14.09.2015

Təhsil Nazirliyinin tabeliyindəki idman məktəbinin yetirməsi boks üzrə dünya birinciliyinin qalibi olub.

“Təhsil” Respublika İdman Mərkəzinin 1 nömrəli Respublika İxtisaslaşdırılmış Olimpiya Ehtiyatları Uşaq-Gənclər İdman Məktəbinin yetirməsi, Azərbaycan yığma komandasının üzvü Məhəmməd Abdullayev Rusiyanın Sankt-Peterburq şəhərində keçirilən boks üzrə yeniyetmələr arasında Dünya birinciliyində +80 kq çəki dərəcəsində uğurla çıxış edərək final mərhələsinə vəsiqə qazanıb. Finalda isə Almaniya təmsilçisi Daniel Melsam üzərində inamlı qələbə qazanaraq I yerə layiq görülüb.