Yanvarın 25-dən 29-dək Azərbaycan Respublikası Təhsil Nazirliyi nəzdində fəaliyyət göstərən Təhsil Sisteminin İnformasiyalaşdırılması İdarəsinin Məlumat və Resurs Mərkəzində SANAKO korporasiyasının Finlandiyalı eksperti tərəfindən “Pedaqoji praktikanın, dilin tədrisi və sinfin idarə olunmasının tətbiqi” mövzusunda xüsusi treninqlər keçirilib.
Elitar Gimnaziyanın və Avropa Liseyinin ingilis dili müəllimləri üçün keçirilən treninqlərin məqsədi “1 şagird-1 kompüter” layihəsində iştirak edən məktəblərdə quraşdırılacaq linqafon sinif otaqlarının informasiya texnologiyaları vasitəsilə idarəsi, şagirdlərin noutbuk linqafon sinif otaqlarında effektiv istifadəsi və ingilis dilinin tədrisinin keyfiyyətinin artırılmasından ibarətdir. Təlim zamanı müəllimlərə avadanlıqdan və proqramlardan istifadə üzrə nəzəri və praktiki biliklər verilib.
Onu da qeyd edək ki, “2008-2012-ci illərdə Azərbaycan Respublikasında təhsil sisteminin informasiyalaşdırılması üzrə Dövlət Proqramı” çərçivəsində həyata keçirilən “1 şagird-1 kompüter” layihəsi şagirdlərin həm məktəbdə, həm də evdə informasiya texnologiyalarının effektiv istifadəsini təmin etməyə yönəlib. Odur ki, layihə çərçivəsində pilot siniflərin şagirdlərinə məktəbdə və evdə istifadə üçün noutbuklar verilir.
8 il əvvəl
Digər xəbərlər
-
Nazir müavini “Maarifçi” tələbə-məzun təcrübə proqramının iştirakçıları ilə görüşüb
25.04.2024 - 18:00 -
Azərbaycan və Qırğızıstan prezidentləri Ağdamın Xıdırlı kənd tam orta məktəbinin təməlqoyma mərasimində iştirak ediblər
25.04.2024 - 14:42 -
Emin Əmrullayev qırğız həmkarı ilə görüşüb
24.04.2024 - 19:02 -
Azərbaycan və Qırğızıstan arasında təhsil sənədinin imzalanma mərasimi olub
24.04.2024 - 16:39 -
10 minə yaxın şagird Qərbi Azərbaycan mövzusunda olimpiadada yarışacaq
24.04.2024 - 12:55