• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri

MenyuMenyu

PORTAL.EDU.AZ

SUALIM VAR Elektron sənəd yoxlanışı
Əlaqə
Təhsil millətin gələcəyidir!

Qax, Zaqatala və Daşkəsəndə məktəb açılışları olub

Sentyabrın 14-də Qax rayonu Zakir Müslümov adına Qum kənd tam orta məktəbinin açılış mərasimi keçirilib.

 

Açılış mərasimində elm və təhsil nazirinin müavini İdris İsayev, Qax Rayon İcra Hakimiyyətinin başçısı Musa Şəkiliyev, Şəki – Zaqatala Regional Təhsil İdarəsinin müdir müavini Günay Mahmudova, Qax rayonu üzrə təhsil sektorunun müdiri Babək Heydərov, şəhid ailələrinin üzvləri, məktəbin müəllim-şagird kollektivi, valideynlər iştirak ediblər.

 

Tədbirdən əvvəl ümummilli lider Heydər Əliyevin abidəsi ziyarət edilib, önünə gül dəstələri düzülüb. 

 

Tədbir iştirakçıları tədris ocağında yaradılmış şəraitlə tanış olublar. 

 

Qeyd edilib ki, məktəb binası 264 şagird yerlikdir. Məktəbdə 14 sinif otağı ilə yanaşı, fizika, kimya laboratoriyaları, idman və akt zalları, kitabxana, yeməkxana, çağırışaqədərki hazırlıq, tibb otağı, stadion şagirdlərin istifadəsinə verilib.

 

***

 

Sentyabrın 14-də Zaqatala rayonu Aydın Babayev adına Mosul kənd tam orta məktəbinin açılış mərasimi keçirilib. 

 

Açılış mərasimində elm və təhsil nazirinin müavini İdris İsayev, Zaqatala Rayon İcra Hakimiyyətinin başçısı Mübariz Əhmədzadə, Şəki – Zaqatala Regional Təhsil İdarəsinin müdir müavini Günay Mahmudova, Zaqatala rayonu üzrə təhsil sektorunun müdiri Kəmalə Əhmədova, şəhid ailələrinin üzvləri, məktəbin müəllim, şagird kollektivi və valideynlər iştirak ediblər.

 

Əvvəlcə ümummilli lider Heydər Əliyevin abidəsi ziyarət edilib, önünə gül dəstələri düzülüb. 

 

Tədbir iştirakçıları yeni tədris ocağında yaradılmış şəraitlə tanış olublar. 

 

Bildirilib ki, məktəb binası 487 şagird yerlikdir. İkimərtəbəli binada sinif otaqları ilə yanaşı, fizika, kimya laboratoriyaları, idman və akt zalları, kitabxana, yeməkxana, çağırışaqədərki hazırlıq, tibb otağı, stadion şagirdlərin istifadəsinə verilib.

 

***

 

Sentyabrın 14-də Daşkəsən şəhəri A.Mürsəlov adına 2 nömrəli tam orta məktəbin yeni tikilmiş binasının açılış mərasimi keçirilib. 

 

Açılış mərasimində elm və təhsil nazirinin müavini Həsən Həsənli, Daşkəsən Rayon İcra Hakimiyyəti başçısının səlahiyyətlərini icra edən Vüqar Məmmədov, Gəncə – Daşkəsən Regional Təhsil İdarəsinin müdiri Anar Qədiməliyev, məktəbin pedaqoji kollektivi, şagirdlər və ictimaiyyət nümayəndələri iştirak ediblər. 

 

Tədbirdən öncə ümummilli lider Heydər Əliyevin abidəsi ziyarət edilib, önünə gül dəstələri düzülüb. 

 

Tədbir iştirakçıları məktəbdə yaradılmış şəraitlə də tanış olublar. 

 

Bildirilib ki, yeni tikilmiş məktəb 360 şagird yerlikdir. 15 sinif otağından ibarət təhsil müəssisəsində 3 laboratoriya, 2 texnologiya, informatika, gənclərin çağırışaqədərki hazırlığı kabineti, məktəbəhazırlıq otağı, 150 yerlik akt zalı, idman zalı, kitabxana və 70 yerlik yeməkxana fəaliyyət göstərəcək.

14.09.2023 - 18:00

Paylaş

Digər xəbərlər