Emin Əmrullayev Uşaq Səfirlər Məclisinin üzvləri ilə görüşüb
Oktyabrın 17-də Uşaq Səfirlər Məclisinin üzvləri Azərbaycan Uşaqlarının VI Ümumrespublika Forumuna hazırlıq çərçivəsində elm və təhsil naziri Emin Əmrullayevlə görüşüblər.
Görüş zamanı Emin Əmrullayev artıq ənənə halını almış Ümumrespublika Uşaq Forumlarının əhəmiyyətinə toxunub, uşaqların inkişafında təhsilin önəmindən danışıb.
Görüşdə uşaqların təhsil hüquqları, məktəblərdə “STEAM” fənninin tədrisi, məktəb kitabxanaları, olimpiadalar, elektron dərsliklər və digər mövzularda müzakirələr aparılıb.
Nazir görüş çərçivəsində iştirakçıları maraqlandıran sualları da cavablandırıb.
Uşaq Səfirlər Məclisinin üzvləri də öz növbələrində faydalı görüşə görə elm və təhsil nazirinə təşəkkürlərini bildiriblər.
Qeyd edək ki, uşaqların ictimai fəallığının artırılması və bu istiqamətdə dövlət siyasətinin həyata keçirilməsində onların aktiv iştirakının təmin edilməsi məqsədilə Ailə, Qadın və Uşaq Problemləri üzrə Dövlət Komitəsi tərəfindən 2009-cu ildən etibarən beş dəfə Ümumrespublika Uşaq Forumu təşkil edilib. Azərbaycan Uşaqlarının VI Ümumrespublika Forumunda ölkəmizdən 300-dən çox uşağın, qardaş Türkiyədən isə 10 uşağın iştirakı nəzərdə tutulub.
17.10.2024 - 17:30
Digər xəbərlər
-
Emin Əmrullayev Uşaq Səfirlər Məclisinin üzvləri ilə görüşüb
17.10.2024 - 17:30 -
Nazir müavini Kənan Kərimzadə Cəlilabad Dövlət Peşə Təhsil Mərkəzində olub
17.10.2024 - 16:55 -
Nazir müavini Kənan Kərimzadə Cəlilabadda vətəndaşları qəbul edib
17.10.2024 - 15:57 -
“Müasir dini təhsil modelləri ənənələr və qlobal çağırışlar kontekstində” adlı konfrans öz işinə başlayıb
16.10.2024 - 13:00 -
Doktorantların və gənc tədqiqatçıların XXVII Respublika elmi konfransı keçiriləcək
16.10.2024 - 10:00