• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri
SUALIM VAR Elektron sənəd yoxlanışı

Təhsil Nazirliyi Azərbaycan Respublikasının Prezidenti yanında Dövlət İdarəçilik Akademiyasının İnsan hüquqları, demokratiya və sülh problemləri üzrə YUNESKO mərkəzi ilə birgə YUNESKO-nun 70 illik yubileyi münasibətilə “Sülh naminə birləşək!” mövzusunda respublika rəsm müsabiqəsi təşkil edir.

21 sentyabr -Beynəlxalq Sülh Gününə həsr olunmuş müsabiqənin keçirilməsində məqsəd uşaq və gənclərin diqqətini Sülh Gününə cəlb etmək, onlarda qeyri-zorakılıq, sülh mədəniyyəti, vətənpərvərlik, adət-ənənələrə hörmət ruhu aşılamaq, habelə bədii-estetik səviyyələrini yüksəltmək, xüsusi istedada malik uşaqları üzə çıxarmaq və onların qabiliyyətlərinin inkişaf etdirilməsinə dəstək verməkdən ibarətdir. 
Ümumtəhsil və internat məktəblərinin şagirdləri, məktəbdənkənar təhsil müəssisələrinin dərnək üzvləri arasında keçiriləcək müsabiqə üç yaş qrupu üzrə təşkil olunacaq. 
Müsabiqə əvvəlcə məktəbdaxili və rayon (şəhər) məktəbləri arasında keçiriləcək. Həmin mərhələdə I yerin qalibi olan işlər Respublika mərhələsinə təqdim olunacaq. Respublika mərhələsində hər yaş qrupu üzrə 9 qalib iş seçiləcək.
Yekunda qaliblərin, eyni zamanda seçilmiş ən yaxşı işlərin kataloqu nəşr olunacaq. Noyabrda isə qaliblərinin işlərindən ibarət yekun sərgi və mükafatlandırma mərasimi keçiriləcək.


8 il əvvəl