12.11.2015

Nobel mükafatı laureatı Təhsil Nazirliyində olub

Noyabrın 11-də təhsil naziri Mikayıl Cabbarov Bakıda səfərdə olan Nobel mükafatı laureatı Corc Smutu qəbul edib.

Görüş zamanı Azərbaycanın ali təhsil müəssisələrində elmi araşdırmaların və tədris prosesinin təşkilinin yeni innovativ yolları, elm sahəsində müasir texnoloji yeniliklərin tətbiqi və digər maraq doğuran məsələlər müzakirə olunub.

Qeyd edək ki, C.Smut 2006-cı ildə fizika sahəsində Nobel mükafatına layiq görülüb. O, Azərbaycan Milli Elmlər Akademiyasının 70 illik yubileyi mərasimində iştirak etmək üçün Bakıya gəlib.