“Simurq” Azərbaycan Mədəniyyəti Assosiasiyasının VII qurultayının açılış mərasimi keçirilib |Azərbaycan Respublikası Elm və Təhsil Nazirliyi

Virtual bələdçi

Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

MenyuMenyu

PORTAL.EDU.AZ

SUALIM VAR Elektron sənəd yoxlanışı

Əlaqə

Təhsil millətin gələcəyidir!

“Simurq” Azərbaycan Mədəniyyəti Assosiasiyasının VII qurultayının açılış mərasimi keçirilib

Dekabrın 22-də “Simurq” Azərbaycan Mədəniyyəti Assosiasiyasının (AMA) 30 illik yubileyi münasibətilə assosiasiyanın VII qurultayının açılış mərasimi keçirilib. Qurultay ulu öndər Heydər Əliyevin 100 illik yubileyinə həsr olunub.

Tədbirdə əvvəlcə Dövlət Himni səsləndirilib, şəhidlərimizin əziz xatirəsi birdəqiqəlik sükutla yad edilib.

Ardınca “Simurq” AMA-nın prezidenti Fuad Məmmədov çıxış edərək assosiasiyanın fəaliyyəti barədə danışıb. Fuad Məmmədov bildirib ki, assosiasiya tərəfindən innovativ mədəniyyət konsepsiyaları hazırlanıb, Azərbaycanda və xaricdə 300-dən çox elmi-maarifləndirici layihələr, konfrans, seminar, mühazirə və ustad dərsləri həyata keçirilib.

Tədbirdə elm və təhsil nazirinin müavini Firudin Qurbanov, millət vəkilləri Nizami Cəfərov, Fazil Mustafa, Azərbaycan Milli Konservatoriyasının rektoru Siyavuş Kərimi, Azərbaycan Rəssamlar İttifaqının katibi, Xalq rəssamı Ağaəli İbrahimov və digər qonaqlar çıxış edərək assosiasiyanın təsisçi və üzvlərini yubiley münasibətilə təbrik edib, fəaliyyətlərində uğurlar arzulayıblar.

Tədbirdə assosiasiyanın ən fəal azərbaycanlı və xarici üzvlərinə medallar, diplom və təşəkkürnamələr verilib. Bununla yanaşı, Xalq rəssamı Ömər Eldarova “Simurq” AMA-nın rəmzi olan simurq quşu heykəli təqdim edilib.

Qurultayda həmçinin “Simurq” AMA-nın yubileyinə həsr olunmuş film nümayiş etdirilib və monoqrafiya təqdim olunub.