06.08.2015

Təhsil Nazirliyinin idman məktəblərinin yetirmələri Gürcüstanda keçirilən “Tbilisi-2015” XIII Avropa Gənclərinin Olimpiya Festivalında cüdo üzrə idman yarışlarında uğur qazanıblar.

İdmanın ayrı-ayrı növləri üzrə keçirilən yarışlara dünyanın 50 ölkəsindən 2500-dək yeniyetmə idmançı qatılıb. Qızlar arasında 40 kq çəki dərəcəsində Sumqayıt şəhər 2 nömrəli Uşaq-Gənclər İdman Məktəbinin yetirməsi Şəfəq Həmidova qalib olub. O, finalda Rusiya idmançısı üzərində qələbə qazanaraq qızıl medal qazanıb.
13 nömrəli İxtisaslaşdırılmış Olimpiya Ehtiyatları Uşaq-Gənclər İdman Məktəbinin yetirməsi İbrahim Bayramlı isə oğlanlar arasında 50 kq çəki dərəcəsində üçüncü yeri tutaraq bürünc medal əldə edib.