• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri

MenyuMenyu

PORTAL.EDU.AZ

SUALIM VAR Elektron sənəd yoxlanışı
Əlaqə
Təhsil millətin gələcəyidir!

Təhsil müəssisələrinin maliyyə-mühasibatlıq işçiləri üçün praktiki seminar keçirilib

Noyabrın 15-də Elm və Təhsil Nazirliyinin tabeliyində olan və Bakı şəhərində yerləşən ümumi təhsil, peşə təhsili, məktəbdənkənar təhsil müəssisələrinin baş mühasiblərinin iştirakı ilə praktiki seminar keçirilib.  

 

Seminarda açılış nitqi ilə çıxış edən Elm və Təhsil Nazirliyinin Maliyyə şöbəsinin müdiri Rauf Orucov seminarın məqsədi, maliyyə-mühasibatlıq işçilərinin vəzifə və funksiyaları, dövlət büdcəsində təhsil xərclərinin həcmi barədə iştirakçıları məlumatlandırıb, mövcud problemlərin həlli istiqamətində bir sıra tövsiyələr verib.
    
Sonra Elm və Təhsil Nazirliyinin Təhsilin iqtisadiyyatı və statistika şöbəsinin müdiri Kənan Kərimzadə çıxış edərək büdcə və planlaşdırma, ortamüddətli xərclər çərçivəsinin tətbiqi, nəticəəsaslı idarəetmə mexanizmlərinə keçid, bu istiqamətdə görülən işlər, eləcə də təhsilin iqtisadiyyatı ilə bağlı bir sıra statistik göstəriciləri seminar iştirakçılarının nəzərinə çatdırıb. 
    
Daha sonra seminar hər iki şöbə əməkdaşlarının müvafiq təqdimatları və müzakirələrlə davam etdirilib.
    
Seminarın sonunda isə mühasibləri maraqlandıran suallar cavablandırılıb, müvafiq təklif və tövsiyələr verilib.

16.11.2023 - 17:09

Paylaş

Digər xəbərlər