• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Menyu Menyu Geri

MenyuMenyu

PORTAL.EDU.AZ

SUALIM VAR Elektron sənəd yoxlanışı
Əlaqə
Təhsil millətin gələcəyidir!
HEYDƏR ƏLİYEV
Haydar Aliyev Image

Gəncə və Samuxda məktəb açılışları

Yanvarın 21-də Gəncə şəhər Məhəmməd Hadi adına 10 nömrəli tam orta məktəb üçün yeni tikilmiş tədris binasının açılış mərasimi keçirilib.


Açılış mərasimində təhsil nazirinin müavini Muxtar Məmmədov, Gəncə Şəhər İcra Hakimiyyəti Başçısının müavini Adil Tağıyev və Gəncə Şəhər Təhsil İdarəsinin müdiri Anar Qədiməliyev iştirak edib.

 

Açılış mərasiminin iştirakçıları əvvəlcə ulu öndər Heydər Əliyevin abidəsini ziyarət ediblər.


Tədbir iştirakçıları daha sonra məktəbdə yaradılmış  şəraitlə yaxından tanış olublar.


Bildirilib ki, məktəb binası 760 şagird yerlikdir. Üç mərtəbəli təhsil müəssisəsində 31 sinif otağı, 2 informatika kabineti, 6 laboratoriya, müəllim otağı, elektrik otağı, həkim otağı, 4 texniki otaq, kitabxana və oxu zalı, 160 yerlik bufet, 180 nəfərlik akt zalı, qəbul otağı, qarderob və 24 sanitar qovşağı müəllim və şagirdlərin ixtiyarına verilib. Məktəbin 2 emalatxanasında tədrisin yüksək səviyyədə təşkili üçün hərtərəfli şərait yaradılıb. 2 idman zalı zəruri avadanlıqla təchiz edilib.


Qeyd edək ki, son 10 ildə Gəncə şəhərində 12 məktəb əsaslı təmir edilib.

 

***

 

Yanvarın 21-də Samux rayon H.Zərdabi adına Çobanabdallı kənd tam orta məktəbi üçün yeni inşa edilmiş tədris binasının da açılış mərasimi keçirilib.


Tədbirdə təhsil nazirinin müavini Muxtar Məmmədov, Samux Rayon İcra Hakimiyyətinin başçısı Alı Qocayev, Təhsil Nazirliyinin Əsaslı tikinti və təchizat idarəsinin rəisi Anar Axundov və Samux Rayon Təhsil Şöbəsinin müdiri Nurlana Həsənova iştirak edib.


Qeyd edilib ki, yeni tikilən təhsil müəssisəsi 624 şagird yerlikdir. Məktəbdə müasir təhsil standartlarına uyğun 24 sinif otağı, məktəbəhazırlıq, fənn kabinetləri və laboratoriyalar, informatika, hərbi hazırlıq kabineti, akt və idman zalları, kitabxana və yeməkxana mövcuddur. Məktəb binasında videomüşahidə, yanğın əleyhinə siqnalizasiya sistemləri, internet və telefon xətləri çəkilib. Təhsil müəssisəsində şagirdlərin təlim-tərbiyəsi ilə 49 nəfərdən ibarət pedaqoji heyət məşğul olacaq.


Açılışdan sonra qonaqlar məktəbdə yaradılmış şəraitlə tanış olublar.
 

2 il əvvəl

Paylaş

Digər xəbərlər