MenyuMenyu
PORTAL.EDU.AZ-
Xidmətlər
Elm və Təhsil Nazirliyi tərəfindən təqdim olunan elektron xidmətlər -
Məktəbəqədər təhsil
İntellektual, fiziki, mənəvi inkişafa xidmət edən ilkin bilik, bacarıq və vərdişlərin mənimsənilməsi prosesidir. -
Ümumi təhsil
Təhsilalanlar tərəfindən bilik, bacarıq və vərdişlərin mənimsənilməsini təmin edən mühüm fəaliyyət sahəsidir. -
Məktəbdənkənar təhsil
Məktəbdənkənar təhsil uşaq, yeniyetmə və gənclərin maraq, meyil və bacarıqlarının, intellektual səviyyələrinin, yaradıcılıq qabiliyyətlərinin inkişafı, fiziki imkanlarının artırılmasını təmin edən təhsil növüdür. -
Peşə təhsili
Zəruri əmək bacarıqlarına yiyələnməni təmin edən prioritet fəaliyyət sahəsidir. -
Orta ixtisas təhsili
Ümumi orta təhsil bazasında cəmiyyətin və əmək bazarının tələbatına uyğun olaraq, müxtəlif sənət və kütləvi peşələr üzrə ixtisaslı işçi kadrlar hazırlığını təmin edir. -
Ali təhsil
Tam orta təhsil və orta peşə-ixtisas təhsili bazasından cəmiyyətin və əmək bazarının tələbatı nəzərə alınmaqla yüksək ixtisaslı mütəxəssis hazırlığını təmin edir. -
Xüsusi təhsil
Xüsusi təhsil – sağlamlıq imkanları məhdud şəxslərə dövlət proqramları əsasında bilik, bacarıq və özünəxidmət vərdişlərini aşılamaqla, onların cəmiyyətə inteqrasiyasını, o cümlədən əmək fəaliyyətinə və ailə həyatına hazırlanmasını təmin edir. -
Sənədlər
Normativ sənədlər və təlimatlar -
Layihələr
Elm və Təhsil Nazirliyi tərəfindən həyata keçirilən layihələr -
Tədqiqatlar
Elm və Təhsil Nazirliyi tərəfindən həyata keçirilən tədqiqatlar -
Çıxışlar
-
Hesabatlar
İllərə dair hesabatlar -
Atributlar
Atributların istifadəsinə dair təlimatlar
2025/2026-cı il tədris ili üçün fəlsəfə doktoru proqramı üzrə doktoranturaya sənəd qəbulunun aparılması barədə Azərbaycan Respublikası elm və təhsil nazirinin əmri
Azərbaycan Respublikası Prezidentinin 2023-cü il 24 iyul tarixli 2242 nömrəli Fərmanı ilə təsdiq edilmiş “Azərbaycan Respublikasının Elm və Təhsil Nazirliyi haqqında Əsasnamə”nin 5.5.10-cu yarımbəndini rəhbər tutaraq əmr edirəm:
1. 2025/2026-cı tədris ili üçün fəlsəfə doktoru proqramı üzrə doktoranturaya sənəd qəbulu (ərizələrin onlayn qeydiyyatı) elektron sistem vasitəsilə həyata keçirilsin.
2. Fəlsəfə doktoru proqramı üzrə doktoranturaya sənəd qəbulu 2025-ci ilin 13 may tarixindən 3 həftə müddətinə aparılsın.
3. Təhsil Sisteminin İnformasiyalaşdırılması İdarəsinə (Vüsal Xanlarov) tapşırılsın ki:
3.1. sənəd qəbulunun elektron formada aparılması üçün sistemin sazlanma prosesini həyata keçirsin;
3.2. fəlsəfə doktoru proqramı üzrə doktoranturada kadr hazırlığı aparan müəssisələrin sistemdən istifadəsini təmin etmək məqsədilə təlimlər təşkil etsin.
4. Elm, Ali və Peşə Təhsili Şöbəsi (Turxan Süleyman) elektron sənəd qəbulu prosesində qanunvericilik baxımından yarana biləcək sualların cavablandırılmasını təmin etsin.
5. Elm və Ali Təhsil üzrə Dövlət Agentliyi (Ülkər Səttarova) cari ildə müvafiq səviyyə üzrə qəbul həyata keçirəcək müəssisələrin, ixtisasların və onların təhsilalma və ödəniş formalarının “Ali və Orta İxtisas Təhsili Alt Sisteminə (AOİTAS)” daxil edilməsini təmin etsin.
6. Vətəndaşlara xidmət və sənədlərlə iş şöbəsi (Rəşad Xanlarov) bu əmrin surətinin elm və ali təhsil müəssisələrinə, o cümlədən nazirliyin aidiyyəti struktur bölmələrinə çatdırılmasını təmin etsin.
7. İctimaiyyətlə əlaqələr və kommunikasiya şöbəsi (Səbuhi Rzayev) fəlsəfə doktoru proqramı üzrə doktoranturaya sənəd qəbulu ilə bağlı ictimaiyyətin məlumatlandırılmasını, bu əmrin nazirliyin internet saytında yerləşdirilməsini təmin etsin.
8. Əmrin icrasına nəzarət nazir müavini İdris İsayevə həvalə edilsin.
Əsas: Azərbaycan Respublikası Nazirlər Kabinetinin 2025-ci il 2 may tarixli 275 s nömrəli Sərəncamı.
Emin ƏMRULLAYEV,
Azərbaycan Respublikasının elm və təhsil naziri
13 may 2025-ci il
3-29/3-2-276F/2025