MenyuMenyu
PORTAL.EDU.AZ-
Xidmətlər
Elm və Təhsil Nazirliyi tərəfindən təqdim olunan elektron xidmətlər -
Məktəbəqədər təhsil
İntellektual, fiziki, mənəvi inkişafa xidmət edən ilkin bilik, bacarıq və vərdişlərin mənimsənilməsi prosesidir. -
Ümumi təhsil
Təhsilalanlar tərəfindən bilik, bacarıq və vərdişlərin mənimsənilməsini təmin edən mühüm fəaliyyət sahəsidir. -
Məktəbdənkənar təhsil
Məktəbdənkənar təhsil uşaq, yeniyetmə və gənclərin maraq, meyil və bacarıqlarının, intellektual səviyyələrinin, yaradıcılıq qabiliyyətlərinin inkişafı, fiziki imkanlarının artırılmasını təmin edən təhsil növüdür. -
Peşə təhsili
Zəruri əmək bacarıqlarına yiyələnməni təmin edən prioritet fəaliyyət sahəsidir. -
Orta ixtisas təhsili
Ümumi orta təhsil bazasında cəmiyyətin və əmək bazarının tələbatına uyğun olaraq, müxtəlif sənət və kütləvi peşələr üzrə ixtisaslı işçi kadrlar hazırlığını təmin edir. -
Ali təhsil
Tam orta təhsil və orta peşə-ixtisas təhsili bazasından cəmiyyətin və əmək bazarının tələbatı nəzərə alınmaqla yüksək ixtisaslı mütəxəssis hazırlığını təmin edir. -
Xüsusi təhsil
Xüsusi təhsil – sağlamlıq imkanları məhdud şəxslərə dövlət proqramları əsasında bilik, bacarıq və özünəxidmət vərdişlərini aşılamaqla, onların cəmiyyətə inteqrasiyasını, o cümlədən əmək fəaliyyətinə və ailə həyatına hazırlanmasını təmin edir. -
Sənədlər
Normativ sənədlər və təlimatlar -
Layihələr
Elm və Təhsil Nazirliyi tərəfindən həyata keçirilən layihələr -
Tədqiqatlar
Elm və Təhsil Nazirliyi tərəfindən həyata keçirilən tədqiqatlar -
Çıxışlar
-
Hesabatlar
İllərə dair hesabatlar -
Atributlar
Atributların istifadəsinə dair təlimatlar
Azərbaycan Dövlət Neft və Sənaye Universitetinin 100 illik yubileyinin keçirilməsi haqqında Azərbaycan Respublikası Təhsil nazirinin əmri
Azərbaycan Respublikası Prezidentinin “Azərbaycan Dövlət Neft və Sənaye Universitetinin 100 illik yubileyinin keçirilməsi haqqında” 6 fevral 2020-ci il tarixli 1801 nömrəli Sərəncamının icrasını təmin etmək məqsədilə “Azərbaycan Respublikasının Təhsil Nazirliyi haqqında Əsasnamə”nin 13.5-ci bəndini rəhbər tutaraq
əmr edİrəm:
1. Azərbaycan Dövlət Neft və Sənaye Universitetinin 100 illik yubileyinin keçirilməsi ilə bağlı Azərbaycan Respublikası Təhsil Nazirliyinin Tədbirlər Planı təsdiq edilsin (əlavə olunur).
2. Azərbaycan Dövlət Neft və Sənaye Universiteti (M.Babanlı) yubiley tədbirlərinin təşkili və keçirilməsi ilə bağlı Universitetdə Təşkilat Komitəsi yaratsın, aidiyyəti icraçı qurumlarla birlikdə tədbirlərin icrasını təmin etsin, icra vəziyyəti barədə mütəmadi olaraq Təhsil Nazirliyinə məlumat versin, cari ilin dekabr ayında müvafiq hesabat hazırlayıb təqdim etsin.
3. Ali təhsil müəssisələrinin rəhbərləri Tədbirlər Planında nəzərdə tutulan aidiyyəti tədbirlərin icrasını təmin etsinlər və görülmüş işlər barədə cari ilin dekabr ayında Təhsil Nazirliyinə hesabat təqdim etsinlər.
4. Nazirliyin aidiyyəti struktur bölmələrinin rəhbərləri Tədbirlər Planının yerinə yetirilməsi ilə bağlı zəruri işləri həyata keçirsinlər.
5. Elm, ali və orta ixtisas təhsili şöbəsi (Y.Piriyev) Tədbirlər Planının icrası ilə bağlı məsələlərin əlaqələndirilməsi və hesabatların ümumiləşdirilməsi ilə bağlı məsələləri həll etsin.
6. İnformasiya şöbəsi (E.Məmmədov) əmrin və Tədbirlər Planının çoxaldılıb aidiyyəti struktur bölmələrə və qurumlara göndərilməsini, Nazirliyin internet səhifəsində yerləşdirilməsini təmin etsin.
7. Əmrin icrasına nəzarəti öz üzərimə götürürəm.
Əsas: Azərbaycan Respublikası Prezidentinin “Azərbaycan Dövlət Neft və Sənaye Universitetinin 100 illik yubileyinin keçirilməsi haqqında” 6 fevral 2020-ci il tarixli 1801 nömrəli Sərəncamı.
Ceyhun BAYRAMOV,
Azərbaycan Respublikasının Təhsil naziri
18 may 2020-ci il
F-238