“Novruz mühazirələri” başlayır
Təbiətin dirçəlişi ilə elmin mahiyyəti arasında dərin fəlsəfi əlaqə var. Hər ikisi yaradıcı axtarışı ilə həqiqətə çatır. Əslində təbiət 4 fəslin bütövlüyündə özünü təsdiq edirsə, elm qoyduğu suallarla həqiqəti aşkarlayır.
Azərbaycanın milli-mental düşüncə tərzində “Novruz” un öz yeri var. Təbiətin oyanış rəmzləri “Novruz”un hikmətində elm, düşünmə və özünütəhlil üçün təbii zəmin yaradır. Bu, yaradılışın 4 başlanğıcıdır- Su, Od, Yel, Torpaq. Elmin əsas təcrübə sahələri də məhz bunlardır.
Əziz dostlar, baharın ilk çərşənbəsində “Novruz mühazirələr”inə başlayırıq.
İlk belə mühazirə fevralın 23-də - İçərişəhərdə - “Muğam klub”da keçiriləcək. “Novruz mühazirələri”nin ilk görüşündə akademik Urxan Ələkbərov “Davamlı inkişaf yaşıl düşüncə kontekstində” mövzusundan bəhs edəcək.
Mühazirələrin “Təhsil” TV tərəfindən çəkilişi və Təhsil Nazirliyinin internet resurslarında yayımlanması nəzərdə tutulur. Tədbirin informasiya dəstəyi “Azad Azərbaycan” televiziyası və Qafqazinfo.az saytına məxsusdur.
“Novruz mühazirələri”ndə iştirak etmək istəyənlər müvafiq məlumatları novruzmuhaziresi@media.edu.az elektron poçt ünvanına göndərərək 22.02.2016-cı il tarixinədək qeydiyyatdan keçə bilərlər (Qeydiyyat forması).
Dəvət olunan şəxslərlə elektron poçt vasitəsilə əks-əlaqə saxlanılacaq.
Təhsil Nazirliyi yerlərin sayının məhdud olduğunu nəzərə alaraq, iştirakçıların seçim hüququnu özündə saxlayır.
8 il əvvəl
Digər xəbərlər
-
İyulda 754 nəfərin diplomu tanınıb
06.08.2024 - 12:53 -
“Təhsildə könüllü fəaliyyətin təşkili” qrant müsabiqəsinə sənəd qəbulu davam edir
06.08.2024 - 10:25 -
Elm və Təhsil Nazirliyi növbəti “Maarifçi” tələbə-məzun təcrübə proqramını elan edir
05.08.2024 - 12:10 -
Şagirdlərin elektron yerdəyişməsi prosesinə başlanılır
05.08.2024 - 11:17 -
Elm və Təhsil Nazirliyinin təşəbbüsü ilə ölkəmizdə “Scopus AI” istifadəyə verilib
02.08.2024 - 18:08