23.11.2016

"Yaşıl gələcək naminə" adlı foto müsabiqə

Təhsil Nazirliyinin Respublika Ekoloji Tərbiyə və Təcrübəçilik Mərkəzi tərəfindən 10-15 yaşlı uşaqlar arasında foto müsabiqə keçirilib.

"Yaşıl gələcək naminə" adlı foto müsabiqə 25 məktəbi əhatə edib. Foto müsabiqədə I yerə Məhəmməd İslamov, II yerə Bəyim Hüseynzadə, III yerə isə Fərid Əliyev layiq görülüblər.

Müsabiqədə fərqlənən 25 fotonun müəllifi sertifikat və hədiyyələrlə mükafatlandırılıblar.

Qaliblər Bakı Ekspo Mərkəzində keçirilən “Xəzər: Ətraf Mühit üçün Texnologiyalar” 7-ci Azərbaycan Beynəlxalq Ətraf Mühit Sərgisində Avropa İttifaqının Azərbaycandakı nümayəndəliyinin rəhbəri  Malena Mard tərəfindən təltif olunublar.

Müsabiqə Avropa İttifaqı (Aİ) ilə Azərbaycan arasındakı tərəfdaşlığın 25 ili münasibətilə təşkil edilib.


Açar sözlər: ,