Azərbaycan Respublikasının rəsmi dövlət platforması
Rəsmi vebsaytları necə tanımaq olar?
Rəsmi vebsaytların linkləri .gov.az ilə bitir.
Dövlət qurumları .gov.az domeni (məsələn, edu.gov.az) vasitəsilə əlaqə qurur.
Rəsmi vebsaytların siyahısı
Təhlükəsiz vebsaytlar HTTPS protokolundan istifadə edir.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
  • Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri
SUALIM VAR Elektron sənəd yoxlanışı

Tbilisidə I Azərbaycan–Gürcüstan Rektorlar Konfransı keçirilir

16.11.2026 - 16:00


Noyabrın 16-da Gürcüstanın paytaxtı Tbilisi şəhərində I Azərbaycan–Gürcüstan Rektorlar Konfransı işə başlayıb.

 

Gürcüstan Texniki Universitetində keçirilən konfransda elm və təhsil nazirinin müavini İdris İsayevin rəhbərlik etdiyi nümayəndə heyəti, Azərbaycanın Gürcüstandakı fövqəladə və səlahiyyətli səfiri Faiq Quliyev, Gürcüstanın təhsil, elm və gənclər nazirinin müavini Zviad Qabisoniya, eləcə də hər iki ölkənin ali təhsil müəssisələrinin rektorları və nümayəndələri iştirak edirlər.

 

Konfransın açılışında Gürcüstan Texniki Universitetinin rektoru David Gurgenidze iştirakçıları salamlayaraq tədbirin əhəmiyyətini vurğulayıb.

 

Açılış mərasimində çıxış edən elm və təhsil nazirinin müavini İdris İsayev Azərbaycan və Gürcüstan arasında elm və ali təhsil sahəsində əməkdaşlığın inkişafından bəhs edərək iki ölkənin universitetləri arasında əlaqələrin genişləndirilməsinin, birgə təhsil və tədqiqat təşəbbüslərinin həyata keçirilməsinin əhəmiyyətini vurğulayıb.

 

İdris İsayev hazırda Azərbaycanın ali təhsil müəssisələrində 1117 Gürcüstan vətəndaşının təhsil aldığını diqqətə çatdırıb. O, həmçinin ötən il Azərbaycanın 6 və Gürcüstanın 7 ali təhsil müəssisəsi arasında 7 əməkdaşlıq memorandumunun imzalandığını qeyd edib.

 

Çıxışında elmi əməkdaşlığın inkişaf perspektivlərinə toxunan nazir müavini süni intellekt, bərpa olunan enerji, su ehtiyatlarının idarə olunması və kənd təsərrüfatı texnologiyaları kimi istiqamətlərdə birgə tədqiqatların aparılmasının vacibliyini bildirib. Bu sahələrdə təcrübə mübadiləsinin genişləndirilməsi, birgə tədqiqat qruplarının yaradılması və elmi tədbirlərin təşkili imkanlarına diqqət çəkib.

 

İdris İsayev elm və təhsilin inteqrasiyasının gücləndirilməsi, universitetlərin akademik potensialının artırılması, innovasiya və startap mühitinin inkişaf etdirilməsi, eləcə də beynəlxalq ikili diplom proqramlarının genişləndirilməsinin əhəmiyyətindən danışıb.

 

Nazir müavini konfrans çərçivəsində aparılan müzakirələrin və əldə olunan razılaşmaların Azərbaycan və Gürcüstan arasında elm və ali təhsil sahəsində əməkdaşlığın daha da inkişafına, yeni birgə layihələrin həyata keçirilməsinə və uzunmüddətli tərəfdaşlıq əlaqələrinin möhkəmləndirilməsinə töhfə verəcəyinə ümidvar olduğunu bildirib.

 

Çıxış edən Gürcüstanın təhsil, elm və gənclər nazirinin müavini Zviad Qabisoniya iki ölkə arasında elm və ali təhsil sahəsində əməkdaşlığın inkişafından, universitetlərarası əlaqələrin genişləndirilməsindən və birgə təşəbbüslərin həyata keçirilməsinin əhəmiyyətindən bəhs edib.

 

Azərbaycanın Gürcüstandakı səfiri Faiq Quliyev isə çıxışında iki ölkə arasında dostluq münasibətlərinin möhkəmləndirilməsində elm və təhsil sahəsində əməkdaşlığın rolunu vurğulayıb.

 

Elm və Ali Təhsil üzrə Dövlət Agentliyinin direktoru Ülkər Səttarova öz növbəsində “Azərbaycanda elmi-tədqiqat əməkdaşlığının və beynəlmiləlləşmənin inkişafı” mövzusunda təqdimatla çıxış edib.

 

Təqdimatda Azərbaycanda elm və ali təhsil sahəsində həyata keçirilən islahatlar, elmi-tədqiqat fəaliyyətinin gücləndirilməsi və ali təhsilin beynəlmiləlləşdirilməsi istiqamətində görülən işlər barədə məlumat verilib. Təqdimatın sonunda elmi-tədqiqat əməkdaşlığının genişləndirilməsi, universitetlərin beynəlxalq əlaqələrinin gücləndirilməsi və birgə elmi təşəbbüslərin inkişafının əhəmiyyəti vurğulanıb.

 

Konfrans çərçivəsində Azərbaycan və Gürcüstan universitetlərinin rektorlarının iştirakı ilə panel müzakirələrinin təşkili, ali təhsil sahəsində əməkdaşlığın inkişaf perspektivlərinin və yeni tərəfdaşlıq imkanlarının müzakirəsi nəzərdə tutulur.

 

Tədbir çərçivəsində həmçinin iki ölkənin ali təhsil müəssisələri arasında əməkdaşlıq memorandumlarının imzalanması planlaşdırılır.