“Məktəblilərarası Milli Hakaton - 2025” müsabiqəsinin ilkin mərhələsinin müddəti uzadılıb
Elm və Təhsil Nazirliyinin dəstəyi və “Rəqəmsal bacarıqlar” layihəsinin təşkilatçılığı ilə həyata keçirilən “Məktəblilərarası Milli Hakaton - 2025” müsabiqəsinə qeydiyyat martın 28-dək uzadılıb.
Eyni zamanda, artıq qeydiyyatdan keçmiş şagirdlər həmin tarixədək elektron sistemdə onlara təqdim edilən tapşırıqları yerinə yetirməlidirlər. Bunun üçün qeydiyyat zamanı şagirdin elektron ünvanına göndərilən istifadəçi adı və şifrə ilə “Learn” https://learn.algoritmika.az/login platformasına daxil olmaq lazımdır.
Qeyd edək ki, ilkin qeydiyyat mərhələsində respublika üzrə 5-11-ci sinif şagirdləri iştirak edə bilərlər. Qeydiyyat mərhələsində verilən tapşırıqları uğurla yerinə yetirən iştirakçılar I mərhələyə vəsiqə qazanacaqlar.
Müsabiqənin bütün sınaqları iştirakçılar üçün müvafiq qruplar (8-9-cu siniflər və 10-11-ci siniflər) çərçivəsində aparılır.
Dörd mərhələ və finaldan ibarət olan hakaton müddətində iştirakçılar test tapşırıqları, komanda işi və layihə hazırlığı kimi yaradıcı və innovativ fəaliyyətlərdə iştirak edəcəklər. III və IV mərhələlər müsabiqədə fəal iştirak edən şagirdlər üçün 5 müxtəlif regionda təşkil ediləcək.
Müsabiqənin final mərhələsində isə 120 iştirakçıdan ibarət 30 komanda yarışacaq.
19.03.2025 - 16:00
Digər xəbərlər
-
Nazir müavini Firudin Qurbanov autizmlə bağlı beynəlxalq elmi konfransda iştirak edib
24.04.2025 - 13:00 -
Firudin Qurbanov BANM-da beynəlxalq elmi konfransların açılışında iştirak edib
23.04.2025 - 17:00 -
Nazir müavini Həsən Həsənli Özbəkistanda STEAM Mərkəzinin açılışında iştirak edib
22.04.2025 - 16:15 -
Emin Əmrullayev Türk Hava Qurumu Universitetinin rektoru ilə görüşüb
22.04.2025 - 15:30 -
“Məktəblilərarası Milli Hakaton” üzrə seçim mərhələsi başlayıb
22.04.2025 - 10:35