimya (testlə) 3. Riyaziyyat (testlə) 4. İngilis dili (esse) Qəbul imtahanlarında iştirak etmək istəyənlər universitetin qəbul komissiyasına aşağıdakı sənədləri təqdim etməlidir: 1. TQDK tərəfindən keçirilən test imtahanının nəticəsi haqqında arayış 2. Tam orta təhsil haqqında sənədin notarial qaydada təsdiq olunmuş nüsxəsi (attestat) 3. Şəxsiyyət vəsiqəsinin surəti 4. Oğlanlar üçün çağırış məntəqəsinə təhkim edilmə haqqında vəsiqə 5. 3×4 ölçüdə 8 ədəd fotoşəkil 6. Elektron müraciət forması Sənədlər ilkin olaraq elektron formada ufaz@asoiu.edu.az unvanına göndərilməli, daha sonra isə UFAZ ofisinə təsdiq edilməlidir. Sənəd qəbulunun müddəti: 18-21.07.2016 saat 10.00-18.00   Ünvan: Bakı şəhəri, Azadlıq pr. 20, (ADNSU-nun əsas binası) Əlaqə telefonu:  +994 / 50 969 83 55 Mob.  +994 / 12 493 33 68 Email: ufaz@asoiu.edu.az https://www.facebook.com/ufaz.university/ Qeyd: UFAZ müsabiqəsindən keçməyən abituriyentlər heç bir məhdudiyyət qoyulmadan TQDK tərəfindən digər ali təhsil müəssisələrinə keçirilən müsabiqədə iştirak edə bilərlər.

21/06/2016 11:18

Azərbaycan Respublikasının Təhsil Nazirliyi təsərrüfat ləvazimatlarının, mal və materialların kotirovkalar sorğusu üsulu ilə satın alınmasını həyata keçirir. Maraqlanan təşkilatlar (012) 599-11-55, daxili 5252 telefon nömrəsi ilə əlaqə saxlaya bilərlər. Kotirovkalar sorğusunda iştirak etmək üçün sənədlər 24 iyun 2016-cı il tarixdə, saat 18:00-dək qəbul olunur . Ünvan: AZ 1008, Bakı şəhəri, Xətai prospekti 49.

20/06/2016 16:49

Təhsilalanların fiziki-psixi sağlamlığının qorunması və təlim nailiyyətlərinin yüksəldilməsi sahəsində aparılan işlərin davamlı inkişafını dəstəkləmək, əhəmiyyətli elmi-praktik nəticələr əladə etmək və kadr hazırlığını təmin etmək məqsədi ilə  Azərbaycan Respublikası Təhsil Nazirliyi “Sağlam Təhsil-Sağlam Millət” layihəsinin 2016-cı ildə inkişafı üzrə qrant müsabiqəsi elan edir.   Müsabiqədə iştirak: Müsabiqədə Azərbaycan Respublikasında dövlət qeydiyyatına alınmış hüquqi şəxslər iştirak edə bilərlər.   Müsabiqədə iştiraka dair tələblər: 1. “Sağlam Təhsil-Sağlam Millət” layihəsinin icrası üçün iddialı olan qurum ümumi təhsil sahəsində krossfunksional (pedaqoq, psixoloq, həkim, memar, mebel texnoloqu, media işçiləri, QHT-lər, məmurlar və s. bir araya gəlməklə) layihələrin icrasında minimum 2 illik təcrübəyə malik olmalıdır. 2. Ümumi təhsil müəssisələrində təhsilalanların hərtərəfli (fiziki, psixi, idraki, mənəvi) inkiaşfı və sağlamlığının qorunması məsələlərinə dair  layihələrin icrasında ən azı 2 il  təcrübəsinin olması: - Təhsilalanların sağlamlığının qorunmasına dair icra edilmiş layihənin adı, məqsədi, icra edildiyi yer, cəlb edilən kadr potensialı barədə ətraflı məlumat (CV) və əldə edilən nəticələr barədə hesabatların surəti; 3. Ümumi təhsil pilləsində, xüsusilə də, ibtidai təhsil səviyyəsində təhsilalanların fiziki-psixi sağlamlığı baxımından  müstəsna rolu olan (ətraf aləmin tam şəkildə dərk edilməsini, emosional stabilliyin qorunması və təlim marağının yüksəldilməsini təmin edən) inteqrativ təlim  texnologiyalarının  tətbiqi ilə bağlı təcrübəsini  təsdiq edən aşağıda qeyd edilən məlumatların təqdim edilməsi: - inteqrativ təlim texnologiyaları baxımından pedaqoji kadr  hazırlığında istifadə edilən proqram və təlim materialları; - təlimlərin təşkili və keçirilməsi prosesinin qısa xülasəsi; - təlimi aparan təlimçilərin siyahısı və CV-ləri; - təlimdən keçmiş müəllimlərin siyahısı; - ətraf aləmin tam dərk edilməsini təmin edən inteqrativ dərs modelinə dair dərsin cari planlaşdırılma nümunələri; 4. Layihə rəhbəri müsabiqə üzrə yalnız bir layihədə (xüsusi əsaslandırılmış hal istisna olmaqla) iştirak edə bilər.   Layihələrin təqdim edilməsi: Layihə təklifləri 20 iyun 2016-cı ilədək Nazirliyə elektron poçt (layihe@edu.gov.az) vasitəsilə təqdim olunmalıdır. Müraciət zamanı təşkilatlar layihə və büdcə ilə birlikdə aşağıdakı sənədləri təqdim etməlidir: • QHT-nin dövlət qeydiyyatı haqqında şəhadətnamənin surəti • Təşkilatın Nizamnaməsinin surəti • Təşkilatın Dövlət Reyestrindən Çıxarışının surəti • Təşkilatın VÖEN-nin surəti • Təşkilat haqqında məlumat • Layihəyə rəhbərlik edəcək şəxsin və əsas əməkdaşların tərcümeyi-halı (CV)   Qiymətləndirmə meyarları: 1. Qurumun təcrübəsi. 2. Layihənin icrasına dair dəqiq ifadə edilmiş və əsaslandırılmış təsvirin olması. 3. Layihənin icrasına cəlb ediləcək mütəxəssislərin oxşar məqsədli  layihələrdə iştirak təcrübəsi; 4. İcraçının (icraçıların) əvvəlki yerinə yetirilmiş (yerli və xarici) təhsilalanların sağlamlığının qorunması və təlim nailiyyətlərinin yüksəldilməsi məsələlərinə dair layihələrdə uğurlu iştirakı. 5. Qrant layihəsi üçün tələb olunan maliyyələşdirilmənin məbləğinin məntiqli və reallığa uyğun olaraq ciddi şəkildə əsaslandırılması. 6. Layihənin səmərəliliyi və layihənin icrası ilə bağlı risklərin qiymətləndirilməsi.   Müsabiqənin müddəti: Layihələrin qəbulu 13 iyun 2016-cü il tarixdən başlayır və 20 iyun 2016-cü il tarixdə başa çatır.   Layihələrin qəbulu üçün son tarix: 20 iyun 2016-cı il, saat 18:00.

13/06/2016 17:27

Azərbaycan Respublikası Təhsil Nazirliyi Maliyyə şöbəsinin  Mühasibat uçotu və hesabat sektorunda vakant müdir vəzifəsinin tutulması ilə bağlı daxili müsahibə elan edir.   Müsahibədə inzibati vəzifədə qulluq keçən və ixtisas dərəcəsinə malik olan  Azərbaycan Respublikası Təhsil Nazirliyinin dövlət qulluqçuları iştirak edə bilərlər. Müsahibədə iştirak etmək üçün aşağıdakı  sənədlər təqdim edilməlidir: ∙ ərizənin surəti ∙ əmək kitabçasının surəti ∙ ali təhsil haqqında diplomun surəti (xarici dövlətlərin ali təhsil müəssisələrində təhsil almış şəxslərin ali təhsil haqqənda sənədi müvafiq şəhadətnamənin surəti ili birlikdə) və ya müvafiq ixtisas üzrə yenidənhazırlanma təhsilindən keçmə haqqında müvafiq sənədin surəti (ali təhsil haqqında sənədin surəti ili birlikdə) ∙ kadr uçotunun şəxsi vərəqəsinin surəti (bütün bölmələr üzrə məlumatlar tam olmalı və hazırkı dövrü əks etdirməlidir) ∙ bir ədəd ağ  fonda rəngli fotoşəkil ∙ son bir ildə intizam tənbehi tədbirinin tətbiq edilməməsi barədə arayış Müsahibədə iştirak etmək üçün ərizələrin qəbulu  (01 iyun 2016-cı il tarixindən 16 iyun 2016-cı il,  saat 18:00-dək) Azərbaycan Respublikası Təhsil Nazirliyində aparılır. Ərizələr şəxsən (bazar ertəsi-cümə günləri saat 09:00-dan 13:00-dək və 14:00-dan 18:00-dək), yaxud poçt vasitəsilə təqdim edilə bilər. Müsahibə zamanı müsahibədə iştirak edən dövlət qulluqçusunun bilik səviyyəsi, peşə hazırlığı, ümumi dünyagörüşü, barəsində müsahibə elan edilən vəzifə üçün zəruri olan şəxsi keyfiyyətləri yoxlanılmaqla müvafiq vəzifəyə uyğunluğu müəyyən edilir. Müsahibədə ixtisas dərəcəsi, attestasiyanın nəticələri, müvafiq vəzifənin tələblərinə uyğun olaraq təkrar hazırlıq keçməsi və ixtisasın artırılması da nəzərə alınır. Müsahibəyə dair ətraflı məlumat almaq üçün Azərbaycan Respublikasının Təhsil Nazirliyinə müraciət edə bilərsiniz Telefonlar: 599-11-55 (dax: 52-28)   Maliyyə şöbəsi, Mühasibat uçotu və hesabat sektoru, sektor müdiri Ştat vahidinin sayı: 1 İş yerinin ünvanı: Bakı şəhəri, Nərimanov rayonu, Xətai prospekti 49 İnzibati vəzifənin təsnifatı: 5-ci təsnifat Vəzifə maaşı: 620 manat Qulluq funksiyaları:  sektorun işinin təşkilinə, fəaliyyətinə rəhbərliyin həyata keçirilməsi və işçilərin icra intizamına nəzarət edilməsi; sektorda işçilərin fəaliyyətinin istiqamətləndirilməsi, onlara həvalə edilən vəzifələrin yerinə yetirilməsinin təmin edilməsi; sektorda işçilərin həvəsləndirilməsi, ixtisas dərəcələrinin verilməsi, onların fəaliyyətinin qiymətləndirilməsi, intizam tənbeh tədbirlərinin tətbiq olunması, habelə işçilərin vəzifədən kənarlaşdırılması ilə bağlı şöbə müdirinə təkliflərin verilməsi; sektorun fəaliyyətinin təkmilləşdirilməsi sahəsində tədbirlərin görülməsi, bu barədə şöbə müdirinə təkliflərin verilməsi; peşə hazırlığının yüksəldilməsi məqsədilə qanunvericiliyin daim öyrənilməsi, işgüzar və peşə keyfiyyətlərinin yüksəldilməsinə çalışılması; xidməti fəaliyyətlə bağlı Nazirliyin və şöbə rəhbərliyinin tapşırıqlarının yerinə yetirilməsi; Nazirlik üzrə mühasibat uçotunun təşkilinə rəhbərlik edilməsi; Mühasibat uçotu üzrə tətbiq olunan proqram təminatının işləməsinə nəzarət edilməsi; səlahiyyətləri daxilində digər məsələlərin həll edilməsi; Nazirliyin tabeliyində olan və dövlət büdcəsinin mərkəzləşdirilmiş xərclərindən maliyyələşən təhsil müəssisələri, eləcə də dövlət sifarişi ilə kadr hazırlığı həyata keçirilən müvafiq müəssisələr üzrə mühasibat hesabatlarının qəbul edilməsi, təqdim olunan hesabatların yekun icmallaşdırılması və müvafiq arayışların hazırlanmasının təmin edilməsi; Nazirliyin aparatı, dövlət proqramları və mərkəzləşdirilmiş tədbirlər üzrə müvafiq ödənişlərin həyata keçirilməsi və uçotunun aparılmasının təmin edilməsi; Dövlət proqramları, eləcə də ikitərəfli saziş, müqavilə və razılaşmalar əsasında xarici ölkələrdə təhsil alan tələbələrin xərclərinin ödənilməsi ilə bağlı sifariş, sərəncam və ödəniş sənədlərinin hazırlanmasının təmin edilməsi; Nazirliyin aparatında çalışan işçilərin əməkhaqqı, məzuniyyət, ezamiyyə xərcləri və digər ödənişləri ilə bağlı ödəniş sənədlərinin hazırlanmasının təmin edilməsi və s. Vəzifənin tutulması şərtləri: təhsil: iqtisadiyyat və idarəetmə ixtisas istiqamətləri üzrə ali təhsil; iş stajı: ixtisası üzrə azı 5 il; kompüter: MS WINDOWS, MS OFFİCE, İNTERNET və s. (orta-yüksək səviyyədə); xarici dil: rus dili (orta səviyyədə), ingilis dili (orta səviyyədə).

01/06/2016 11:16

19/05/2016 17:43