• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri

MenyuMenyu

PORTAL.EDU.AZ

SUALIM VAR Elektron sənəd yoxlanışı
Əlaqə
Təhsil millətin gələcəyidir!
HEYDƏR ƏLİYEV
Haydar Aliyev Image

Təhsil Nazirliyi tərəfindən SABAH qruplarının tələbələri üçün Böyük Britaniyanın London şəhərində yay məktəbi təşkil olunub.

Yay məktəbi çərçivəsində SABAH tələbələri EF beynəlxalq dil məktəbinin intensiv ingilis dili kursunda iştirak ediblər. Kursun məqsədi savadlı, bacarıqlı və hazırlıqlı tələbələrin yetişməsinə bilavasitə şərait yaratmaq, əmək bazarının artan tələblərinə müvafiq olaraq SABAH tələbələrinin ingilis dili bacarıqlarını əyani mühitdə inkişaf etdirmək və onların dünyagörüşlərinin genişlənməsinə dəstək vermək olub.
İntensiv kurs müddətində hər bir iştirakçıya individual kurikulum əsasında ümumi ingilis dili tədris edilib. Dərslər interaktiv müzakirə, mühazirə, “online” test və praktiki tapşırıqlar üzərində iş şəklində aparılaraq tələbələrin ingilis dilində akademik yazı, oxu, danışıq və dinləmə qabiliyyətlərinin paralel olaraq inkişafını təmin edib. İki həftəlik kursun sonunda tələbələr imtahanda iştirak edərək sertifikat alıblar.
Tələbələr tədrisdənkənar saatlarda debat klubuna, inşa müsabiqəsinə, film müzakirəsinə cəlb olunublar. Onlar Londonun Viktoriya və Albert muzeyi, Elm muzeyi, Təbiət tarixi muzeyi, Müqəddəs Pol kilsəsi, Madam Tüsso muzeyi, Parlament binası (The House of Parlament), Biq Ben, Bukinqam sarayı, Hayd park, Müqəddəs Ceyms parkı, Qrinviç meridianı, Milli Qalereya və digər tarixi-mədəni yerlərə baş çəkiblər.
Müxtəlif ölkələrdən olan insanlarla tanışlıq və ünsiyyət SABAH tələbələrinin dünyagörüşlərinin və ünsiyyət qabiliyyətlərinin inkişafına böyük dəstək olub. 

8 il əvvəl

Paylaş

Digər xəbərlər