14.10.2016

Bakıda Alt komitənin dördüncü iclası keçirilib

Oktyabrın 14-də Bakıda Avropa İttifaqı-Azərbaycan Əməkdaşlıq Komitəsi çərçivəsində Məşğulluq və sosial məsələlər, ictimai səhiyyə, təlim, təhsil və gənclər, mədəniyyət, informasiya cəmiyyəti və audiovizual siyasət, elm və texnologiya məsələləri üzrə Alt komitənin dördüncü iclası keçirilib.

Azərbaycan tərəfindən Təhsil Nazirliyinin həmsədrlik etdiyi iclasda Xarici İşlər Nazirliyi, Əmək və Əhalinin Sosial Müdafiəsi Nazirliyi, Gənclər və İdman Nazirliyi, Mədəniyyət və Turizm Nazirliyi, Səhiyyə Nazirliyi, Rabitə və Yüksək Texnologiyalar Nazirliyi, Milli Elmlər Akademiyasının əməkdaşları və Avropa İttifaqının (Aİ) nümayəndə heyəti iştirak edib.

Bir gün ərzində keçirilən iclas zamanı təhsil, məşğulluq və sosial məsələlər, səhiyyə, gənclər siyasəti, mədəniyyət, tədqiqat və innovasiyalar, informasiya cəmiyyəti mövzularında qarşılıqlı müzakirələr aparılıb. Azərbaycan tərəfi sözügedən sahələrdə həyata keçirilən islahatlar və əldə olunan nəticələrlə bağlı məlumat verib. Aİ-nin nümayəndə heyəti isə öz növbəsində bu sahələr üzrə həyata keçirilən siyasət və nəzərdə tutulmuş dəyişiklərlə bağlı təqdimatlar edib.

İclasın gedişində iki tərəf arasında əməkdaşlığın inkişaf etdirilməsi, yeni layihələrin həyata keçirilməsi məqsədilə qarşılıqlı fikir mübadiləsi aparılıb.


Açar sözlər: