Oktyabrın 31-də “Hyatt-Regency” otelində Malayziya universitetlərinin növbəti təhsil sərgisinin açılış mərasimi keçirilib.
İkigünlük sərgidə Təhsil Nazirliyinin və Malayziya universitetlərinin nümayəndələri, ali məktəb müəllimləri, elm adamları və tələbələr iştirak edib.
Sərginin açılışında çıxış edən təhsil naziri Misir Mərdanov öncə tədbir iştirakçılarını salamlayıb. Nazir bu sərginin Malayziya ilə Azərbaycan arasında təhsil sahəsində əlaqələrin daha da inkişafı, müəllim, tələbə və şagirdlərimizin Malayziya universitetləri və ali təhsil sistemi ilə daha yaxından tanış ola bilməsi baxımından mühüm əhəmiyyət kəsb etdiyini qeyd edib. Azərbaycan-Malayziya arasındakı əməkdaşlığın sürətlə inkişafından danışan Misir Mərdanov bundan sonra da təhsil sahəsində olan əlaqələrin daha da genişləndirilməsinin vacibliyini vurğulayıb, sərginin işinə uğurlar arzulayıb.
Sonra Malayziya nümayəndə heyətinin rəhbəri, Malayziya Ali Təhsil Nazirliyinin Ali təhsil departamentinin müdir müavini Siti Hamisah Tapsir çıxış edərək göstərilən dəstəyə və bu əməkdaşlığa görə minnətdarlıqlarını bildirib.
Tədbirdə Malayziya universitetlərinin təmsilçiləri tədbir iştirakçılarını maraqlandıran suallara cavab veriblər.
8 il əvvəl
Digər xəbərlər
-
Nazir müavini “Maarifçi” tələbə-məzun təcrübə proqramının iştirakçıları ilə görüşüb
25.04.2024 - 18:00 -
Azərbaycan və Qırğızıstan prezidentləri Ağdamın Xıdırlı kənd tam orta məktəbinin təməlqoyma mərasimində iştirak ediblər
25.04.2024 - 14:42 -
Emin Əmrullayev qırğız həmkarı ilə görüşüb
24.04.2024 - 19:02 -
Azərbaycan və Qırğızıstan arasında təhsil sənədinin imzalanma mərasimi olub
24.04.2024 - 16:39 -
10 minə yaxın şagird Qərbi Azərbaycan mövzusunda olimpiadada yarışacaq
24.04.2024 - 12:55