• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Nazirlik Menyu Geri

Menyu

Virtual bələdçi Elektron sənəd yoxlanışı

HTP çərçivəsində 2022-2023-cü tədris ilində Macarıstanda təqaüdlə təhsil üçün müraciət edən namizədlərin nəzərinə!

Bildiririk ki, yanvarın 26-dan etibarən Hökumətlərarası Təqaüd Proqramları (HTP) çərçivəsində 2022-2023-cü tədris ili üzrə Macarıstanda təhsil almaq üçün müraciət edənlər sırasından elan mətnində təqdim edilən meyarlara uyğun gələn namizədlərlə müsahibələr başlanılıb.


Müsahibələr “Microsoft Teams” platforması üzərindən onlayn şəkildə müvafiq ixtisas istiqamətləri üzrə aidiyyəti dövlət qurumlarının nümayəndələri, müvafiq sahələrin ekspertləri tərəfindən aparılır.

 

Müsahibələrin onlayn aparıldığı nəzərə alınaraq, müsahibə zamanı səs və video yazılışın aparılması səlahiyyəti yalnız Təhsil Nazirliyinə aiddir. Bununla əlaqədar bildiririk ki, namizədlər tərəfindən müsahibələrin səs və ya video yazılışı aparılaraq 3-cü tərəfə ötürüldüyü aşkarlandığı təqdirdə həmin şəxsin müsahibə nəticəsi etibarsız hesab ediləcək. 


Namizədlərdən qeyd edilənləri nəzərə alması və şəxsi məlumatların qorunması hüququna hörmətlə yanaşması xahiş olunur. 
 


27.01.2022 - 14:05