• Azərbaycan Xalq Cümhuriyyəti hökumətinin 1918-ci il 28 may tarixli qərarı ilə maarif və təhsil üzrə ilk nazirlik-Xalq Maarifi Nazirliyi yaradılıb. Nazirlər Şurasının 30 iyun 1918-ci il tarixli qərarı ilə Xalq Maarifi Nazirliyinin üç şöbədən (ümumi orta təhsil, ali və orta ixtisas təhsili, peşə məktəbləri) ibarət strukturu təsdiq olunub.

    Azərbaycan SSR Xalq Komissarları Sovetinin 28 aprel 1920-ci il tarixli qərarı ilə Xalq Maarifi Nazirliyinin adı dəyişdirilərək Xalq Maarifi Komissarlığı adı ilə yenidən təşkil edilib və ölkədəki bütün təhsil müəssisələri bu qurumun tabeliyinə verilib.

Nazirlik Menyu Geri

Virtual bələdçi Elektron sənəd yoxlanışı

Türkiyə Ali Təhsil Şurasının nümayəndə heyətinin ölkəmizə səfəri davam edir

Türkiyə Ali Təhsil Şurası nümayəndə heyətinin Azərbaycana səfərinin növbəti günündə qonaqlar Təhsil Nazirliyinin nümayəndə heyəti ilə birlikdə Azərbaycan Tibb Universitetinin (ATU) Tədris Cərrahiyyə Klinikasını ziyarət ediblər.


Ziyarət zamanı ATU-nun rektoru Gəray Gəraybəyli qonaqlara universitetin tarixi, fəaliyyəti, beynəlxalq standartlara əsasən qurulan təhsil və tədris prosesi haqqında məlumat verib. Qonaqlar həmçinin ATU-nun Tədris Cərrahiyyə Klinikasında tələbələrin təhsili və təcrübə keçməsi üçün yaradılan şəraitlə tanış olublar.


Günün ikinci yarısında bu günədək səfər çərçivəsində baş tutmuş müzakirələrlə əlaqədar ictimaiyyətin məlumatlandırılması məqsədilə mətbuat konfransı təşkil olunub. Mətbuat konfransı zamanı çıxış edən təhsil naziri Emin Əmrullayev Azərbaycan və Türkiyə dövlət başçılarının tapşırığı əsasında Azərbaycan-Türkiyə birgə ali təhsil müəssisəsinin yaradılması üzrə danışıqların aparıldığını bildirib.


Öz növbəsində, Türkiyə Ali Təhsil Şurasının sədri Erol Özvar da birgə universitetinin yaradılması ətrafında danışıqların aparıldığını təsdiq edib və ümumilikdə iki ölkə arasında ali təhsil sahəsində əməkdaşlığın dərinləşməsinə yönəlik bir neçə yeni təşəbbüsün mövcudluğunu bildirib.


Daha sonra media nümayəndələrinin sualları cavablandırılıb.


03.12.2021 - 18:23