IV Respublika fənn müsabiqələrinin nəticələri açıqlanıb
Ümumi təhsil məktəblərinin VI-VII sinif şagirdləri arasında keçirilən IV Respublika fənn müsabiqələrinin nəticələri elan olunub. Müsabiqənin nəticələrinə əsasən, ümumilikdə 155 nəfər qalib elan olunub. Onlardan 26 nəfər qızıl, 51 nəfər gümüş, 78 nəfər isə bürünc medal qazanıb.
Fənn müsabiqələri riyaziyyat, fizika, kimya, biologiya və informatika fənləri üzrə keçirilib. Fənn müsabiqələrinin keçirilməsinin əsas məqsədi istedadlı uşaqların aşkar olunması, şagirdlər arasında sağlam rəqabət mühitinin yaradılması, aşağı sinif şagirdlərinin müxtəlif fənlərə olan marağının artırılması, onlarla məqsədyönlü işlərin aparılması və olimpiadalara hazırlıq mərkəzlərinə cəlb olunacaq şagirdlərin müəyyən edilməsindən ibarətdir.
Müsabiqə 2 mərhələdə təşkil olunub. Birinci mərhələdə 60 faizdən yüksək nəticə göstərən şagirdlər final mərhələdə iştirak etmək hüququ qazanıb. İkinci mərhələdə riyaziyyat fənni üzrə 534, fizika fənni üzrə 350, kimya fənni üzrə 136, biologiya fənni üzrə 208, informatika fənni üzrə 135 nəfər olmaqla 1363 nəfər şagird iştirak edib.
Müsabiqənin nəticələri ilə www.olimpiada.edu.az saytında tanış olmaq mümkündür.
5 il əvvəl
Digər xəbərlər
-
“Sabahın alimləri” XIII Respublika Müsabiqəsinin bağlanış mərasimi keçirilib
19.04.2024 - 18:00 -
Elm və təhsil naziri Samuxda vətəndaşları qəbul edib
19.04.2024 - 15:23 -
I sinfə elektron sənəd qəbulunun vaxtı açıqlanıb
19.04.2024 - 14:56 -
"Məktəblinin dostu" layihəsinin fəaliyyətinə dair elmi araşdırmanın təqdimatı keçirilib
18.04.2024 - 17:01 -
“Sabahın alimləri” XIII Respublika Müsabiqəsinin final mərhələsinin II günü - Fotolent
18.04.2024 - 14:10