Azərbaycanlı məktəblilər beynəlxalq müsabiqədən qızıl medalla qayıdıblar
Ruminiyanın Buxarest şəhərində keçirilən 14-cü "International Computer Project Olympiada-2016" (InfoMatrix) beynəlxalq layihə müsabiqəsində ölkəmizi təmsil edən məktəblilər 2 qızıl, 3 gümüş və 2 bürünc medal qazanıblar.
Akademik Zərifə Əliyeva adına liseyin XI sinif şagirdi İlkin Musayev elmi rəhbəri Aygün Əzizova ilə birlikdə müsabiqəyə qatılaraq, "Proqramlaşdırma" kateqoriyasında qızıl medal qazanıb. İlkin Musayevin layihəsi beynəlxalq ekspertlər tərəfindən maksimal–100 balla qiymətləndirilib və ən uğurlu layihə kimi qeydə alınıb. Bu layihə 3D modelinin üzərində qurulub. Ekspertlər qrupu layihəni ixtirayönümlü iş kimi dəyərləndirib.
Nərimanov və Gənclik “İstək” liseylərinin şagirdlərindən ibarət 6 komanda isə müsabiqədə 1 qızıl, 3 gümüş, 2 bürünc medal qazanıb. Belə ki, müsabiqəyə qatılan Ömər Qurbanlı, Rəsul Salamov qızıl, Malik Haqverdiyev, Aqil Əliyev, Aqşin Yusifzadə, Ərturan İbrahimli, Rəhman Bağırov gümüş, Aygül Qurbanova, Aysun Qələndərli, Zülfüqar Verdiyev və Şamil Ağazadə bürünc medal əldə ediblər.
Qeyd edək ki, hər il ənənəvi olaraq 12-18 yaşlı məktəbli və gənclər arasında keçirilən InfoMatrix müsabiqəsinə bu il rekord sayda iştirakçı qatılıb. Belə ki, müsabiqədə 41 ölkədən 500 iştirakçı 285 layihə ilə birincilik uğurunda mübarizə aparıb.
8 il əvvəl
Digər xəbərlər
-
“Məktəblərdə ekologiya ayı” layihəsinə start verilir
30.09.2024 - 16:39 -
“Heydər Əliyev adına Beynəlxalq Təhsil Qrantı” proqramı çərçivəsində 2024-2025-ci tədris ili üzrə namizədlərin seçimi barədə XİN və ETN-nin birgə məlumatı
30.09.2024 - 14:01 -
Orta ixtisas təhsili müəssisələrinə əlavə yerləşmədən qəbul olunanların qeydiyyatı davam edir
30.09.2024 - 12:35 -
Balakəndə elm və təhsil nazirinin qəbulunda iştirak edəcək vətəndaşların nəzərinə!
28.09.2024 - 15:30 -
Azərbaycan nümayəndə heyəti Helsinkidə müəllimlərin peşəkar inkişafı ilə bağlı tədbirdə iştirak edib
27.09.2024 - 15:36