16 may 2026-cı il tarixində Bakı Kristal Zalında Elm və Təhsil Nazirliyinin, Gənclər və İdman Nazirliyinin dəstəyi və STEAM Azərbaycanın təşkilatçılığı ilə First Person View (FPV) Drone – Dron İdmanı üzrə Respublika turniri keçirilib. Turnirdə ölkənin müxtəlif regionlarından ümumilikdə 40 iştirakçı yarışıb. Yarışın əsas məqsədi gənclər arasında innovativ texnologiyalara, mühəndisliyə və pilotsuz uçuş aparatlarına marağın artırılması, həmçinin dron idmanının inkişafına töhfə vermək olub. İştirakçılar xüsusi hazırlanmış yarış trayektoriyasında FPV dronların idarə olunması üzrə öz bacarıqlarını nümayiş etdiriblər. Turnir ərzində komandalar sürət, çeviklik və texniki dəqiqlik üzrə mübarizə aparıblar. #STEAMAzerbaijan #STEAM

Mayın 15-də elm və təhsil nazirinin müavini Firudin Qurbanov Tovuz rayonuna səfər edib. Səfər çərçivəsində bir sıra görüşlər keçirilib, təhsil müəssisələrinə baxış olub və vətəndaş qəbulu təşkil edilib. Görüşlərdə təhsildə müasir yanaşmalar, məktəb–ailə əməkdaşlığı və gənc nəslin inkişafında müəllim əməyinin əhəmiyyəti vurğulanıb. Ətraflı: https://edu.gov.az/az/news-and-updates/23046-1 #ElmVəTəhsilNazirliyi #EduGovAz #EduAz #VətəndaşQəbulu

✅Elm və Təhsil Nazirliyinin, Gənclər və İdman Nazirliyinin dəstəyi və STEAM Azərbaycanın təşkilatçılığı ilə beynəlxalq innovasiya və mühəndislik yarışı olan “H2 Grand Prix” Azərbaycan turniri keçirilib. ✅Turnirdə ölkənin 15 regionunu təmsil edən 15 komandanın ümumilikdə 69 iştirakçısı hidrogen enerjisi ilə çalışan avtomobillərin hazırlanması və idarə olunması üzrə bilik və bacarıqlarını nümayiş etdiriblər. ?Yarışın yekun nəticələrinə əsasən, Ağdaş rayonunu təmsil edən “Pilots” komandası birinci ?, Bakı şəhərinin “Space Soldiers” komandası ikinci ?, Şirvan şəhərinin “DriveIQ” komandası isə üçüncü ? yeri tutublar. #ElmVəTəhsilNazirliyi #EduGovAz #EduAz #GİN #STEAM