Azərbaycan Respublikasının rəsmi dövlət platforması
Rəsmi vebsaytları necə tanımaq olar?
Rəsmi vebsaytların linkləri .gov.az ilə bitir.
Dövlət qurumları .gov.az domeni (məsələn, edu.gov.az) vasitəsilə əlaqə qurur.
Rəsmi vebsaytların siyahısı
Təhlükəsiz vebsaytlar HTTPS protokolundan istifadə edir.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.

  • Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri

MenyuMenyu

PORTAL.EDU.AZ

SUALIM VAR Elektron sənəd yoxlanışı
Əlaqə
az
Təhsil millətin gələcəyidir!

Doktorantların və gənc tədqiqatçıların XVIII Respublika elmi konfransının keçirilməsi barədə Azərbaycan Respublikası təhsil nazirinin əmri

Doktorantların və gənc tədqiqatçıların elmin müxtəlif sahələrində əldə etdiyi nəticələri müzakirə etmək, habelə elmi yaradıcılığını stimullaşdırmaq məqsədi ilə
 
ƏMR EDİRƏM:
 
1.Doktorantların və gənc tədqiqatçıların XVIII Respublika elmi konfransı 19-20 dekabr 2013-cü il tarixlərində Azərbaycan Dillər Universitetində keçirilsin.
2.Konfransın işi Azərbaycan Respublikası Təhsil Nazirliyinin 8 aprel 2011-ci il tarixli, 553 nömrəli əmri ilə təsdiq edilmiş “Doktorantlarınvə gənc tədqiqatçıların Respublika elmi konfransının Əsasnaməsi”nə uyğun olaraq təşkil edilsin.
3.Azərbaycan Dillər Universitetinin rektoru (S.Seyidov) konfransın yüksək səviyyədə təşkilini və materiallarının nəşrini təmin etsin.
4.Ali  təhsil  müəssisələrinin rektorları ciddi elmi nəticələri olan  doktorant
və gənc tədqiqatçıların məruzə tezislərinin seçilməsini və 2013-cü il 15 noyabr tarixinədək  Azərbaycan Dillər Universitetinə təqdim edilməsini təmin etsinlər.
5. Konfransın işinə, proqram və materiallarının nəşrə hazırlanmasına nəzarət Elm, ali və orta ixtisas təhsil şöbəsinə (G.Hüseynova) həvalə olunsun.
6. İnformasiya şöbəsi (E.Əliyev) əmrin “Azər­baycan müəllimi” qəzetində dərc edilməsini, Nazirliyin veb-saytında yerləşdirilməsini və çoxaldılıb yerlərə göndərilməsini təmin etsin.
7. Əmrin icrasına nəzarət təhsil nazirinin müavini C.Bayramova həvalə edilsin.
ƏSAS: Azərbaycan Respublikası Nazirlər Kabinetinin 17.02.2013-cü il tarixli, 17/17/138-11 nömrəli  məktubu, Elm, ali və orta ixtisas təhsili şöbəsinin Fəaliyyət planı.  
 
Mikayıl CABBAROV,
Azərbaycan Respublikasının təhsil naziri
7 oktyabr 2013-cü il 
№839

Paylaş