Azərbaycan Respublikası Təhsil Nazirliyində 2018-2019-cu tədris ilinə ümumi təhsili həyata keçirən dövlət təhsil müəssisələrinin əsas tədris vəsaitləri ilə təminatı məqsədilə tələb olunan dərslik komplektlərinin (dərslik və müəllim üçün metodik vəsaitlərin) çapına dair 27 aprel 2018-ci il tarixində keçirilmiş açıq tenderdə Tender Komissiyasının qərarına əsasən I lot üzrə “Təhsil” Nəşriyyat Poliqrafiya MMC, II lot üzrə “Şərq-Qərb” ASC, III lot üzrə “Radius” MMC və IV lot üzrə “Çaşıoğlu Elm-İstehsalat”  MMC tenderin qalibi olub və 21 iyun 2018-ci il tarixində həmin müəssisələr ilə satınalma müqavilələri bağlanılıb.   Tender komissiyası

22/06/2018 11:29

21/06/2018 17:53

Təhsil Nazirliyinin 13 saylı Ərazi Maliyyə Hesablaşma Mərkəzinin əhatə etdiyi ümumtəhsil müəssisələrinə İstilik enerjisi (quru odun yanacaginin) işlərinin satın alınması ilə əlaqədar keçirilmiş açıq tenderdə iştirak edən iddiaçıların təklifləri qiymətləndirilib. Açıq tenderin nəticələri haqqında Tender komissiyasının yekun protokoluna əsasən, “MASTER-OFİS” Məhdud Məsuliyyətli Cəmiyyəti qalib elan edilmiş və həmin təşkilat ilə 20 İyun 2018-ci il tarixində satınalma müqaviləsi bağlanılıb.

20/06/2018 18:05

20/06/2018 17:59

Bakı Şəhəri üzrə Təhsil İdarəsinin tabeliyində fəaliyyət göstərən bir sıra təhsil müəssisələrində mövcud olan, içməli su üçün nəzərdə tutulan çənlərin təmizlənməsi, yuyulması və dezinfeksiyası xidmətlərinin satın alınması ilə əlaqədar keçirilmiş kotirovkalar sorğusunda iştirak edən iddiaçıların təklifləri qiymətləndirilib. Kotirovka sorğusunun nəticələri haqqında tender komissiyasının yekun protokoluna əsasən “SAN PROF” Məhdud Məsuliyyətli Cəmiyyəti qalib elan edilib və həmin təşkilat ilə 13 iyun 2018-ci il tarixində satınalma müqaviləsi bağlanılıb.

13/06/2018 17:41

12/06/2018 18:01

Tələbələr arasında könüllülüyün təbliği, tələbə-könüllülərin vahid məlumat bazasının yaradılması, onların dünyagörüşünün genişləndirilməsi, maraq dairələri üzrə klubların yaradılması, müvafiq təlim kurslarının təşkil olunması və s. işlərin təşkili məqsədi ilə Azərbaycan Respublikası Təhsil Nazirliyi “Tələbələr arasında könüllülüyün təbliği və tələbə-könüllülər hərəkatının inkişafı” layihəsinin 2018-ci ildə inkişafı üçün qrant müsabiqəsini elan edir.   Müsabiqədə iştirak: Müsabiqədə Azərbaycan Respublikasında dövlət qeydiyyatına alınmış hüquqi şəxslər iştirak edə bilərlər.   Müsabiqədə iştiraka dair tələblər: Bakı şəhəri və eyni zamanda regionlarda yerləşən ali və orta ixtisas təhsil müəsissələrində tələbə-könüllülərlə işin təşkili və inkişaf etdirilməsi sahəsində ən azı 3 illik təcrübəyə malik olmalıdır. Təqdim ediləcək layihələr ali və orta ixtisas təhsil müəssisələrində təhsil alan tələbə-könüllülərlə işi əhatə etməlidirlər.   Layihələrin təqdim edilməsi: Layihə təklifləri 20 iyun 2018-ci ilədək Azərbaycan Respublikası Təhsil Nazirliyinə elektron poçt konullu2018@edu.gov.az vasitəsilə təqdim olunmalıdır. Müraciət zamanı təşkilatlar aşağıdakı sənədləri təqdim etməlidir: • Layihə təklifi (Əlavə 1); • Layihənin xərclər smetası (Əlavə 2); • Layihənin icra planı (Əlavə 3); • QHT-nin dövlət qeydiyyatı haqqında şəhadətnaməsinin surəti; • Təşkilatın Nizamnaməsinin surəti; • Təşkilatın Dövlət Reyestrindən Çıxarışının surəti; • Təşkilatın VÖEN-nin surəti; • Təşkilatın fəaliyyəti haqqında qısa məlumat; • Layihəyə rəhbərlik edəcək şəxsin və əsas əməkdaşların tərcümeyi-halı (CV).   Qiymətləndirmə meyarları: 1. Qurumun təcrübəsi; 2. Layihənin icrasına dair dəqiq ifadə edilmiş və əsaslandırılmış təsvirin olması; 3. Layihənin icrasına cəlb ediləcək mütəxəssislərin oxşar məqsədli layihələrdə iştirak təcrübəsi; 4. Qrant layihəsi üçün tələb olunan maliyyələşdirilmənin məbləğinin məntiqli və reallığa uyğun olaraq ciddi şəkildə əsaslandırılması; 5. Layihənin səmərəliliyi və layihənin icrası ilə bağlı risklərin qiymətləndirilməsi.   Müsabiqənin müddəti: Layihələrin qəbulu 12 iyun 2018-ci il tarixdən başlayır və 20 iyun 2018-ci il tarixdə başa çatır.   Layihələrin qəbulu üçün son tarix: 20 iyun 2018-ci il, saat 18:00.

12/06/2018 16:53

Türkiyə və Yaxın Şərq Dövlət İdarəçilik İnstitutu xarici ölkələrin dövlət qulluqçuları üçün təqaüd proqramı elan edir. Ölkə: Türkiyə Respublikası Təhsil səviyyələri: Magistratura və doktorantura İxtisaslar: Politologiya, Dövlət idarəçiliyi Tədris dili: İngilis dili Aylıq təqaüd: Magistratura təhsil səviyyəsi üzrə aylıq 850 türk lirəsi, doktorantura təhsil səviyyəsi üzrə aylıq 1200 türk lirəsi. Son müraciət tarixi: 17 iyul 2018-ci il Qeyd: Ərizə forması və tələb olunan bütün digər sənədlər 17 iyul 2018-ci il tarixinə kimi enderun@todaie.edu.tr elektron poçt ünvanına göndərilməlidir.   Ətraflı məlumat üçün keçid: http://www.todaie.edu.tr/genel/bizden_detay_eng.php?kod=1908&tipi=67

08/06/2018 10:02

Azərbaycan və Koreya hökumətləri arasındakı razılaşmaya uyğun olaraq, Koreya İqtisadi İnkişaf və Əməkdaşlıq Fondunun maliyyə dəstəyi ilə Sənaye və İnnovasiyalar üzrə Bakı Dövlət Peşə Təhsil Mərkəzinin bazasında Koreya təhsil standartları əsasında yaradılan Peşə Təhsil Mərkəzinə aşağıdakı sahələr üzrə ixtisaslı mütəxəssislərin işə qəbulu elan edilir: • İKT (Veb-dizayn, şəbəkənin quraşdırılması və təmiri, proqramlaşdırma) • Avtomobil (Mühərrikin təmiri, korpusun təmiri və boyanması, elektrik ) • Mexanika (Ümumi mexanika, CNC-tornaçı və frezləmə dəzgahlarının işi, Auto CAD/CAM) • Sənaye sahəsində quraşdırma (Xüsusi qaynaq, qövs qaynaq santexnika) • Elektrik (PLC & İdarəetmə qurğusu, elektromontaj işləri, texniki xidmət) • Elektronika (Elektrik avadanlıqlarının təmiri, rəqəmsal-mikroprosessor, Analoq -ümumi elektron sxemlər) • Avtomatlaşdırma (İstehsal proseslərinin avtomatlaşdırılması, hidravlika, pnevmatika) • İnşaat (Auto CAD, dülgər, interyer) Müvafiq sahələr üzrə ali və ya orta ixtisas təhsilinə, həmçinin bu sahədə minimum 2 il iş təcrübəsinə malik olan mütəxəssislər işə qəbul üçün müraciət edə bilərlər. İşə qəbul olunan mütəxəssislərə 2 ay müddətində Bakıda koreyalı mütəxəssislər tərəfindən təlimlər keçiriləcək. Mütəxəssislər növbəti 3 ay ərzində isə Koreyada keçirilən təlimlərdə iştirak edəcəklər. Təlimlər ödənişsizdir. Qəbul seçim yolu ilə aparılır. Seçim zamanı ingilis dilini bilən namizədlərə üstünlük veriləcək. Əmək haqqı yüksəkdir. İşləmək istəyən ixtisaslı mütəxəssislər iyulun 1-dək CV-lərini office@vet.edu.gov.az  elektron poçt ünvanına  göndərə bilərlər. Ətraflı məlumat almaq üçün 599-12-77 telefon nömrəsi ilə əlaqə saxlamaq olar.

05/06/2018 17:56

Müsahibədə barəsində müsahibə elan edilən vəzifələrin təsnifatından ən çoxu iki  təsnifat aşağı inzibati vəzifədə qulluq keçən və ixtisas dərəcəsinə malik olan  Azərbaycan Respublikası Təhsil Nazirliyinin dövlət qulluqçuları iştirak edə bilərlər. Müsahibədə iştirak etmək üçün aşağıdakı  sənədlər təqdim edilməlidir: ∙ ərizə; ∙ əmək kitabçasının surəti; ∙ ali təhsil haqqında diplomun surəti (xarici dövlətlərin ali təhsil müəssisələrində təhsil almış şəxslərin ali təhsil haqqənda sənədnin və həmin sənədin qanunvericiliyə uyğun olaraq təsdiq edilməsi  haqqında  müvafiq şəhadətnamənin surəti ili birlikdə) və ya müvafiq ixtisas üzrə yenidənhazırlanma təhsilindən keçmə haqqında müvafiq sənədin surəti (ali təhsil haqqında sənədin surəti ili birlikdə); ∙ kadr uçotunun şəxsi vərəqəsinin surəti (bütün bölmələr üzrə məlumatlar tam olmalı və hazırkı dövrü əks etdirməlidir); ∙ bir ədəd ağ  fonda rəngli foto şəkil (4×6); ∙ son bir ildə intizam tənbehi tədbirinin tətbiq edilməməsi barədə arayış Müsahibədə iştirak etmək üçün ərizələrin qəbulu  21 may 2018-ci il tarixdən 05 iyun 2018-ci il tarixdə saat 18:00-dək Azərbaycan Respublikası Təhsil Nazirliyində aparılır. Ərizələr şəxsən (bazar ertəsi-cümə günləri saat 09:00-dan 13:00-dək və 14:00-dan 18:00-dək), yaxud poçt vasitəsilə təqdim edilə bilər. Müsahibə zamanı müsahibədə iştirak edən dövlət qulluqçusunun bilik səviyyəsi, peşə hazırlığı, ümumi dünyagörüşü, barəsində müsahibə elan edilən vəzifə üçün zəruri olan şəxsi keyfiyyətləri yoxlanılmaqla müvafiq vəzifəyə uyğunluğu müəyyən edilir. Müsahibədə ixtisas dərəcəsi, xidməti fəaliyyətin qiymətləndirilməsi, müvafiq vəzifənin tələblərinə uyğun olaraq təkrar hazırlıq keçməsi və ixtisasın artırılması da nəzərə alınır. Müsahibəyə dair ətraflı məlumat almaq üçün Azərbaycan Respublikası Təhsil Nazirliyinə müraciət edə bilərsiniz Telefonlar: 599-11-55 (dax: 52-28)   Vəzifə: Aparat, Aparatın rəhbəri Vəzifənin kodu: Ştat vahidinin sayı: 1 İş yerinin ünvanı: Bakı şəhəri, Nərimanov rayonu, Xətai prospekti 49 İnzibati vəzifənin təsnifatı: 3-cü təsnifat Vəzifə maaşı: 1110 manat   Qulluq funksiyaları: Azərbaycan Respublikası qanunlarının, Azərbaycan Respublikası Prezidentinin fərman və sərəncamlarının, Azərbaycan Respublikası Nazirlər Kabinetinin qərar və sərəncamlarının, Təhsil Nazirliyinin əmr və sərəncamlarının, digər normativ hüquqi aktların nazirliyin struktur bölmələri tərəfindən yerinə yetirilməsinə nəzarət edilməsi, nazirliyin aparatı və təhsil sisteminə daxil olan müəssisələr tərəfindən  təhsil siyasətinin həyata keçirilməsinə, direktiv orqanlara göndərilən hesabat, məktub və arayışların hazırlanmasına nəzarətin edilməsi, nazirliyin struktur bölmələrinin onların Əsasnamələrinə uyğun fəaliyyətinə nəzarətin  edlməsi, görülmüş işlərlə bağlı rəhbərliyə hesabat və məlumatın verilməsi, struktur bölmələrin fəaliyyətinin səmərəliliyinin artırılması üçün təkliflərin verilməsi və tədbirlərin görülməsi, rəhbərliyin tapşırığına uyğun olaraq kollegiya, müşavirə, seminar və s.tədbirlərin keçirilməsinə rəhbərlik edilməsi, ictimaiyyətlə və KİV-ləri ilə əlaqələrin təşkili məsələlərinə rəhbərlik, kargüzarlığın aparılmasI, arxivin komplektləşdirilməsi və mühafizəsi işinə nəzarətin təşkili, təhsil müəssisələrinin və nazirliyin aparatının kadr təminatının mövcud qanunvericiliyə uyğun aparılmasına nəzarətin təmini.   Vəzifənin tutulması şərtləri: təhsil: təhsil ixtisas qrupları, Humanitar və sosial ixtisaslar qrupu,İqtisadiyyat və idarəetmə ixtisasları qrupu üzrə ali təhsil; iş stajı:I dövlət qulluğunda rəhbər vəzifədə 3 ildən az olmamaqla 6 il qulluq stajı və yaxud rəhbər vəzifələr üzrə 5 ildən az olmamaqla 9 il iş stajı; kompüter: MS WİNDOWS, MS OFFİCE, İNTERNET və s.(yüksək səviyyədə), xarici dil: rus və ingilis dilləri (yüksək səviyyədə)

05/06/2018 15:34