• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri

MenyuMenyu

PORTAL.EDU.AZ

SUALIM VAR Elektron sənəd yoxlanışı
Əlaqə
Təhsil millətin gələcəyidir!
HEYDƏR ƏLİYEV
Haydar Aliyev Image

Yeni tədris ili ilə bağlı mətbuat konfransı keçirilib

Avqustun 27-də COVİD-19 pandemiyası dövründə 2020-2021-ci tədris ilində təhsil müəssisələrinin fəaliyyətinin təşkili ilə bağlı mətbuat konfransı keçirilib.

Təhsil naziri Emin Əmrullayev yeni tədris ilində  təhsil müəssisələrinin fəaliyyəti ilə bağlı ətraflı məlumat verib. Nazir sentyabrın 15-dən tədrisin ibtidai siniflərdə ənənəvi qaydada həftədə 2-3 dəfə olmaqla bərpa olunmasının, V-XI siniflərdə isə onlayn qaydada dərslərin keçirilməsinin planlaşdırıldığını bildirib. Qeyd edib ki, V-IX sinif şagirdlərinin 1 oktyabr,  X-XI sinif şagirdlərinin isə 15 oktyabr tarixindən ənənəvi şəkildə dərsə gəlməsi nəzərdə tutulur. Oktyabrın 1-dən həftədə 2 dəfə olmaqla məktəbəhazırlıq qruplarında tədrisin başlanması planlaşdırılır.

Ali, orta ixtisas və peşə təhsili müəssisələrinin fəaliyyətinə də toxunan nazir qeyd edib ki, sözügedən təhsil müəssisələrində tədris sentyabrın 15-dən distant qaydada təşkil olunacaq. 

Brifinqdə qeyd edilib ki, təhsil müəssisələrində sonrakı mərhələlərdə tədrisin hansı formada davam etdirilməsi ilə bağlı da mövcud şəraitə uyğun olaraq qaydaların hazırlanması, yeni qərarların qəbulu gözlənilir. 

Həmçinin bildirilib ki, valideynlərin uşaqları məktəbə göndərib-göndərməmək hüququ tanınacaq. Valideynlər məktəbləri məlumatlandırmaqla övladlarının onlayn, yaxud qarışıq üsulla - həftədə məktəbə 2-3 dəfə gəlməklə, digər dərsləri virtual qaydada keçməsini təmin edə bilər. 

Media nümayəndələrinin diqqətinə çatdırılıb ki, məktəblərdə şagird və müəllimlərin təhlükəsizliyinin təmin olunması istiqamətində də ciddi nəzarət olacaq, bu işdə "Məktəblinin dostu" layihəsinin əməkdaşları  yaxından iştirak edəcək.

Sonda media nümayəndələrinin çoxsaylı sualları cavablandırılıb. 

 

3 il əvvəl

Paylaş

Digər xəbərlər