Azərbaycan Respublikasının rəsmi dövlət platforması
Rəsmi vebsaytları necə tanımaq olar?
Rəsmi vebsaytların linkləri .gov.az ilə bitir.
Dövlət qurumları .gov.az domeni (məsələn, edu.gov.az) vasitəsilə əlaqə qurur.
Rəsmi vebsaytların siyahısı
Təhlükəsiz vebsaytlar HTTPS protokolundan istifadə edir.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.

  • Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri

MenyuMenyu

PORTAL.EDU.AZ

SUALIM VAR Elektron sənəd yoxlanışı
Əlaqə
az
Təhsil millətin gələcəyidir!

Firudin Qurbanov Beynəlxalq Olimpiya Günü münasibətilə keçirilmiş tədbirdə iştirak edib

Milli Olimpiya Komitəsində (MOK) 23 iyun – Beynəlxalq Olimpiya Gününə həsr olunmuş OCEP/OVEP təltifetmə mərasimi keçirilib. 

 

Mərasimdə Milli Olimpiya Komitəsinin vitse-prezidentləri Çingiz Hüseynzadə, Zemfira Meftaxetdinova, Fərid Mansurov, baş katib Azər Əliyev, elm və təhsil nazirinin müavini Firudin Qurbanov, Olimpiya çempionları, Atletlər Komissiyasının üzvləri, məktəb direktorları və idman ictimaiyyətinin nümayəndələri iştirak ediblər. 

 

Əvvəlcə Olimpiya Mədəniyyəti və Təhsil Proqramı (OCEP) haqqında ümumi məlumat verilib, Beynəlxalq Olimpiya Komitəsinin (BOK) Olimpiya Gününə həsr olunmuş videoçarxı nümayiş olunub. Ardınca MOK-un 2019-2024-cü illər ərzində gördüyü işlərdən bəhs edən video formatında hesabat iştirakçılara təqdim edilib.

 

Tədbirin rəsmi hissəsində çıxış edən Milli Olimpiya Komitəsinin vitse-prezidenti Çingiz Hüseynzadə iştirakçıları Olimpiya Günü münasibətilə təbrik edib. MOK vitse-prezidenti bildirib ki, artıq 30 ilə yaxındır ki, ölkəmizdə bu gün bayram kimi qeyd olunur və bununla bağlı müxtəlif kütləvi tədbirlər, idman yarışları keçirilir. Çingiz Hüseynzadə sentyabr ayında Olimpiya Günü ilə bağlı kütləvi idman tədbirinin keçiriləcəyini, bu çərçivədə OCEP/OVEP proqramlarının əhəmiyyətini vurğulayıb və dəstəyə görə Elm və Təhsil Nazirliyinə minnətdarlığını bildirib.

 

Elm və təhsil nazirinin müavini Firudin Qurbanov çıxışında Beynəlxalq Olimpiya Günü münasibətilə hər kəsi təbrik edib və bu günün təkcə idmanın deyil, həm də sülhün, həmrəyliyin və dostluğun bayramı olduğunu qeyd edib. Elm və Təhsil Nazirliyi ilə Milli Olimpiya Komitəsi arasında uzun illərdir davam edən məhsuldar əməkdaşlığa toxunan elm və təhsil nazirinin müavini Olimpiya Mədəniyyəti və Təhsili Proqramının (OCEP) təkcə şagirdlər üçün deyil, həm də fiziki tərbiyə və ibtidai sinif müəllimləri üçün böyük əhəmiyyət daşıdığını deyib.

 

Nazir müavini bildirib ki, ölkəmizdə həyata keçirilən idman siyasəti, ölkə Prezidenti cənab İlham Əliyevin idmana göstərdiyi diqqətin və qayğının nəticəsidir ki, Bakı şəhəri artıq dünyanın idman paytaxtından birinə çevrilib. 

 

Məktəblərdə fiziki tərbiyə dərslərinin müasir yanaşmalar əsasında aparılmasının əsas məqsədlərdən olduğunu deyən Firudin Qurbanov idmanın gənclərin tərbiyəsində rolunu xüsusi vurğulayıb, idmanla təhsilin birgə inkişafının vacibliyini qeyd edib.

 

Sonra OCEP layihəsi üzrə koordinator Nərmin Kərimova OCEP çərçivəsində keçirilən Olimpiya Dəyərlərinin Tədrisi Proqramı (OVEP) proqramı üzrə görülən işlər, təlimlərin nəticələri, gələcək planlara dair təqdimatla çıxış edib.

 

Həmçinin tədbirdə bildirilib ki, Azərbaycan müstəqil dövlət olaraq Olimpiya Hərəkatına 1992-ci ildən qoşulub. Dövlətimizin başçısı İlham Əliyev 1997-ci ildə Milli Olimpiya Komitəsinin Prezidenti seçildikdən sonra Azərbaycan Olimpiya Hərəkatında sürətli inkişaf başlayıb. İdmançılarımız 30 il ərzində 8 Yay və 6 Qış Olimpiya Oyunlarında iştirak edib, ümumilikdə 9 qızıl, 16 gümüş və 31 bürünc medal qazanıb.

 

Sonra OVEP üzrə təşkil edilmiş təlimlərin yekunu barədə məlumat verilib.

 

Rəsmi çıxışlardan sonra OVEP və OCEP üzrə fəal iştirak etmiş şəxslərin təltifetmə mərasimi keçirilib. Onlara diplom və qiymətli hədiyyələr təqdim edilib.

 

23.06.2025 - 17:00

Paylaş

Digər xəbərlər