13.06.2011

Ölkəmizdə ilk dəfə olaraq Təhsil Nazirliyinin orqanı olan “Azərbaycan müəllimi” qəzetinin yeni elektron versiyası – virtual qəzet oxucuların istifadəsinə verilib.

Artıq istifadəçilər http://www.muallim.edu.az saytına daxil olaraq qəzetə tam görünüşdə baxa, səhifələyə və istədiyi səhifəni böyüdərək oxuya bilərlər.

Ətraflı
10.06.2011

İyunun 10-da Təhsil Nazirliyində “Bioetika və insan hüquqları: yeni etik çağırışlar” mövzusunda təqdimat dinlənilib.

Təhsil naziri Misir Mərdanov bildirib ki, bioetikanın tibbi və sosial-humanitar elmlərin tədrisində əhəmiyyətini nəzərə alaraq bir sıra ali məktəblərdə müvafiq kafedraların yaradılması, doktorantura səviyyəsində bioetikanın yeni ixtisas kimi təsdiq olunması nəzərdə tutulur.

Ətraflı
07.06.2011

İyunun 7-də təhsil naziri Misir Mərdanov Koreya Respublikasının İdxal və İxracat Bankının Cənub-Qərbi Asiya qrupunun rəhbəri Janq-su Junun başçılıq etdiyi nümayəndə heyəti ilə görüşüb.

Azərbaycanla Koreya arasında mövcud olan əlaqələrdən söz açan Misir Mərdanov təhsil sahəsində də yaradılmış əməkdaşlığın mühüm əhəmiyyət daşıdığını nəzərə çatdırıb.

Ətraflı
02.06.2011

İyunun 2-də təhsil naziri Misir Mərdanov Ukraynanın Azərbaycan Respublikasındakı fövqəladə və səlahiyyətli səfiri Aleksandr Mişşenko ilə görüşüb.

İkitərəfli əməkdaşlığın daha da inkişaf etdirilməsinin məqsədəuyğunluğundan söz açan nazir istər universitetlərarası, istərsə də orta təhsil sahəsində əlaqələrin genişləndirilməsinin əhəmiyyətini nəzərə çatdırıb.

Ətraflı
27.05.2011

Mayın 27-də Dövlət İqtisad Universitetində Təhsil Nazirliyi və Azərbaycan Təhsil İşçiləri Azad Həmkarlar İttifaqı Respublika Komitəsinin birgə təşkilatçılığı ilə təşkil edilmiş tələbələrin XVI Respublika fənn olimpiadasının II turunun açılış mərasimi olub.

Təhsil naziri olimpiadanın ölkəmizin ali məktəblərində təhsil alan tələbələrin müxtəlif fənlərə marağının artırılmasına, istedadlı gənclərin aşkara çıxarılmasına xidmət etdiyini nəzərə çatdırıb.

Ətraflı
27.05.2011

Mayın 26-da Təhsil Nazirliyində ali məktəb tələbələrinin bədii-yaradıcılıq festivalı qaliblərinin mükafatlandırılması mərasimi keçirilib.

Müsabiqədə I, II və III yerlərə layiq görülmüş tələbələr diplom və hədiyyələrlə mükafatlandırılıb.

Ətraflı
26.05.2011

Mayın 26-da təhsil naziri Misir Mərdanov ölkəmizdə səfərdə olan Dünya Bankının Cənubi Qafqaz bölməsi üzrə regional direktoru Əsəd Alamın rəhbərlik etdiyi nümayəndə heyəti ilə görüşüb.

Azərbaycanda təhsilin inkişafının dövlət siyasətinin prioritet istiqamətlərdən biri olduğunu, ölkə Prezidenti cənab İlham Əliyevin bu sahəyə daim qayğı ilə yanaşdığını bildirən Misir Mərdanov son illərdə 2000-dən çox yeni məktəb binasının tikildiyini və əsaslı təmir edildiyini, tədris ocaqlarının maddi-texniki təchizatının nəzərəçarpacaq dərəcədə yaxşılaşdığını vurğulayıb.

Ətraflı
26.05.2011

Mayın 26-da Təhsil Nazirliyi ilə qeyri-hökumət təşkilatları arasında 2011-2012-ci tədris ilində ümumi təhsil müəssisələrinin I siniflərində dərs deyəcək ibtidai sinif müəllimləri üçün fənn kurikulumlarının tətbiqi üzrə təlim kurslarının təşkilinə dair müqavilələrin imzalanma mərasimi keçirilib.

Bu il 9 iqtisadi zona üzrə 86 təlim mərkəzində 164 təlimçi tərəfindən 9670 ibtidai sinif müəlliminə təlimlərin keçirilməsinin nəzərdə tutulduğunu bildirən nazir müvafiq sahədə səmərəliliyi artırmaq üçün bir sıra təkliflərini nəzərə çatdırıb və kurslarda iştirak edən müəllimlərə veriləcək sertifikatların dərəcələr üzrə bölünməsinin əhəmiyyətinə toxunub.

Ətraflı
25.05.2011

Mayın 25-də təhsil naziri Misir Mərdanov Norveç Krallığının Azərbaycandakı fövqəladə və səlahiyyətli səfiri Erlinq Şönsberq və Oslo Universitetinin professoru Vibeke Roggenin başçılıq etdiyi nümayəndə heyəti ilə görüşüb.

İkitərəfli əlaqələrin səmərəliliyinin artırılması baxımından birgə layihələrin həyata keçirilməsinin əhəmiyyətini vurğulayan təhsil naziri Azərbaycan Dillər Universiteti ilə Oslo Universiteti arasında yaradılmış əməkdaşlıqdan söz açıb.

Ətraflı