“Yeniyetmə və gənclərin həyati bacarıqlarının artırılması” üzrə təlim keçirilib
Məktəbdənkənar təhsil müəssisələrinin müəllimləri tərəfindən “Yeniyetmə və gənclərin həyati bacarıqlarının artırılması” mövzusunda təlim keçirilib. Təlim Mingəçevir və Şirvan şəhərləri, Bərdə, Masallı, Quba, Qazax, İsmayıllı, Qax rayonlarında təşkil olunub.
Proqram çərçivəsində 6-9-cu siniflər əhatə edilməklə ümumtəhsil məktəblərinin 1500-dək şagirdi maarifləndirilib.
Təlim proqramına “Özünüdərk”, “Hüquqlarım və öhdəliklərim”, “Gender və sosial inklüzivlik”, “Faydalı vərdişlərin formalaşması”, “Qidalanma”, “İlk tibbi yardım”, “Fəlakət riskinin azaldılması–iqlim dəyişikliyi və fəlakət zamanı adaptasiya təminatı”, “Yaşam şərtləri-peşələr, peşə təhsili, planlama və büdcənin qurulması, sahibkarlıq”, “Reproduktiv sağlamlıq”, “Gender mənşəli zorakılıq-erkən nikah, məişət zorakılığı, insan alveri” kimi mövzular daxil edilib.
Təlimlər Avropa Komissiyasının DİPECHO Fondu tərəfindən maliyyələşdirilib və Təhsil Nazirliyi, Fövqəladə Hallar Nazirliyi, UNİCEF arasında 2016-2017-ci illəri əhatə edən “Azərbaycan Respublikasında Həssas Uşaqların və İcmaların Fəlakət Riskinə Davamlılığının Artırılması” layihəsi üzrə Fəaliyyət Planının müvafiq bəndi çərçivəsində keçirilib.
6 il əvvəl
Digər xəbərlər
-
Azərbaycan və Qırğızıstan prezidentləri Ağdamın Xıdırlı kənd tam orta məktəbinin təməlqoyma mərasimində iştirak ediblər
25.04.2024 - 14:42 -
Emin Əmrullayev qırğız həmkarı ilə görüşüb
24.04.2024 - 19:02 -
Azərbaycan və Qırğızıstan arasında təhsil sənədinin imzalanma mərasimi olub
24.04.2024 - 16:39 -
10 minə yaxın şagird Qərbi Azərbaycan mövzusunda olimpiadada yarışacaq
24.04.2024 - 12:55 -
“Zəfər” respublika yaradıcılıq festival-müsabiqəsi keçirilir
24.04.2024 - 10:22