Beynəlxalq yay universiteti davam edir
“Ələddin” layihəsi, Avropa Komissiyası və YUNESKO-nun birgə proqramı olan Beynəlxalq yay universitetində təlimlər davam edir.
Azərbaycan Dövlət İqtisad Universitetinin Quba rayonunda yerləşən tədris, idman və istirahət kompleksində təşkil edilən Beynəlxalq yay universitetinin iştirakçıları fransalı professor Katerina Vitol Vendenin “Qloballaşan dünyada miqrasiya”, azərbaycanlı mütəxəssis Elnur Nəsibovun “İnsan alveri və immiqrant qaçaqçılığı” mövzusunda mühazirələrinə qatılıblar. Eləcə də iştirakçılar Bakı Dövlət Universitetinin professoru Məmməd Quluzadənin “Həbs yerlərində əcnəbilərin hüquqları: beynəlxalq hüquq, standartlar və prinsiplər” mövzusunda mühazirəsini dinləyiblər.
Mühazirələrdən sonra iştirakçılar komandalar şəkilində mövzu ilə bağlı müzakirələrdə iştirak ediblər.
Beynəlxalq yay universitetində 20-dən çox ölkənin 26 universitetindən 56 tələbə iştirak edir. Avqustun 7-dək davam edəcək Beynəlxalq yay universitetində müxtəlif ölkələrin tanınmış alimləri, Azərbaycanın müvafiq sahələr üzrə aparıcı mütəxəssisləri tərəfindən təlimlər aparılacaq.
Qeyd edək ki, Beynəlxalq yay universiteti ilk dəfə 2013-cü ildə Türkiyənin İstanbul şəhərində, 2014-cü ildə Almaniyanın Berlin şəhərində, 2015-ci ildə isə Türkiyənin Kapadokiya bölgəsində təşkil edilib.
Beynəlxalq yay universiteti Azərbaycan və YUNESKO arasında əməkdaşlığın inkişafı və 2016-cı ilin Azərbaycanda “Multikulturalizm ili” elan edilməsi haqqında Azərbaycan Respublikası Prezidentinin sərəncamının icrası tədbirləri çərçivəsində təşkil olunub.
7 il əvvəl
Digər xəbərlər
-
Çağrı Mərkəzinin yeni fəaliyyət istiqaməti
28.03.2024 - 12:08 -
Məktəblərdə kibertəhlükəsizlik qaydaları ilə bağlı maarifləndirmə tədbirləri keçiriləcək
27.03.2024 - 17:50 -
Çağrı Mərkəzinin yeni fəaliyyət istiqaməti
27.03.2024 - 10:16 -
Vətəndaş müraciətlərinin statistikası
18.03.2024 - 15:16 -
Qrant müsabiqəsi çərçivəsində layihələrin qiymətləndirilməsi məqsədilə Ekspert Bankına qeydiyyat başlayır
15.03.2024 - 17:32