15.08.2016

“Sərhədlərimizin keşiyində” müsabiqəsinin qalibləri mükafatlandırılıb

Dövlət Sərhəd Xidmətində Azərbaycan Sərhəd Mühafizəsinin yaradılmasının 97-ci ildönümünə həsr edilmiş “Sərhədlərimizin keşiyində” yaradıcılıq müsabiqəsi qaliblərinin mükafatlandırılma mərasimi keçirilib.

Təhsil Nazirliyi, Mətbuat Şurası, Azərbaycan Yazıçılar BirliyiAzərbaycan Rəssamlar İttifaqının birgə təşkilatçılığı ilə keçirilən müsabiqədə 1000 nəfərdən çox yaradıcı insan - peşəkar və həvəskar yazıçılar, şairlər, rəssamlar, jurnalistlər, sərhədçi zabit və gizirlər, onların ailə üzvləri, əsgərlər, ümumi təhsil məktəblərinin şagirdləri iştirak edib.

Müsabiqə iştirakçıları tərəfindən təqdim olunan çoxsaylı əsərlərin sırasından 20 şer, 23 hekayə, 51 qəzet məqaləsi, 23 rəsm əsəri və 65 inşa yazısı seçilərək müsabiqənin finalına buraxılıb. Bu mərhələdə peşəkar mütəxəssislərdən ibarət münsiflər heyəti tərəfindən müsabiqənin finalçıları arasından qaliblər müəyyən edilib.

Tədbirdə çıxış edənlər sərhədçilərin fədakar xidmətlərinin təbliğində, gənclərin vətənpərvərlik ruhunda tərbiyə edilməsində, dövlət sərhədinə, sərhədçi peşəsinə rəğbət və ehtiram hissinin aşılanmasında müsabiqənin böyük əhəmiyyətə malik olduğunu  vurğulayıblar.

Sonda müsabiqə qaliblərinə diplom və pul mükafatı təqdim olunub, müsabiqədə yer tutmuş təsviri sənət nümunələri nümayiş etdirilib.                                           


Açar sözlər: ,