Mətin Kərimli Dağlıq Şirvan Regional Təhsil İdarəsi üzrə təhsil işçilərinin sentyabr konfransında iştirak edib |Azərbaycan Respublikası Elm və Təhsil Nazirliyi

Virtual bələdçi

Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

MenyuMenyu

PORTAL.EDU.AZ

SUALIM VAR Elektron sənəd yoxlanışı

Əlaqə

Təhsil millətin gələcəyidir!

Mətin Kərimli Dağlıq Şirvan Regional Təhsil İdarəsi üzrə təhsil işçilərinin sentyabr konfransında iştirak edib

Sentyabrın 6-da Dağlıq Şirvan Regional Təhsil İdarəsi üzrə təhsil işçilərinin sentyabr konfransı keçirilib.

Konfransda Elm və Təhsil Nazirliyinin Aparat rəhbəri Mətin Kərimli, Şamaxı Rayon İcra Hakimiyyətinin başçısı Tahir Məmmədov, Təhsil İnstitutunun Qiymətləndirmə, Təhlil və Monitorinq Mərkəzinin direktoru İbrahim Baxışlı, Dağlıq Şirvan Regional Təhsil İdarəsinin müdir səlahiyyətlərini icra edən Həmid Qasımov, şəhid ailəsi üzvü olan təhsil işçiləri, idarənin struktur bölmə rəhbərləri və əməkdaşları, məktəb direktorları, bağça müdirləri, müəllimlər və digər şəxslər iştirak ediblər.

Tədbirdən əvvəl qonaqlar ümummilli lider Heydər Əliyevin abidəsini ziyarət edib, önünə gül dəstələri düzüblər. Sonra qonaqlar şagirdlərin rəsm və əl işlərindən ibarət sərgiyə baxış keçiriblər.

Konfransda çıxış edən Elm və Təhsil Nazirliyinin Aparat rəhbəri Mətin Kərimli təhsil sahəsində aparılan islahat və əldə edilən nailiyyətlərdən söz açıb. İşğaldan azad edilmiş ərazilərdə, eləcə də digər bölgələrdəki təhsil müəssisələrində həyata keçirilən əsaslı təmir və yenidənqurma işlərindən söz açan Mətin Kərimli çıxışının sonunda təhsil işçilərinə uğurlar arzu edib.

Şamaxı Rayon İcra Hakimiyyətinin başçısı Tahir Məmmədov da öz növbəsində təhsil işçilərinə yeni tədris ilində uğurlar arzulayıb.

Sonra Təhsil İnstitutunun Qiymətləndirmə, Təhlil və Monitorinq Mərkəzinin direktoru İbrahim Baxışlı Dağlıq Şirvan regionunda olan IV və VI sinif şagirdlərinin monitorinq, eləcə də IX və XI siniflərin buraxılış imtahanlarının nəticələri barədə danışıb.

Daha sonra Dağlıq Şirvan Regional Təhsil İdarəsinin müdir səlahiyyətlərini icra edən Həmid Qasımov hesabatla çıxış edib. Region üzrə məktəblərin ötən tədris illəri üçün nəticələrini təhlil edən Həmid Qasımov idarənin tabeliyində olan rayonlarda həyata keçirilən bir sıra təmir və tikinti işlərindən də söz açıb. Gələcək hədəflər barədə də danışan idarə müdiri sonda konfrans iştirakçılarına təşəkkürünü bildirib və onlara uğurlar arzu edib.

Çıxışlardan sonra konfransda səsləndirilən məsələlərə dair fikir mübadiləsi aparılıb.