4 İyul 2015

Xəbərlər

03.07.2015

3 iyul tarixində Azərbaycan Respublikasının təhsil naziri Mikayıl Cabbarov Rusiya Federasiyasının “Ali İqtisad Məktəbi” Milli Tədqiqat Universitetinin rektoru professor Yaroslav Kuzminov rəhbərlik etdiyi nümayəndə heyətini qəbul edib.

Görüş zamanı Ali İqtisad Məktəbi ilə Azərbaycanın ali təhsil müəssisələri arasında birgə tədris və araşdırma proqramlarının təşkil olunması imkanları müzakirə olunub.
Ətraflı
02.07.2015

İyulun 2-də Təhsil Nazirliyinin təşkilatçılığı ilə Sumqayıtda növbəti dərs ilindən 10-11 siniflərdə tədrisin təmayüllər üzrə təşkil olunmasına həsr edilmiş tədbir keçirilib.

Tədrisin təmayüllər üzrə təşkilinə dair müzakirələrdə qeyd olunub ki, təhsil nazirinin 8 iyun 2015-ci il tarixli əmrinə əsasən, 2015-2016-cı dərs ilindən Bakı, Gəncə, Sumqayıt, Mingəçevir və Şirvan şəhərlərində yerləşən 50 məktəbin 10-11-ci siniflərində tədrisin təmayüllər üzrə təşkil olunması nəzərdə tutulub. Bununla bağlı 4 təmayül istiqamət (texniki, riyaziyyat-iqtisadiyyat, humanitar, təbiət) üzrə tədris planları təsdiq edilib.
Ətraflı
02.07.2015

Bakı şəhərində fəaliyyət göstərən ümumi təhsil müəssisələrinin I siniflərinə şagird qəbulunun elektron sistem vasitəsilə aparılması barədə

Ümumtəhsil məktəblərinin I siniflərinə qəbul üçün valideynlərin (digər qanuni nümayəndələrin) elektron ərizələrinin bu sistemdə qeydiyyatı 2015-ci il martın 5-dən sentyabrın 15-dək www.mektebeqebul.edu.az saytı vasitəsilə aparılacaqdır.
Ətraflı
02.07.2015

Təhsil Nazirliyinin Telefon Məlumat Mərkəzinə (“Qaynar xətt” xidməti, telefon: 146), Kommutator xidmətinə daxil olan zənglərlə və Vətəndaşların Qəbulu Mərkəzində 2015-cü ilin iyun ayında vətəndaşlara göstərilən xidmətlərlə bağlı statistika açıqlanıb.

Statistikaya əsasən, Telefon Məlumat Mərkəzinə 7501 zəng (2013-cü ilin müvafiq dövrü ilə müqayisədə 7,4 dəfə çox, 2014-cü ilin müvafiq dövrü ilə müqayisədə təqribən eyni) və Kommutator xidmətinə 3000-ə yaxın zəng daxil olub. Vətəndaşların Qəbulu Mərkəzində isə 4724 vətəndaşa xidmət göstərilib.
Ətraflı
02.07.2015

Təhsil Nazirliyinin İxtisaslaşdırılmış Olimpiya Ehtiyatları Uşaq Gənclər Gimnastika Məktəbinin yetirmələri 7-ci Beynəlxalq "2015 İstanbul RHYTHMİCS CUP" Bədii Gimnastika turnirində uğurla iştirak ediblər.

Turkiyənin İstanbul şəhərində keçirilən turnirə Azərbaycanla yanaşı Özbəkistan, Türkiyə, Qırğızıstan, Ukrayna, Rusiya, Kipr Türk Respublikası, Bolqarıstan, Qazaxıstan və Moldovadan gəlmiş 18 komandanın 200-dən artıq idmançısı qatılıb. Azərbaycan turnirdə 8 idmançı ilə təmsil olunub.
Ətraflı
01.07.2015

Təhsil Nazirliyinin 13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin (İOEUGİM) yetirmələri Polşada cüdo üzrə yeniyetmələr arasında keçirilmiş “Solamin Cup” beynəlxalq turnirində uğur qazanıblar.

Nova Sol şəhərində keçirilən turnirdə 12 ölkədən 12-15 yaşlı yeniyetmələrdən ibarət 49 komanda iştirak edib. “Solamin Cup”da ölkəmiz 13 nömrəli İOEUG İdman Məktəbinin 8 cüdoçusu ilə təmsil olunub.
Ətraflı
30.06.2015

İyunun 30-da təhsil naziri Mikayıl Cabbarov Göygöl şəhərindəki Heydər Əliyev Mərkəzində Göygöl, Samux, Daşkəsən, Goranboy rayonlarında, Gəncə və Naftalan şəhərlərində yaşayan vətəndaşları qəbul edib.

142 nəfərin qeydiyyatdan keçdiyi qəbulda vətəndaşların müraciəti dinlənilib və əksər məsələlər yerindəcə həllini tapıb. Bir sıra müraciətlərlə bağlı nazirliyin müvafiq qurumlarına tapşırıqlar verilib.
Ətraflı
30.06.2015

Təhsil Nazirliyi Respublika Ekoloji Tərbiyə və Təcrübəçilik Mərkəzi, IDEA İctimai Birliyi və Ümumdünya Təbiəti Mühafizə Fondunun Azərbaycan nümayəndəliyinin birgə əməkdaşlığı ilə Göygöl rayonunun Toğana kəndində “Ceyranları qoruyaq!” adlı ekoloji yay düşərgəsi təşkil olunub.

“Ceyranların Qafqazda tarixən məskunlaşdıqları ərazilərə qaytarılması” proqramı çərçivəsində təşkil olunan düşərgədə Goranboy rayonunun Qurbanzadə, Qarasuçu, Faxralı, Qaramusalı, Eyvazlılar və Samux rayonunun Seyidlər, Lək, Əlibayramlı kənd orta məktəblərindən 30 şagird iştirak edib.
Ətraflı
29.06.2015

Sentyabrın 15-də Bakıda İ.M.Seçenov adına I Moskva Dövlət Tibb Universitetinin filialı fəaliyyətə başlayacaq.

I Moskva Dövlət Tibb Universitetinin Bakı filialının yaradılması haqqında qərar Prezident İlham Əliyevin imzaladığı müvafiq sərəncam əsasında qəbul edilib.
Ətraflı
27.06.2015

“SABAH-ın könüllüsü” tərəfindən yaradılmış azarkeş qrupları “Bakı 2015” 1-ci Avropa Oyunlarında Azərbaycan idmançılarına dəstək nümayiş etdirib və oyunlarda tamaşaçı fəallığının artırılmasına töhfə verib.

Ölkəmizin ev sahibliyi etdiyi möhtəşəm beynəlxalq tədbirlərdən olan, ümumilikdə 50 ölkədən 20 idman növü üzrə 6000-dən çox idmançının iştirak etdiyi “Bakı 2015” 1-ci Avropa Oyunları beynəlxalq idman məkanında ən mühüm tədbirlərdən biridir. Avropanın 49 dövlətindən olan atletlər üçün nəzərdə tutulan idman bayramı dünyanın diqqətini öz üzərində cəmləyib.
Ətraflı