• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri

MenyuMenyu

PORTAL.EDU.AZ

SUALIM VAR Elektron sənəd yoxlanışı
Əlaqə
az
Təhsil millətin gələcəyidir!

Məktəbdənkənar təhsil müəssisələrində 15 İyun – Milli Qurtuluş Günü qeyd olunub

Məktəbdənkənar təhsil müəssisələrində 15 İyun – Milli Qurtuluş Gününə həsr olunmuş tədbirlər keçirilib.


Bakı şəhəri Xətai Rayon İcra Hakimiyyətinin, YAP Xətai rayon təşkilatının və Təhsil Nazirliyi Gənclərin Respublika Bədii Yaradıcılıq Evinin birgə təşkilatçılığı ilə “Qurtuluşdan Zəfərə” adlı tədbir keçirilib.  


Tədbirdə Gənclərin Respublika Bədii Yaradıcılıq Evinin kollektivlərinin ifasında ulu öndərə, qalib Ali Baş Komandana və Azərbaycana həsr olunan mahnılar ifa olunub, müstəqil dövlətimizin qurucusu, ümummilli lider Heydər Əliyevin xalqımız qarşısındakı xidmətlərini, eyni zamanda, Zəfərə gedən yolu özündə əks etdirən videoçarx nümayiş olunub.


Həmçinin, Təhsil Nazirliyi Respublika Uşaq-Gənclər İnkişaf Mərkəzində Milli Qurtuluş Gününə həsr olunmuş “dəyirmi masa”, 2 nömrəli Uşaq-Gənclər İnkişaf Mərkəzinin təşkilatçılığı ilə dərnək üzvləri arasında "Qalib olmağa tələs" adlı viktorina və "Qurtuluşdan başlayan tərəqqi" adlı rəsm sərgisi təşkil edilib, 1 nömrəli Uşaq-Gənclər İnkişaf Mərkəzinin dərnək üzvləri tərəfindən hazırlanan videoçarx sosial şəbəkələrdə nümayiş olunub.


Tədbirlərdə çıxış edənlər ulu öndər Heydər Əliyevin gələcəyimiz olan gənclərin milli ruhda tərbiyəsi və ölkəmizə bağlılığı istiqamətdə gördüyü işlərdən, Azərbaycanın dövlətçilik tarixində əhəmiyyəti ilə seçilən 15 İyun- Milli Qurtuluş Gününün tarixindən bəhs edib.


Təhsil Nazirliyinin tabeliyində fəaliyyət göstərən uşaq-gənclər idman-şahmat məktəblərində  Milli Qurtuluş Gününə həsr olunmuş şahmat və futbol idman növləri üzrə  yarışlar keçirilib. Yarışlarda Təhsil Nazirliyi sistemində fəaliyyət göstərən uşaq-gənclər idman-şahmat məktəblərindən 456 nəfər idmançı iştirak edib. 


Qeyd edək ki, tədbirlərin keçirilməsində məqsəd şagirdləri milli vətənpərvərlik ruhunda tərbiyə etmək, onlar arasında dostluq və idman əlaqələrini möhkəmləndirməkdən ibarət olub.
 

2 il əvvəl

Paylaş

Digər xəbərlər